నెల్లూరు సిటీ: రూరల్‌ నియోజకవర్గంలోని 17వ డివిజన్‌లో జనసేన, టీడీపీకి చెందిన 150 మంది యువకులు వైఎస్సార్‌సీపీలో చేరారు. నగరంలోని మినీబైపాస్‌ రోడ్డులో ఆ పార్టీ రూరల్‌ అభ్యర్థి ఆదాల ప్రభాకర్‌రెడ్డి కార్యాలయంలో బుధవారం ఈ కార్యక్రమం జరిగింది. పంట్రంగి తేజ, బాలయ్య, సీహెచ్‌ గోపాల్‌, ఊటుకూరు అఖిల్‌, బాలు, హరికృష్ణ తదితరులకు ఆదాల కండువాలు కప్పి సాదరంగా ఆహ్వానించారు. ఈ సందర్భంగా ఆయన మాట్లాడుతూ పార్టీలో చేరిన ప్రతి ఒక్కరికీ సముచిత స్థానం ఉంటుందన్నారు. వైఎస్‌ జగన్‌మోహన్‌రెడ్డిని మరోసారి ముఖ్యమంత్రిని చేయడమే లక్ష్యంగా అందరం కలిసి పనిచేద్దామని పిలుపునిచ్చారు. కార్యక్రమంలో మేయర్‌ స్రవంతి, 17వ డివిజన్‌ కార్పొరేటర్‌ పేనేటి సుధాకర్‌, నాయకులు పాముల రమణయ్య, కఠారి గోపీనాథ్‌ పాశం శ్రీనివాస్‌ తదితరులు పాల్గొన్నారు.

● కావలి ఎమ్మెల్యే ప్రతాప్‌కుమార్‌రెడ్డి కావలి: ‘తెలుగుదేశం పార్టీకి ఓట్లు వేస్తే చీకటి రోజులు తప్పవు. ప్రజలు ఈ విషయంలో అప్రమత్తంగా ఉండాలి’ అని కావలి ఎమ్మెల్యే రామిరెడ్డి ప్రతాప్‌కుమార్‌రెడ్డి అన్నారు. పట్టణంలోని వెంగళరావునగర్‌లో బుధవారం జరిగిన ముస్లింల ఆత్మీయ సమావేశంలో ఎమ్మెల్యే పాల్గొని మాట్లాడారు. వైఎస్సార్‌సీపీ స్థాపించిన నాటి నుంచి ముస్లింలు అండగా ఉన్నారన్నారు. 2019లో పార్టీ అభ్యర్థుల విజయానికి కృషి చేశారన్నారు. ఈ ఎన్నికల్లోనూ గెలిపించాలని విజ్ఞప్తి చేశారు. ఉమ్మడి రాష్ట్రంలో ముస్లిం, మైనారిటీలకు వైఎస్‌ రాజశేఖరరెడ్డి అండగా నిలిచారన్నారు. ఆయన రిజర్వేషన్లు కల్పించిన విషయాన్ని గుర్తు చేశారు. దీంతో అనేక మంది ఉన్నత స్థానాలకు చేరుకున్నారని చెప్పారు. వైఎస్‌ జగన్‌మోహన్‌రెడ్డి ముస్లింల సంక్షేమానికి పాటుపడ్డారన్నారు. కర్నూలు వంటి కీలక స్థానాల్లో ఎమ్మెల్యేగా అవకాశం ఇచ్చారన్నారు. అదే విధంగా కార్పొరేషన్లు, నామినేటెడ్‌ పదవులు, స్థానిక సంస్థల్లోనూ ముస్లింలకు ప్రాధాన్యం ఇచ్చినట్లు చెప్పారు. ఇమామ్‌లు, మౌజన్లకు గౌరవ వేతనాలు, హజ్‌ యాత్రకు ఆర్థిక సాయం అందించిన ఘనత జగన్‌మోహన్‌రెడ్డికే దక్కుతుందన్నారు. టీడీపీ హయాంలో ముస్లింలు తీవ్ర ఇబ్బందులు పడ్డారని తెలిపారు. చంద్రబాబు మతతత్వ పార్టీ అయిన బీజేపీతో చేతులు కలిపి ఎన్నికల్లో పోటీ చేస్తున్నాడన్నారు. కార్యక్రమంలో షేక్‌ నాయబ్‌ రసూల్‌, మొగల్‌ సలీం బేగ్‌, మొగల్‌ రహీం బేగ్‌, పఠాన్‌ నవాజ్‌ ఖాన్‌, షేక్‌ ఫీర్‌ మహమ్మద్‌, నాయబ్‌ రసూల్‌, షేక్‌ అబ్దుల్‌, నాగూర్‌ తదితరులు పాల్గొన్నారు.

