సాక్షి, అమరావతి: ‘పచ్చ’ ముఠా ముసుగు పూర్తిగా తొలగిపోయింది. చంద్రబాబు, నర్రెడ్డి సునీత, షర్మిల, పవన్‌ కళ్యాణ్, లోకేశ్, పురందేశ్వరి, బీటెక్‌ రవి అంతా ఒకే తానులో ముక్కలని తేటతెల్లమైంది. వైఎస్‌ వివేకానందరెడ్డి హత్య కేసులో వారికి కావాల్సింది రాజకీయ ప్రయోజనాలే తప్ప, అసలు హంతకులకు శిక్ష పడటం కాదన్న విషయం మరోసారి తేటతెల్లమైంది. వివేకాను రాజకీయంగా, ఆ తర్వాత భౌతికంగానూ తొలగించుకొన్న వారితో ఆయన కుమార్తె నర్రెడ్డి సునీత, అల్లుడు నర్రెడ్డి రాజశేఖర్‌ రెడ్డి అంటకాగుతున్నారన్న విభ్రాంతికర వాస్తవం మరోసారి సాక్ష్కాత్కరించింది. వైఎస్‌ వివేకానందరెడ్డి హత్య కేసును సీబీఐ దర్యాప్తు చేస్తున్నందున, ఈ కేసుపై న్యాయస్థానాల్లో విచారణ జరుగుతున్నందున ఈ ఉదంతాన్ని రాజకీయ ప్రయోజనాలకు వాడుకోకూడదన్న పులివెందుల న్యాయస్థానం తీర్పును అందరూ శిరసా­వహిస్తారని భావించారు. కానీ, పులివెందుల టీడీపీ అభ్యర్థి బీటెక్‌ రవి ఆ తీర్పును హైకోర్టులో సవాల్‌ చేయడం పచ్చ కుట్రను బయటపెట్టంది. రాజకీయ జీవితంలో ఓటమి ఎరుగని నేతగా ఉన్న వివేకానందరెడ్డిని తానే ఓడించానని చంద్రబాబు నమ్మిన బంటు సీఎం రమేష్‌ ఇటీవల వ్యాఖ్యానించారు. ఆయన వ్యాఖ్యలు వివేకాను అంతమొందించే కుట్రకు ఎంత ముందుగా భూమికను సిద్ధం చేశారో అర్థమవుతోందని పరిశీలకులు విశ్లేషిస్తున్నారు. వివేకా హత్యను రాజకీయంగా వాడుకోవడా­నికి చంద్రబాబు చాలా ముందుగానే స్క్రిప్టు సిద్ధం చేశారు. దస్తగిరి, సునీత, సౌభాగ్యమ్మ, షర్మిల.. ఇలా పలువురు పాత్రధారులు తెరపైకి వస్తూ వారికి ఇచ్చిన డైలాగులు చెబుతూ ప్రజల్ని తప్పుదారి పట్టించేందుకు యత్నించారు. ఎన్నికల షెడ్యూల్‌ ప్రకటించిన తరువాత మరింతగా విషం చిమ్మేందుకు తెగించారు. ఓటర్లను తప్పుదారి పట్టించే ఈ దుష్ప్రచారానికి అడ్డుకట్ట పడాలని, సామరస్య­పూర్వక రాజకీయ వాతావరణంలో ఎన్నికలు జరగా­లని వైఎస్సార్‌సీపీ భావించింది. పలు న్యాయస్థానా­ల్లో విచారణ సాగుతున్న ఈ హత్యపై ఎవరూ మా­ట్లా­డటం సరైన విధానం కాదని కూడా అభిప్రాయ­పడింది. ఇదే అంశాన్ని విన్నవిస్తూ చంద్రబాబు, నర్రెడ్డి సునీత, షర్మిల, లోకేశ్, పవన్, పురందేశ్వరి, బీటెక్‌ రవిని ప్రతివాదులుగా చేరుస్తూ పులివెందుల న్యాయస్థానంలో పిటిషన్‌ దాఖలు చేసింది. వైఎస్‌ వివేకా హత్య కేసు గురించి ఎన్నికల ప్రచారంలో మాట్లాడకుండా కట్టడి చేయాలని కోరింది. ఈ పిటిషన్‌లో పేర్కొన్న అంశాలతో న్యాయస్థానం ఏకీభవించింది. వైఎస్‌ వివేకా హత్య కేసు గురించి ఎవరూ మాట్లాడవద్దని ఈ నెల 16న తీర్పునిచ్చింది. మంచి ఉద్దేశంతో న్యాయస్థానం ఇచ్చిన ఈ తీర్పు అడ్డగోలు రాజకీయ ప్రయోజనాలే లక్ష్యమైన చంద్రబాబు అండ్‌ కోకు మింగుడు పడలేదు. దీంతో పక్కా పన్నాగంతో మొదట సునీతతో ఈ తీర్పుపై అభ్యంతరం తెలిపారు. ఆమె హైకోర్టులో ఈ తీర్పును సవాల్‌ చేస్తారని అందరూ భావించారు. కానీ, పులివెందుల నియోజకవర్గ టీడీపీ అభ్యర్థి బీటెక్‌ రవి హైకోర్టులో సవాల్‌ చేశారు. తీర్పుపై సునీత వెలిబుచ్చిన అభిప్రాయాలనే ఈ పిటిషన్‌లో ప్రస్తావించారు. తద్వారా అంతా చంద్రబాబు తానులో ముక్కలేనని స్పష్టం చేశారు. చంద్రబాబు కుట్రలో పాత్రధారుల ప్రవేశం ఇలా సీఎం వైఎస్‌ జగన్‌మోహన్‌రెడ్డిని ప్రజా­క్షే­త్రం­లో నేరుగా ఎదుర్కొనే సత్తా లేక కుట్ర రాజ­కీ­యాలు చేస్తున్నానని చంద్రబాబు మరోసారి పరో­క్షంగా చెప్పారు. 