● కోవూరు ఎమ్మెల్యే నల్లపరెడ్డి ప్రసన్న బుచ్చిరెడ్డిపాళెం రూరల్‌: ‘చంద్రబాబు నాయుడు వలంటీర్లపై కక్ష కట్టాడు. వారు సంక్షేమ పథకాలు, వృద్ధులు, దివ్యాంగుల పింఛన్లు ఇవ్వకుండా తన మనుషుల ద్వారా ఈసీకి ఫిర్యాదు చేయించి అడ్డుకున్నాడు’ అని కోవూరు ఎమ్మెల్యే నల్లపరెడ్డి ప్రసన్నకుమార్‌రెడ్డి అన్నారు. బుచ్చిరెడ్డిపాళెం నగర పంచాయతీ పరిధిలోని 200 మంది వలంటీర్లు బుధవారం తమ పోస్టులకు రాజీనామా చేశారు. అనంతరం నెల్లూరులోని ప్రసన్నకుమార్‌రెడ్డి నివాసంలో వైఎస్సార్‌సీపీలో చేరారు. ఎమ్మెల్యే వారికి కండువాలు కప్పి సాదరంగా ఆహ్వానం పలికారు. ఈ సందర్భంగా పార్టీలో చేరిన వారు మాట్లాడుతూ ప్రసన్నకుమార్‌రెడ్డి ప్రజల మనిషి అని చెప్పారు. వచ్చే ఎన్నికల్లో ఆయన విజయం కోసం తమవంతు కృషి చేస్తామని వివరించారు. వైఎస్‌ జగన్‌మోహన్‌రెడ్డిని మరోసారి సీఎంను చేయడమే తమ లక్ష్యమన్నారు. ప్రజా సేవ చేసే వారికే తమ మద్దతు ఉంటుందన్నారు. కార్యక్రమంలో నగర పంచాయతీ చైర్‌పర్సన్‌ మోర్ల సుప్రజ, వైఎస్సార్‌సీపీ పట్టణాధ్యక్షుడు టంగుటూరు మల్లికార్జునరెడ్డి, సచివాలయాల కన్వీనర్‌ మోర్ల మురళి, నాయకుడు కోడూరు మధుసూదన్‌రెడ్డి, కౌన్సిలర్లు, నాయకులు, కార్యకర్తలు పాల్గొన్నారు.

● మాజీ ఎంపీ మేకపాటి రాజమోహన్‌రెడ్డి మర్రిపాడు: ‘ఆత్మకూరు నియోజకవర్గాన్ని అన్ని విధాలా అభివృద్ధి చేస్తాం. సంక్షేమ ప్రభుత్వం కొనసాగేందుకు అందరూ సహకరించాలి’ అని నెల్లూరు మాజీ ఎంపీ మేకపాటి రాజమోహన్‌రెడ్డి కోరారు. మండలంలోని చిన్న అల్లంపాడు, పెద్ద అల్లంపాడు గ్రామాల్లో బుధవారం రచ్చబండ కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ టీడీపీ ఎంపీ అభ్యర్థి వేమిరెడ్డి ప్రభాకర్‌రెడ్డి, ఆత్మకూరు ఎమ్మెల్యే అభ్యర్థి ఆనం రామనారాయణరెడ్డి పలువురికి ప్యాకేజీలు ఇచ్చి ప్రలోభాలకు గురిచేశారన్నారు. దీని వల్ల వైఎస్సార్‌సీపీకి మేలు చేకూరిందన్నారు. అనేకమంది విక్రమ్‌రెడ్డి వెంట నడిచేందుకు సిద్ధమయ్యారన్నారు. ఏఎస్‌పేటలో జరిగిన కార్యక్రమంలో ఆనం చేసిన వ్యాఖ్యలపై సవాల్‌ చేస్తున్నామన్నారు. వేమిరెడ్డి ఎంపీ అభ్యర్థిగా వచ్చిన తర్వాతే ఆత్మకూరులో రామనారాయణరెడ్డి తిరుగుతున్నారని చెప్పారు. వెంకటగిరికి వెళ్లిపోయాడని, వేమిరెడ్డి అందజేసిన ప్యాకేజీతో ఆనం ఇక్కడ రాజకీయాలు చేస్తున్నాడన్నారు. ఆయనకు త్వరలోనే సరైన సమాధానం చెబుతామన్నారు. అలాంటి వారిని ప్రజలు నమ్మరని, వైఎస్సార్‌సీపీని ప్రజలంతా మళ్లీ గెలిపించుకోవాలని కోరారు. కార్యక్రమంలో వైఎస్సార్‌సీపీ మండల కన్వీనర్‌ బొర్రా సుబ్బిరెడ్డి, మాజీ కన్వీనర్‌ గంగవరపు శ్రీనివాసులునాయుడు, దశరథరామిరెడ్డి, గువ్వల వెంగళరెడ్డి, చెన్ను వెంకటేశ్వరరెడ్డి, మౌలాలి, హజరత్‌రెడ్డి, దుగ్గిరెడ్డి కృష్ణప్రసాద్‌రెడ్డి, రేవూ రు వేణుగోపాల్‌రెడ్డి తదితరులు పాల్గొన్నారు. ముమ్మరంగా తనిఖీలు నెల్లూకరు(క్రైమ్‌): సార్వత్రిక ఎన్నికల నేపథ్యంలో మద్యం, నగదు అక్రమ రవాణా కట్టడికి పోలీసు, సెబ్‌ అధికారులు తనిఖీలు ముమ్మరం చేశారు. మంగళ, బుధవారాల్లో మనుబోలు పోలీసుస్టేషన్‌ పరిధిలో ఎలాంటి పత్రాలు లేకుండా అక్రమంగా తరలిస్తున్న వివిధ వస్తువులను స్వాధీనం చేసుకున్నారు. పోలీసులు వెంకటాచలసత్రం పరిధిలో 19, ఇందుకూరుపేటలో 10, సైదాపురంలో ఆరు మద్యం బాటిళ్లు, సెబ్‌ అధికారులు 195 మద్యం బాటిళ్లను స్వాధీనం చేసుకున్నారు. కండలేరులో 7.636 టీఎంసీలు రాపూరు: కండలేరు జలాశయంలో బుధవారం నాటికి 7.636 టీఎంసీలు నిల్వ ఉన్నట్లు జలాశయం ఈఈ విజయకుమార్‌రెడ్డి తెలిపారు. హెడ్‌రెగ్యులేటర్‌ నుంచి సత్యసాయిగంగకు 250 క్యూసెక్కులు, పిన్నేరువాగుకు 5, లోలెవల్‌ కాలువకు 25 క్యూసెక్కుల వంతున నీటిని విడుదల చేస్తున్నట్లు పేర్కొన్నారు.

పొదలకూరు: ‘నేను స్థానికుడిని. మండలంలో ప్రతి గ్రామం గురించి తెలుసు. మీకేం కావాలో ఐడియా ఉంది. టీడీపీ అభ్యర్థి సోమిరెడ్డి చంద్రమోహన్‌రెడ్డి అలియాస్‌ అల్లీపురంరెడ్డి అవకాశం కోసం వస్తున్నాడు. ఆయన్ను నమ్మొద్దు. ఎన్నికలయ్యాక కనిపించడు’ అని రాష్ట్ర వ్యవసాయ శాఖ మంత్రి కాకాణి గోవర్ధన్‌రెడ్డి అన్నారు. మండలంలోని ఆల్తుర్తి, ఆర్‌వైపాళెం, అంకుపల్లి, వెంకటాపురం, పర్వతాపురం, పులికల్లు, వావింటపర్తి, ఊసపల్లి గ్రామాల్లో బుధవారం మంత్రి ఎన్నికల ప్రచారాన్ని నిర్వహించారు. ఈ సందర్భంగా మాట్లాడుతూ వైఎస్‌ జగన్‌మోహన్‌రెడ్డి ఇచ్చిన హామీలను నెరవేర్చడంతోపాటు ఇవ్వని హామీలను కూడా అమలు చేసినట్లు తెలిపారు. 2014 ఎన్నికల్లో చంద్రబాబు నాయుడు రైతులు, పొదుపు మహిళలకు రుణమాఫీ చేస్తానని నమ్మించి అధికారంలోకి వచ్చాడన్నారు. కానీ వారిని మోసం చేసినట్లు చెప్పారు. వైఎస్సార్‌సీపీ ప్రభుత్వంలో గ్రామాలు అభివృద్ధి చెందాయన్నారు. సచివాలయాలు, ఆర్బీకే, విలేజ్‌ హెల్త్‌ క్లినిక్‌ భవనాల నిర్మాణం జరిగిందన్నారు. ప్రతి వీధిలో సిమెంటురోడ్లు, సైడ్‌ డ్రెయిన్లు నిర్మించామన్నారు. అధికారం చేజిక్కించుకునేందుకు చంద్రబాబు కూటమిని ఏర్పాటు చేసి వస్తున్నాడని, ఆయన్ను నమ్మొద్దని సూచించారు. ఓటెందుకు వేయాలి సోమిరెడ్డి.. ఏం మేలు చేశావని ప్రజలు నీకు ఓటేయాలని సోమిరెడ్డిని మంత్రి ప్రశ్నించారు. ఆయన వ్యవసాయ శాఖ మంత్రిగా ఉన్నప్పుడు ఒక్క గ్రామాన్ని కూడా అభివృద్ధి చేయలేదన్నారు. ఐదేళ్లు ప్రజలకు అందుబాటులో లేకుండాపోయి ఇప్పుడొచ్చి ఓట్లు అడుగుతున్నాడన్నారు. రూ.కోట్లు వెచ్చించి ప్రతి గ్రామంలో మట్టిరోడ్డు లేకుండా చేశానని, మురుగునీరు బయటకు వెళ్లేందుకు డ్రెయినేజీ వ్యవస్థను ఏర్పాటు చేయించినట్లు కాకాణి చెప్పారు. పేదలకు భూముల పంపిణీ, చుక్కల భూముల సమస్యకు శాశ్వత పరిష్కారం చూపానన్నారు. మూడో పర్యాయం అవకాశం ఇవ్వాలని కోరారు. అభివృద్ధి, సంక్షేమ పథకాలు ఎవరి హయాంలో అందాయో గుర్తించి ఓటేయాల్సిందిగా విజ్ఞప్తి చేశారు. మంత్రి వెంట చిల్లకూరు వెంకురెడ్డి, పి.బాబిరెడ్డి, బూసుపల్లి చిన్నపరెడ్డి, కె.రామిరెడ్డి, శ్రీహరి, చంద్రశేఖర్‌, వై.పెంచలరెడ్డి, టి.నారాయణరెడ్డి తదితరులు ఉన్నారు. రాష్ట్ర వ్యవసాయ శాఖ మంత్రి కాకాణి గోవర్ధన్‌రెడ్డి

Politics (from Ancient Greek πολιτικά (politiká) 'affairs of the cities') is the set of activities that are associated with making decisions in groups, or other forms of power relations among individuals, such as the distribution of resources or status.