2019 మార్చి 15న వివేకా హత్యకు గురైన వెంటనే వైఎస్‌ జగన్‌మోహన్‌రెడ్డి లక్ష్యంగా అప్పటి సీఎంగా ఉన్న చంద్రబాబు ప్రచారంలోకి తీసుకు­వ­చ్చి­న కట్టుకథను ప్రజలు ఆ ఎన్నికల్లో తిప్పికొట్టా­రు. ఎన్నికల తరువాత చంద్రబాబు రూ­టు మార్చా­రు. తాము చేసిన నిరాధార ఆరోపణ­లనే వైఎస్‌ వివేకా కుటుంబ సభ్యులతో చెప్పించే సరికొత్త డ్రామాకు తెరతీశారు. ముందుగా వివేకా కుమార్తె నర్రెడ్డి సునీతతో మూడేళ్లకుపైగా డ్రామా నడిపించారు. ఆ తరువాత బాబు స్క్రిప్ట్‌ ప్రకారమే షర్మిల­ను రాష్ట్ర రాజకీయ తెరపైకి తెచ్చారు. సునీత చేస్తు­న్న నిరాధార ఆరోపణలనే షర్మిల కూడా  వినిపిస్తు­న్నారు. ఇటీవల వివేకా సతీమణి సౌభాగ్య­మ్మనూ తె­ర­పైకి తెచ్చారు. వివేకా వర్ధంతి కార్యక్ర­మంలో సౌ­భాగ్యమ్మ, సునీత, షర్మిలతోపాటు టీడీ­పీ ప్రభు­త్వం­లో మంత్రి ఆదినారాయణ రెడ్డి, బీటెక్‌ రవి ఒకే వేదికపై ఆశీనులయ్యారు. వారందరి ప్రసంగాలు ఒకే రాజకీయ లక్ష్యంతో సాగడం గమనార్హం. తాజా­గా పులివెందుల కోర్టు తీర్పును వ్యతిరేకిస్తూ సునీ­త, బీటెక్‌ రవి ఒకేలా చంద్రబాబు పాటనే పాడారు. వివేకా శత్రువులు, హంతకులతోనే జట్టు కట్టిన సునీత దంపతులు వివేకా కుమార్తె సునీత, ఆమె భర్త నర్రెడ్డి రాజశేఖర్‌రెడ్డి తీరు మొదటి నుంచి అత్యంత వివాదాస్పదంగా,  సందేహాస్పదంగా ఉంది. వివేకాను 2017లో రాజకీయంగా వెన్నుపోటు పొడిచి ఎమ్మెల్సీగా ఓడించిన బీటెక్‌ రవి తదితరులతో వారు సన్నిహిత సంబంధాలు కొనసాగిస్తున్నారు. 2017లో వైఎస్సార్‌ జిల్లా స్థానిక సంస్థల ఎన్నికల్లో వైఎస్సార్‌సీపీకి పూర్తి మెజార్టీ ఉంది. అయినప్పటికీ, వైఎస్సార్‌సీపీ అభ్యర్థి వివేకాను అప్పటి సీఎం చంద్రబాబు, మంత్రి ఆదినారాయణ రెడ్డి కుట్రపూరితంగా ఓడించారు. వైఎస్సార్‌సీపీ ఎంపీటీసీ, జెడ్పీటీసీ సభ్యులను ప్రలోభాలకు గురిచేసి బీటెక్‌ రవిని గెలిపించారు. వివేకాను కుట్రతో ఓడించిన ఇదే బ్యాచ్‌తో సౌభాగ్యమ్మ, సునీత దంపతులు నాలుగేళ్లుగా సన్నిహితంగా ఉండటం వివాదాస్ప­దంగా మారింది.  సునీత ఇటీవల మీడియా సమావేశంలోనూ చంద్రబాబు, ఆదినారాయణ రెడ్డి, బీటెక్‌ రవి, మహాసేన రాజేశ్‌ తదితరులకు కృతజ్ఞతలు తెలపడం గమనార్హం. మరోవైపు వివేకాను కిరాతకంగా నరికి హత్య చేశానన్న దస్తగిరితోనూ సఖ్యతతో ఉండటం విభ్రాంతి కలిగిస్తోంది. హత్య జరిగిన రోజునా సందేహాస్పదంగా.. వైఎస్‌ వివేకా హత్య అనంతరం ఆయన సతీమణి సౌభాగ్యమ్మ, కుమార్తె సునీత, అల్లుడు నర్రెడ్డి రాజశేఖరరెడ్డి, పెద్ద బావమరిది నర్రెడ్డి శివప్రకాశ్‌ రెడ్డి తీరు సందేహాస్పదంగా ఉంది. వివేకా గుండెపోటుతో చనిపోయారనే ప్రచారం వెనుక సునీత, నర్రెడ్డి రాజశేఖరరెడ్డి, శివప్రకాశ్‌రెడ్డి ప్రధాన పాత్ర పోషించారు. 2019 మార్చి 15న ఉదయం వివేకా తలపై తీవ్ర గాయాలతో మృతిచెందారని ఆయన పీఏ కృష్ణారెడ్డి మొదటగా గుర్తించారు. ఆ వెంటనే వివేకా సతీమణి, కుమార్తె, అల్లుడికి సమాచారం ఇచ్చారు. రక్తపు మడుగులో ఉన్న వివేకా మృతదేహం ఫొటోలు తీసి వాట్సాప్‌ చేశారు. అయినప్పటికీ ఆయన పెద్ద బావమరిది శివప్రకాశ్‌రెడ్డి అప్పటి టీడీపీ ప్రభుత్వంలో మంత్రి ఆదినారాయణరెడ్డికి ఫోన్‌ చేసి వివేకా గుండెపోటుతో మరణించారని చెప్పారు. అదే విషయాన్ని ఆదినారాయణ రెడ్డి మీడియాకు వెల్లడించారు. దాంతో వివేకా గుండెపోటుతో మరణించారనే అసత్య సమాచారం బయటకు వచ్చింది. ఇక వివేకా రాసిన లేఖను బయటపెట్టవద్దని పీఏ కృష్ణారెడ్డిని ఆదేశించడం ద్వారా గుండెపోటుతో మరణించారన్న ప్రచారాన్ని ఆయన కుమార్తె, అల్లుడు కొనసాగించారు. ఆ లేఖను వెంటనే పోలీసులకు అప్పగించమని వారు చెప్పి ఉంటే వివేకాని హత్య చేశారన్న విషయం వెంటనే అందరికీ తెలిసేది. కానీ ఆ లేఖను ఉద్దేశపూర్వకంగానే గోప్యంగా ఉంచారు. సాయంత్రం 5 గంటలకు కృష్ణారెడ్డి లేఖ, సెల్‌ఫోన్‌ను పోలీసులకు ఇచ్చారు. లేఖను వారు ఎందుకు గోప్యంగా ఉంచారన్నది ఈ కేసులో కీలక అంశం. వివేకానందరెడ్డి గుండెపోటుతో మరణించారనే ప్రచారం చేసే ఉద్దేశంతోనే ఆ లేఖను బయట పెట్టకూడదని వారు నిర్ణయించారా అన్నది ఇక్కడ అందరికీ కలిగే సందేహం. 

భద్రాద్రి: చదువు మాన్పించి పెళ్లి చేశారనే మనస్తాపంతో నవ వధువు బలవన్మరణానికి పాల్పడిన విషాదఘటన భద్రాద్రి కొత్తగూడెం జిల్లా చండ్రుగొండ మండలం మంగయ్యబంజర్‌లో సోమవారం చోటుచేసుకుంది. పోలీసులు, కుటుంబసభ్యుల కథనం ప్రకారం.. మంగయ్యబంజర్‌ గ్రామానికి చెందిన భూక్యా దేవకి(23) ఈ ఏడాది కొత్తగూడెంలోని సింగరేణి మహిళా కళాశాలలో డిగ్రీ పూర్తి చేసింది. పై చదువులకు వెళ్తానని పట్టుబట్టినా.. తల్లి ఆరోగ్యం బాగుండడం లేదనే సాకుతో కుటుంబసభ్యులు వివాహానికి ఒప్పించారు.  ఇదే మండలంలోని దుబ్బతండాకు చెందిన గుగులోత్‌ బాలరాజుతో మార్చి 28న దేవకికి వివాహం జరిపించారు. కాగా, 16 రోజుల పండుగ నిమిత్తం నూతన వధూవరులను ఈనెల 12న మంగయ్యబంజర్‌ తీసుకొచ్చారు. 13వ తేదీ అర్ధరాత్రి అందరూ నిద్రిస్తున్న సమయంలో దేవకి పురుగుల మందు తాగింది. గమనించిన కుటుంబసభ్యులు ఆమెను మొదట జూలూరుపాడు ఆస్పత్రికి, అక్కడి నుంచి కొత్తగూడెంకు తరలించారు. ఆ తర్వాత మెరుగైన చికిత్స నిమిత్తం ఖమ్మంలోని ఓ ప్రైవేటు ఆస్పత్రికి తరలించగా, సోమవారం తెల్లవారుజామున తుదిశ్వాస విడిచింది. తల్లి భూక్యా పద్మ ఫిర్యాదు మేరకు చండ్రుగొండ ఎస్సై మాచినేని రవి కేసు నమోదు చేశారు.

మంత్రి కారుమూరి నాగేశ్వరరావు తణుకు అర్బన్‌: ముఖ్యమంత్రి వైఎస్‌ జగన్‌మోహన్‌రెడ్డి మేమంతా సిద్ధం బస్సు యాత్ర, బహిరంగ సభ విజయవంతమయ్యాయని రాష్ట్ర పౌరసరఫరాలు, వినియోగదారుల వ్యవహారాల శాఖ మంత్రి కారుమూరి వెంకట నాగేశ్వరరావు అన్నారు. గురువారం తణుకులోని క్యాంపు కార్యాలయంలో ఆయన విలేకరులతో మాట్లాడుతూ.. భీమవరంలో సిద్ధం సభ జనసంద్రమైందని, బస్సు యాత్రకు ప్రజలు నీరాజనాలు పట్టారన్నారు. మండుటెండను సైతం లెక్కచేయకుండా అ వ్వాతాతలు, యువత, చిన్నారులు, మహిళలు సైతం రోడ్లపైకి వచ్చి సీఎం జగన్‌కు అభివాదాలు చేసిన దృశ్యాలు కనిపించాయన్నారు. రాజకీయంగా ఇంతటి ప్రజాదరణ పొందిన సీఎం జగన్‌ చరిత్రలో నిలుస్తారన్నారు. బస్సుయాత్ర, సిద్ధం సభలతో వెన్నులో వణుకు పుడుతున్న చంద్రబాబు అండ్‌కో దాడులకు దిగుతున్న పరిస్థితుల్లో సైతం జగన్‌ చెక్కుచెదరని ఆత్మవిశ్వాసంతో ప్రజల్లోకి వస్తున్నారన్నారు. బస్సుయాత్రను జయప్రదం చేసిన పార్టీ శ్రేణులు, ప్రజలకు మంత్రి కారుమూరి కృతజ్ఞతలు చెప్పారు. యాత్ర సాగిందిలా.. పశ్చిమగోదావరి జిల్లా తేతల్లిలో రాత్రి బస క్యాంపు నుంచి సీఎం జగన్‌ తణుకు, సిద్దాంతంమీదుగా డా.బీఆర్‌ అంబేడ్కర్‌ కోనసీమ జిల్లా గోపాలపురం, ఈతకోట, రావులపాలెం, జొ న్నాడ జంక్షన్‌కు చేరుకున్నారు. అక్కడి నుంచి మూలస్థానం క్రాస్‌, చెముడులంక, మడికి జంక్షన్‌, పొట్టిలంకకు చేరుకున్నాక బస్సు యాత్ర భోజన విరామానికి కొద్దిసేపు ఆగింది. సా యంత్రం వేమగిరి జంక్షన్‌, ధవళేశ్వరం ఇండస్ట్రియల్‌ ఏరియా, బొమ్మూరు సెంటర్‌ రాజ మండ్రి సిటీ ముఖద్వారం మోరంపూడి జంక్షన్‌ కు సాయంత్రం 5.34 గంటలకు సీఎం జగన్‌ చే రుకున్నారు. అక్కడ నుంచి రాజమండ్రి నగరంలోకి యాత్ర ప్రవేశించింది. మోరంపూడి జంక్షన్‌ నుంచి తాడితోట, షెల్టన్‌ సెంటర్‌, దేవీచౌక్‌, పేపరు మిల్లు, కాతేరు గామన్‌ బ్రిడ్జి, ది వాన్‌చెరువు, రాజానగరం మీదుగా ఎస్‌టీ రా జాపురంలో రాత్రి బస క్యాంపునకు చేరారు.

మేమంతా.. మీ వెంటే.. తేతలిలో అభిమానుల సందడిరావులపాలెం.. జన సంద్రం.. రావులపాలెంలో అశేష జనవాహినికి అభివాదం చేస్తున్న సీఎం జగన్‌●సాక్షి, భీమవరం: జననేత జనాదరణ ముందు మండు వేసవి చిన్నబోయింది.. ఓ వైపు నిప్పుల కొలిమిని తలపిస్తూ ప్రచండ భానుడి ప్రతాపం.. మరోవైపు వేడిసెగలు కక్కుతున్న జాతీయ రహదారి.. సంక్షేమ సారథిని చూసేందుకు పోటెత్తిన జనాభిమానం ముందు ఇవన్నీ వెలవెలబోయాయి.. వైఎస్సార్‌సీపీ అధ్యక్షుడు, ముఖ్యమంత్రి వైఎస్‌ జగన్‌మోహన్‌ రెడ్డి చేపట్టిన మేమంతా సిద్ధం బస్సు యాత్ర పశ్చిమగోదావరి జిల్లాలో జన గోదారిని తలపిస్తూ దిగ్విజయంగా ముగిసింది. ఒకరోజు విరామం తర్వాత శ్రీరామనవమి వేడుకల నేపథ్యంలో మేమంతా సిద్ధం బస్సు యాత్రకు బుధవారం విరామం ప్రకటించిన విషయం తెలిసిందే. తణుకు మండలం తేతలి వద్ద రాత్రి బస క్యాంపు నుంచి గురువారం ఉదయం 10.30 గంటలకు బస్సు యాత్ర ప్రారంభమైంది. అప్పటికే వేడిగాలులతో సూర్యప్రతాపం ఉక్కిరిబిక్కిరి చేస్తున్నా సీఎం జగన్‌ను చూ సేందుకు జిల్లా నలుమూలల నుంచి పెద్ద ఎత్తున పార్టీశ్రేణులు, అభిమానులు క్యాంపు సమీపంలోని జాతీయ రహదారిపైకి చేరుకున్నారు. సీఎం జగన్‌ వారందరినీ చూసి బస్సు ఆపి బయటకు వచ్చి అభివాదం చేస్తూ, పలకరిస్తూ ఉత్సాహం నింపారు. ‘ప్లీజ్‌ హెల్ప్‌’ అంటూ ప్లకార్డులతో ఉన్న మహిళలను చూసి.. వారితో మాట్లాడారు. తేతలి సెంటర్‌, తణు కు వై.జంక్షన్‌, శర్మిష్ట్ట జంక్షన్‌, ఉండ్రాజవరం జంక్షన్‌, పెరవలి వై.జంక్షన్‌ మీదుగా బస్సు యాత్ర సా గింది. చుట్టుపక్కల గ్రామాల నుంచి వందలాదిగా ప్రజలు ఆయా కూడళ్ల వద్దకు చేరుకుని జననేత రా క కోసం ఎదురుచూశారు. బస్సులోని సీఎం జగన్‌ ను చూసి జై జగన్‌, సీఎం.. సీఎం.. అంటూ నినాదాలతో హోరెత్తిస్తూ ఘన స్వాగతం పలికారు. ముఖ్యమంత్రి సైతం జనం ఉన్న ప్రతిచోటా బస్సు ఆపి బయటకు వచ్చి వారితో మాట్లాడారు. అలాగే వారి వినతులపై తక్షణమే స్పందిస్తూ, చిరునవ్వుతో అభివాదం చేస్తూ అందరిలో ఉత్సాహం నింపారు. సత్వరమే స్పందించి.. పక్షవాతంతో బాధపడుతున్న తన 12 ఏళ్ల చిన్నారికి పింఛన్‌ ఇప్పించాలని వడ్డూరుకు చెందిన తల్లి కో రగా, తేతలిలో జన్యుపరమైన సమస్యలతో బాధడుతున్న నరసింహ అనే దివ్యాంగునికి ప్రస్తుతం ఇస్తున్న రూ.3 వేల పింఛన్‌ రూ.5 వేలు చేయాలని అతని కుటుంబ సభ్యులు సీఎం జగన్‌ను కోరారు. ఆయా వినతులపై వెంటనే స్పందించిన ముఖ్య మంత్రి పరిష్కారానికి చర్యలు తీసుకోవాలని సిబ్బందికి సూచించారు. సిద్ధాంతం.. ఘన స్వాగతం గోదావరి వశిష్ట వారధి (సిద్దాంతం బ్రిడ్జి) సమీపంలో ఆచంట నియోజకవర్గం దొంగరావిపాలెం వద్ద ఎమ్మెల్యే, ఆచంట అభ్యర్థి చెరుకువాడ శ్రీరంగనాథరాజు ఆధ్వర్యంలో బస్సుయాత్రకు ప్రజలు ఘ నంగా స్వాగతం పలికారు. సీఎం జగన్‌ బయటకు వచ్చి వారిని పలకరించారు. దొడ్డివారిపాలెంకు చెందిన రవికుమార్‌ రెండు కిడ్నీలు పాడయ్యాయని, వైద్యానికి ఇబ్బంది పడుతున్నానని, సిద్ధాంతానికి చెందిన కొబ్బరి బొండాల వ్యాపారి వేండ్ర మోహనరావు ఆర్థికంగా ఇబ్బంది పడుతున్నానని, అనారోగ్య సమస్యలు ఉన్నాయని, పెనుగొండకు చెందిన విద్యార్థి మైలే డేవిడ్‌ జార్జ్‌ ప్రైజ్‌ ట్రై స్కూటీ, జగనన్న విద్యాదీవెన కోసం అభ్యర్థించగా ఆయా వినతుల పరిష్కారానికి చర్యలు తీసుకోవాలని సీఎం జగన్‌ తన సిబ్బందికి సూచించారు. అనంతరం వశిష్ట వారధి దాటి డాక్టర్‌ బీఆర్‌ అంబేడ్కర్‌ కోనసీమ జిల్లాలోకి యాత్ర ప్రవేశించడంతో పశ్చిమగోదావరి జిల్లాలో రెండు రోజుల పాటు జరిగిన మేమంతా సిద్ధం బస్సుయాత్ర దిగ్విజయంగా ముగిసింది. బస్సు యాత్రలో మంత్రి, తణుకు అభ్యర్థి కారుమూరి వెంకట నాగేశ్వరరావు, నరసాపురం పార్లమెంట్‌ అభ్యర్థి గూడూరి ఉమాబాల సీఎం జగన్‌ పక్కన ఉన్నారు. అదృష్టంగా భావిస్తున్నా.. సీఎం జగన్‌ను స్వయంగా కలవడం అదృష్టంగా భావిస్తున్నా. నా సమస్యను సావధానంగా విని సత్వర పరిష్కారానికి ఆదేశాలు ఇచ్చారు. నాకు ట్రైస్కూటీ మంజూరు చేయమని, జగనన్న విద్యాదీవెన ఆఖరి విడత నిలిచిపోయిందని ముఖ్యమంత్రి దృష్టికి తీసుకువెళ్లాను. – మైలే డేవిడ్‌ జార్జ్‌ ప్రైజ్‌, పెనుగొండ సావధానంగా విన్నారు కొబ్బరి బొండాల వ్యాపారంలో తీవ్రంగా నష్ట పోయానని, ఆర్థికంగా చితికి పోవడంతో అనారోగ్యానికి గురై ఇబ్బంది పడుతున్నానని సీఎం జగన్‌కు విన్నవించుకున్నా. ముఖ్యమంత్రి స్థాయిలో ఉన్నా.. ఆయన నా సమస్యను సావధానంగా విని భరోసా ఇచ్చారు. – వేండ్ర మోహనరావు, సిద్ధాంతం అడుగడుగునా అమితాదరణ సీఎం జగన్‌ బస్సు యాత్రకు అపూర్వ స్పందన జాతీయ రహదారిపైకి పోటెత్తిన జనం జై జగన్‌ నినాదాలతో మార్మోగిన హైవే ఆప్యాయంగా పలకరిస్తూ ముందుకు సాగిన ముఖ్యమంత్రి పశ్చిమగోదావరి జిల్లాలో ముగిసిన మేమంతా సిద్ధం బస్సు యాత్ర

తాడేపల్లిగూడెం అర్బన్‌ : సార్వత్రిక ఎన్నికల నేపథ్యంలో వైఎస్సార్‌ సీపీలోకి కూటమి నేతలు వలసలు కొనసాగుతున్నాయి. గురువారం పలు చోట్ల టీడీపీ, జనసేన పార్టీలకు చెందిన నాయకులు వైఎస్సార్‌ సీపీలో చేరారు. సీఎం వైఎస్‌ జగన్‌మోహన్‌రెడ్డి సమక్షంలో వైఎస్సార్‌ సీపీలో చేరిన గమిని సుబ్బారావు గురువారం సాయంత్రం ఉప ముఖ్యమంత్రి కొట్టు సత్యనారాయణను గురువారం మర్యాదపూర్వకంగా కలిశారు. ఈ సందర్భంగా గమినిని మంత్రి కొట్టు వైఎస్సార్‌ సీపీ కండువా వేసి సత్కరించారు. ఈ సందర్భంగా మంత్రి మాట్లాడుతూ మాజీ వైస్‌ చైర్యన్‌, వ్యాపారవేత్త గమిని సుబ్బారావు వైఎస్సార్‌ సీపీలో చేరడం శుభసూచకమన్నారు. ఆర్యవైశ్యులు ప్రశాతంగా వ్యాపారాలు చేసుకోవాలి, అందరితోను స్నేహంగా ఉండాలనే సదుద్దేశంతో ముందుకు వెళతారన్నారు. ముఖ్యమంత్రి వైఎస్‌ జగన్‌మోహనరెడ్డి నిర్వహిస్తున్న మేమంతా సిద్ధం బస్సు యాత్రకు ప్రజలు తండోపతండాలుగా వస్తున్నారన్నారు. ఇది చూసిన కూటమి నేతలు అయోమయంలో ఉన్నారన్నారు. గమని సుబ్బారావు మాట్లాడుతూ వైఎస్సార్‌సిపి ప్రభుత్వం చేస్తున్న సంక్షేమ పాలన చూసి ఆకర్షితులై జగన్‌ సమక్షంలో పార్టీలో చేరానన్నారు. ప్రజల భవిష్యత్తు జగన్‌మోహనరెడ్డి అని సుబ్బారావు అన్నారు. అప్సడా వైస్‌ ఛైర్మన్‌ వడ్డి రఘురాం మాట్లాడుతూ గమని సుబ్బారావు వంటి వ్యక్తులు వైఎస్సార్‌సిపిలోకి చేరడం సంతోషకరమన్నారు. తాడేపల్లిగూడెంలో కొట్టు సత్యనారాయణను ఎమ్మెల్యేగా గెలిపించేందుకు కృషి చేయాలని కోరారు. పాలకొల్లులో.. పాలకొల్లు సెంట్రల్‌: సీఎం వైఎస్‌ జగన్‌ పాలన మెచ్చే ఇతర పార్టీల నేతలు వైఎస్సార్‌ సీపీలో చేరుతున్నారని వైఎస్సార్‌ సీపీ పాలకొల్లు అసెంబ్లీ అభ్యర్థి గూడాల గోపి అన్నారు. పాలకొల్లులో గురువారం 18వ వార్డు టీడీపీ, జనసేన, బీజేపీలకు చెందిన 25 కుటుంబాలు వైఎస్సార్‌ సీపీలో చేరారు. వీరందరికి గుడాల గోపి వైఎస్సార్‌ పార్టీ కండువాలు వేసి పార్టీలోకి ఆహ్వానించారు. వార్డు ఇన్‌చార్జి రామాంజుల పెద్దమదు, ఖండవల్లి వాసుల సమక్షంలో పసుపులేటి రమేష్‌, పసుపులేటి సుధ, పసుపులేటి జాన్‌,కొండేటి హనోక్‌, పసుపులేటి దివ్య, పసుపులేటి రాజేష్‌, కౌంజు మరేష్‌, కొల్లి పాప, బెజవాడ లక్ష్మీ, కంకిపాటి శ్రీదర్‌, వడ్లపాటి పల్లంరాజు, తెన్నేటి రాజేష్‌బాబు, తానేటి బ్రూస్‌రామ్‌, కానూరి రమణ, అనపర్తి రవిబాబుల కుటుంబ సభ్యులు వైఎస్సార్‌ పార్టీలో చేరారు. సంచారజాతుల కార్పోరేషన్‌ చైర్మన్‌ పెండ్ర వీరన్న, యడ్ల తాతాజీ, గుమ్మాపు వరప్రసాద్‌, పాలపర్తి కృపానాథ్‌, సనమండ సురేష్‌, పసుపులేటి వీరాస్వామి, రామాంజు చిన్నమధు, కె.జక్కరయ్య, ఎం.జయరావు పాల్గొన్నారు. గుండుగొలనులో.. భీమడోలు: గుండుగొలనుకు చెందిన టీడీపీ నాయకులు, కార్యకర్తలు గురువారం రాత్రి వైఎస్సార్‌ సీపీ భీమడోలు మండల ఇన్‌చార్జి పుప్పాల కార్తీక్‌ ఆధ్వర్యంలో వైఎస్సార్‌ సీపీలో చేరారు. ఐదేళ్లలో సీఎం వైఎస్‌ జగన్‌ పేదలకు అమలు చేసిన సంక్షేమ పథకాలు, అభివృద్ధి పనులు తమను ఎంతగానో ఆకర్షించాయని, అందుకే టీడీపీని వీడి వైఎస్సార్‌ సీపీలో చేరుతున్నామని వారంతా ప్రకటించారు. ఎమ్మెల్యే పుప్పాల వాసుబాబు గ్రామాన్ని అభివృద్ధి చేశారని, సొంతింటి కలను సాకారం చేశారన్నారు. అనంతరం పుప్పాల కార్తీక్‌ సమక్షంలో టీడీపీకి చెందిన వెలగల కృష్ణ, పి.సతీష్‌, పి.ప్రసాద్‌, రెడ్డి ప్రసాద్‌, విశాఖ పవన్‌, విశాఖ రంగ, గోంగాడ శివ, గుమ్మడి దుర్గారావు, ఆళ్ల దుర్గారావు, ఆళ్ల హేమంత్‌ తదితరులకు పార్టీ కండువాలను వేసి పార్టీలోకి సాదరంగా ఆహ్వానించారు. రానున్న ఎన్నికల్లో ఉంగుటూరు ఎమ్మెల్యే పుప్పాల వాసుబాబు, ఎంపీ అభ్యర్థి కారుమూరి సునీల్‌ యాదవ్‌లను గెలిపించేందుకు యుద్ద సైనికుల్లా పని చేయాలని కార్తీక్‌ వారిని కోరారు. గ్రామ పార్టీ అధ్యక్షుడు ముదుండి సూర్యనారాయణరాజు, నాయకులు జహీర్‌, పసుపులేటి శ్రీను, వార్డు సభ్యుడు గొటికల మురళీ, నాయకులు నల్ల శ్రీను, మర్రాపు బాబు, వగ్వాల రామన్‌ పాల్గొన్నారు.

జిల్లాలో కొత్తగా ఉండి మండలం కలవపూడి, భీమవరం రూరల్‌ పెన్నాడ అగ్రహారం, ఆకివీడు మండలం గుమ్ములూరు, మొగల్తూరు మండలం కాళీపట్నంలో కొత్త పీహెచ్‌సీలు మంజూరు చేశారు. సుమారు రూ.12 కోట్లతో మంచిలి, ముదునూరు, లంకలకోడేరు, మేడపాడు, ఆచంట వేమవరం, కాళ్ల పీహెచ్‌సీలకు ఆధునిక వసతులతో అభివృద్ధి చేస్తున్నారు. పాలకొల్లులో రూ.13.50 కోట్లతో 150 పడకల ఆసుపత్రి నిర్మాణానికి సంబంధించి పనులు పూర్తి కావస్తుండగా త్వరలో వినియోగంలోకి తెచ్చేందుకు చర్యలు తీసుకున్నారు. నరసాపురంలో 50 పడకల ఆస్పత్రిని 100 పడకల ఏరియా ఆస్పత్రిగా అభివృద్ధి చేశారు. భీమవరంలో రూ.40 కోట్లతో 100 పడకల ఆస్పత్రి నిర్మాణ పనులు శరవేగంగా జరుగుతున్నాయి.

సీఎం వైఎస్‌ జగన్‌ రైతుల పక్షపాతిగా పనిచేస్తున్నారు. గతంలో ఏ ప్రభుత్వం చేయని విధంగా.. విత్తనం దగ్గర నుంచి ధాన్యం కొనుగోలు వరకు ప్రభుత్వం రైతు వెన్నంటే ఉండి పనిచేసే విధంగా చక్కటి వ్యవస్థను ఏర్పాటు చేశారు. జగన్‌కు రైతులు రుణపడి ఉంటారు. – బైనపాలెం పండు, ఎల్‌బీ చర్ల అప్పుల భారం లేదు పెట్టుబడి సాయం కింద సీఎం వైఎస్‌ జగన్‌ ప్రతి రైతుకి ఏడాదికి రూ.13,500 సాయం అందిస్తుండటంతో రైతులకు అప్పులభారం లేదు. గతంలోని ప్రభుత్వాలు ముందస్తు సాగు చేయమని చెప్పడమే తప్ప ఏనాడు రైతులను ఆదుకునేందుకు ముందుకు వచ్చింది లేదు. – ముప్పిడి కుమార్‌, గుంపర్రు పెంపు హర్షణీయం ఐదేళ్లుగా నాకు ఏటా రూ. 13,500 చొప్పున వైఎస్సార్‌ రైతు భరోసా సాయం అందుతోంది. వ్యవసాయ పెట్టుబడుల కోసం ఎంతో ఉపయోగపడుతుంది. వచ్చే సీజన్‌ నుంచి రూ. 16000 చేయనున్నట్టు సీఎం జగన్‌ ప్రకటించడం హర్షణీయం. – చుండ్రు వెంకట సత్యనారాయణ, రైతు, వేల్పూరు, తణుకు మండలం కొనసాగింపు.. మంచి నిర్ణయం రైతు భరోసా పథకాన్ని కొనసాగిస్తూ సీఎం వైఎస్‌ జగన్‌మోహన్‌రెడ్డి ఎన్నికల మేనిఫెస్టోలో ప్రకటించడం చాలా మంచి నిర్ణయం. ఇప్పటివరకు ఏటా రూ.13,500 చొప్పున అందేవి. రానున్న ఐదేళ్ల పాటు ఏటా రూ.16 వేలు జమ చేస్తామని ప్రకటించడం అభినందనీయం. – సలుమూరి గోవిందరావు, రైతు, అత్తిలి జగన్‌ పాలనే రైతులకు భరోసా వైఎస్‌ జగన్‌మోహన్‌రెడ్డి పాలన రైతులకు భరోసా ఇస్తుంది. ఇటీవల మేనిఫెస్టోలో రైతులకు భరోసానిస్తు జగన్‌ చేసిన ప్రకటనలు రైతులకు మరింత ఆనందాన్నిస్తున్నాయి. ఏడాదికి రూ.16,000 చొప్పున ఐదేళ్లలో రూ.80 వేలు ఇస్తానని ప్రకటించడం ఆనందదాయకం. – చిత్తలూరి రామకృష్ణ, బొండాడ

ఆకివీడు: రాష్ట్రంలో కూటమిగా ఏర్పడిన టీడీపీ, జనసేన, బీజేపీ పార్టీలు కుల గణనకు వ్యతిరేకంగా ఉన్నాయని బీసీ సంక్షేమ సంఘం జాతీయ అధ్యక్షుడు గూడూరి వెంకటేశ్వరరావు ఆరోపించారు. స్థానిక ఏఎంసీ చైర్మన్‌ రసూల్‌బీబీ నివాసంలో గురువారం విలేకర్లతో ఆయన మాట్లాడుతూ కులగణనకు బీజేపీ పూర్తి వ్యతిరేకంగా ఉందన్నారు. కూటమిగా ఏర్పడిన ఆ పార్టీలు కులగణనకు బీజేపీని ఒప్పించగలరా అని డిమాండ్‌ చేశారు. తాము కులగణనకు వ్యతిరేకమని బీజేపీ చెబుతున్నప్పటికీ ఆ పార్టీతో కూటమి కట్టిన జనసేన, టీడీపీలు బయటకు రావాలని డిమాండ్‌ చేశారు. 2019లో రాష్ట్రంలో ప్రజలిచ్చిన తీర్పును 2024లో పునరావృతం చేయనున్నారని చెప్పారు. బీసీల్ని మోసగించిన చంద్రబాబుకు వచ్చే ఎన్నికల్లో బీసీ కులస్తులు బుద్ధి చెప్పడం ఖాయమన్నారు. అమలు చేయలేని వాగ్దానాలతో కొన్ని పార్టీలు ఎన్నికలకు సిద్ధమైతే, అమలుజేసిన పథకాల్ని మరింత పటిష్టంగా అమలుజేసేందుకు వైఎస్‌ జగన్‌మోహన్‌రెడ్డి సిద్ధంగా ఉన్నారని చెప్పారు. బీసీలకు వైఎస్సార్‌ సీపీ అగ్రస్థానం కల్పించిందని చెప్పారు. ఎమ్మెల్యే, ఎంపీ స్థానాల్ని అఽధికంగా బీసీలకు కేటాయించిన వైఎస్‌ జగన్‌మోహన్‌రెడ్డిని బీసీలంతా నమ్ముతున్నారని చెప్పారు. ఏఎంసీ చైర్మన్‌ రసూల్‌బీబీ మాట్లాడుతూ బీసీలకు సముచిత స్థానం కల్పించిన వైఎస్సార్‌ సీపీకి వచ్చే ఎన్నికల్లో బీసీలంతా మద్దతు పలికి అత్యధిక మెజార్టీ కల్పిస్తారని చెప్పారు. ఉండి అభ్యర్థి పీవీఎల్‌ నర్సింహరాజు, ఎంపీ అభ్యర్థి గూడూరు ఉమాబాలను గెలిపిస్తామన్నారు. కార్యక్రమంలో వైఎస్సార్‌సీపీ బీసీ నాయకులు ఊడిగ శ్రీనివాస్‌, తోట శివాజీ, రాజులపూడి వెంకటేశ్వరావు, గంగయ్య, సందా కేశవరావు పాల్గొన్నారు. బీసీ సంక్షేమ సంఘం జాతీయ అధ్యక్షుడు గూడూరి వెంకటేశ్వరరావు పిలుపు

భీమవరం: భీమవరం పట్టణానికి చెందిన దాట్ల భవిష్య 1411 ఇంటర్నేషనల్‌ చెస్‌ రేటింగ్‌ కై వసం చేసుకుంది. అఖిల భారత చదరంగం సమాఖ్య, ప్రపంచ చదరంగం సమాఖ్య సంయుక్తంగా మే 1వ తేదీన విడుదల చేసిన చదరంగం ఫైడ్‌ రాపిడ్‌ రేటింగ్‌ జాబితాలో భవిష్య రేటింగ్‌ కై వసం చేసుకుందని నేషనల్‌ కోచ్‌ మాదాసు కిషోర్‌ చెప్పారు. గురువారం పట్టణంలోని అనసూయ చెస్‌ అకాడమీలో భవిష్యను అభినందించిన సందర్భంగా ఆయన మాట్లాడారు. పట్టణంలో మొట్టమొదటి మహిళా రేటింగ్‌ చెస్‌ ప్లేయర్‌గా నిలవడం విశేషమన్నారు. భవిష్య చినఅమిరంలోని విశ్వకవి స్కూల్లో 8వ తరగతి చదువుతూ అనసూయ అకాడమీలో శిక్షణ పొందుతోందన్నారు. రూ.లక్ష నగదు చోరీ ఆకివీడు: పట్టణంలోని ఓ ఇంట్లో చోరీ జరిగి రూ.లక్ష నగదును గుర్తు తెలియని వ్యక్తులు అపహరించారు. వివరాలిలా ఉన్నాయి. స్థానిక మట్టా వారి వీధిలో నివశిస్తున్న కొవ్వాడ రాంబాబు తన ఇంట్లో రూ. లక్ష రూపాయలు గుర్తుతెలియని వ్యక్తులు దోచుకుపోయారని గురువారం ఫిర్యాదు చేసినట్లు హెడ్‌ కానిస్టేబుల్‌ జీ.దివాకర్‌ చెప్పారు. కేసు నమోదు చేసి దర్యాప్తు చేస్తున్నట్లు వివరించారు. ఎస్‌ఈబీ తనిఖీలు ఏలూరు టౌన్‌: సార్వత్రిక ఎన్నికల నేపథ్యంలో ఎస్‌ఈబీ ఆధ్వర్యంలో ఏలూరు జిల్లాలో పలు చోట్ల గురువారం విస్తృతంగా తనిఖీలు చేశారు. 18 మందిపై బైండోవర్‌ కేసులు నమోదు చేశారు. 8 చోట్ల కార్డెన్‌సెర్చ్‌ నిర్వహించారు. 16 కేసులు నమోదు చేసి 55 లీటర్ల నాటు సారా, 2800 లీటర్ల బెల్లపుఊట స్వాధీనం చేసుకుని ధ్వంసం చేశారు. 70.3 లీటర మద్యం స్వాధీనం చేసుకున్నారు. 12 మంది వ్యక్తులను అదుపులోకి తీసుకుని కేసులు నమోదు చేశారు.

● రూ.16 వేలకు రైతు భరోసా పెంపు ● ఐదేళ్లలో రైతులకు చేకూరే లబ్ధి రూ.944 కోట్లు ● మేనిఫెస్టోలో ప్రకటించిన సీఎం వైఎస్‌ జగన్‌ ● సర్వత్రా హర్షం వ్యక్తం చేస్తున్న అన్నదాతలు ● ప్రభుత్వంపై రూ.146.5 కోట్ల అదనపు భారం గత ఐదేళ్లలో అందించిన రైతు భరోసా సాయం సంవత్సరం రైతులు ప్రభుత్వ సాయం రూ. కోట్లలో 2019–20 1,09,302 147.56 2020–21 1,24,664 168.3 2021–22 1,17,791 159.02 2022–23 1,13,597 153.36 2023–24 1,24,645 168.17