● ఎన్నికల ప్రచారంలో ప్రజలను మభ్యపెట్టే ప్రయత్నం ఆత్మకూరు: వెన్నుపోటు రాజకీయాలు చంద్రబాబుకు వెన్నతో పెట్టిన విద్య. చంద్రబాబు సార్వత్రిక ఎన్నికల నేపథ్యంలో ఇతరులు చేసిన అభివృద్ధిని సైతం తెలుగుదేశం పార్టీ ఖాతాలో వేసుకొనేందుకు ప్రయత్నించి నవ్వులపాలవుతున్నారు. ఇటీవల ఆత్మకూరులో జరిగిన ఎన్నికల ప్రచారంలోనూ చంద్రబాబు పలికిన అబద్ధాలే ఇందుకు నిదర్శనం. ఆయన మాట్లాడిన మాటలు, వాస్తవాలను పరిశీలిస్తే.. చంద్రబాబు : సోమశిల జలాశయాన్ని మాజీ ముఖ్యమంత్రి ఎన్‌టీ రామారావు పూర్తి చేసిన విషయం మీకు తెలుసు కదా తమ్ముళ్లూ.. వాస్తవం: ఎన్‌టీ రామారావు తన హయాంలో సోమశిల జలాశయంలో 40 నుంచి 50 టీఎంసీల నీరు నిల్వ చేసేలా కొంతమేర పనులు చేయించారు. అనంతరం 2004లో జలయజ్ఞం పథకంలో భాగంగా దివంగత సీఎం వైఎస్‌ రాజశేఖరరెడ్డి 78 టీఎంసీల నీరు నిలిచేలా జలాశయం వెనుక ప్రాంతంలోని (వైఎస్సార్‌ జిల్లా) సుమారు 20 గ్రామాల ప్రజలకు నష్టపరిహారం చెల్లించి కోర్టు కేసులను తప్పించి పనులు పూర్తి చేయించారు. ఆయన హయాంలోనే జలాశయంలో 78 టీఎంసీల నీరు నిలిపి రికార్డ్‌ సృష్టించారు. అనంతరం ముఖ్యమంత్రి వైఎస్‌ జగన్‌మోహన్‌రెడ్డి పాలనలోనూ 78 టీఎంసీల నీరు నిలిచేలా (2021) జలాశయానికి పూర్తి చేయాల్సిన మరమ్మతులు చేయించి ఆ మేరకు నీరు నిలిపిన ఘనత దక్కించుకున్నారు. ఇది మరిచిన చంద్రబాబు జలాశయం అభివృద్ధి టీడీపీ హయాంలోనే జరిగిందని అబద్ధాలు చెప్పడం హాస్యాస్పదంగా మారింది. చంద్రబాబు : వైఎస్సార్‌సీపీ ప్రభుత్వంలో కాలువల్లో పూడికతీత పనులు చేశారా.. సాగునీరు ఇచ్చారా తమ్ముళ్లూ.. వాస్తవం : టీడీపీ పాలనలో ప్రతిపక్ష ఎమ్మెల్యేగా ఉన్న మేకపాటి గౌతమ్‌రెడ్డి తన సొంత నిధులతో జేసీబీ యంత్రాలను ఆత్మకూరు, చేజర్ల, ఏఎస్‌పేట, అనంతసాగరం మండలాల్లో ఏర్పాటు చేసి కాలువల్లో పూడికతీత పనులు చేయించారు. ఐఏబీ సమావేశంలో నిర్ణయం మేరకు తొలుత డెల్టాకు, అనంతరం నాన్‌డెల్టాకు సాగునీరు అందివ్వడం పరిపాటిగా ఉండేది. అయితే గౌతమ్‌రెడ్డి జిల్లా ఐఏబీ సమావేశంలో మాట్లాడి డెల్టాతో సమానంగా నాన్‌డెల్టాకు కూడా సాగునీరు అందించారు. అలాగే ఎమ్మెల్యే మేకపాటి విక్రమ్‌రెడ్డి కూడా ఇరిగేషన్‌ శాఖ ఉన్నతాధికారులతో మాట్లాడి ప్రత్యేకంగా నిధులు కేటాయించి కాలువల్లో పూడికతీత పనులు చేయించారు. ఆత్మకూరు తూర్పుపొలాలకు సాగునీరు అందించే పంపింగ్‌ స్కీం మరమ్మతులకు గురైతే ఎమ్మెల్యే విక్రమ్‌రెడ్డి రూ.5 లక్షల సొంత నిధులను వెచ్చించి మరమ్మతులు చేయించి ఆ పొలాలకు సాగునీరు అందించారు. చంద్రబాబు : మెట్ట ప్రాంతాల అభివృద్ధి కోసం హైలెవల్‌ కెనాల్‌ నిర్మాణం పనులను వైఎస్సార్‌సీపీ ప్రభుత్వం అటకెక్కించింది కదా తమ్ముళ్లూ.. వాస్తవం : మెట్ట ప్రాంతాల అభివృద్ధి కోసం నిర్మిస్తున్న హైలెవల్‌ కెనాల్‌ నిర్మాణ పనులను దివంగత మంత్రి మేకపాటి గౌతమ్‌రెడ్డి పలుమార్లు పరిశీలించారు. ఇంజినీర్‌ ఇన్‌ చీఫ్‌ స్థాయి అధికారులు, ప్రాజెక్ట్‌ అధికారులతో కలిసి హైలెవల్‌ కెనాల్‌ పనులు జరిగే గ్రామాల్లోనే ప్రత్యేక సమావేశాలు నిర్వహించి పనులు వేగవంతం అయ్యేలా చేశారు. అయితే 2015 నుంచి 2018 వరకు టీడీపీ పాలనలో ఆ పార్టీ నియోజకవర్గ ఇన్‌చార్జిగా వ్యవహరించిన ఆనం రామనారాయణరెడ్డి హైలెవల్‌ కెనాల్‌ పనుల ఊసేఎత్తని విషయాన్ని ప్రజలు గుర్తుచేస్తున్నారు. చంద్రబాబు : ఆనం రామనారాయణరెడ్డి ఆత్మకూరును అభివృద్ధి చేశారు.. నిజమా.. కాదా.. తమ్ముళ్లూ.. వాస్తవం : దివంగత సీఎం వైఎస్‌ రాజశేఖరరెడ్డి పాలనలో, అనంతరం రోశయ్య, కిరణ్‌కుమార్‌రెడ్డి ముఖ్యమంత్రులుగా ఉన్నప్పుడు ఆత్మకూరులో కొన్ని భవనాలు, మున్సిపాలిటీ ఏర్పాటు తదితర పనులు జరిగాయి. అవి తెలుగుదేశం పార్టీకి సంబంధం లేకపోయినప్పటికీ చంద్రబాబు తన ఖాతాలో వేసుకునేందుకు ప్రయత్నించారు.

● రాజ్యసభ సభ్యుడు బీద మస్తాన్‌రావు కావలి: ప్రతి ఇంటికి సంక్షేమం అందాలంటే అది జగనన్నతోనే సాధ్యమని, వైఎస్‌ జగన్‌మోహన్‌రెడ్డి ప్రభుత్వం మళ్లీ అధికారంలోకి వచ్చేలా ప్రజలంతా ఫ్యాన్‌ గుర్తుకు ఓటు వేయాలని రాజ్యసభ సభ్యుడు బీద మస్తాన్‌రావు పిలుపునిచ్చారు. కావలి పట్టణంలోని మద్దురుపాడు ప్రాంతంలో స్థానిక ఎమ్మెల్యే రామిరెడ్డి ప్రతాప్‌కుమార్‌రెడ్డితో కలిసి గురువారం ఆయన ఎన్నికల ప్రచారం నిర్వహించారు. ఈ సందర్భంగా బీద మస్తాన్‌రావు మాట్లాడుతూ కులమతాలు, రాజకీయ పార్టీలకు అతీతంగా ఇంటి వద్దకే సంక్షేమ పథకాలు అందించిన ఘనత వైఎస్‌ జగన్‌మోహన్‌రెడ్డి ప్రభుత్వానికే దక్కిందన్నారు. మళ్లీ అలాంటి పరిస్థితే ఉండాలంటే ఈ నెల 13న జరిగే ఎన్నికల్లో ఫ్యాన్‌ గుర్తుకు ఓటు వేసి వైఎస్సార్‌సీపీ అభ్యర్థులను గెలిపించాలని కోరారు. గత టీడీపీ ప్రభుత్వంలో జన్మభూమి కమిటీల దయాదాక్షిణ్యాలపై సంక్షేమ పథకాలు అందే పరిస్థితి ఉండేదని, వైఎస్సార్‌సీపీ ప్రభుత్వం అధికారంలోకి వచ్చాక సచివాలయ, వలంటీర్‌ వ్యవస్థలను తీసుకువచ్చి ప్రజల ఇంటి ముంగిటకే సంక్షేమ పథకాలు అందించినట్లు తెలిపారు. వైఎస్సార్‌సీపీ ప్రభుత్వంలో కావలి నియోజకవర్గంలో గతంలో ఎన్నడూ లేనివిధంగా అభివృద్ధి జరిగిందని తెలిపారు. మరోసారి వైఎస్సార్‌సీపీని గెలిపిస్తే కావలి నియోజకవర్గం మరింత అభివృద్ధి పథంలో ముందుకుసాగుతుందని తెలిపారు. నెల్లూరు ఎంపీగా వి.విజయసాయిరెడ్డిని, కావలి ఎమ్మెల్యేగా రామిరెడ్డి ప్రతాప్‌కుమార్‌రెడ్డిని అత్యధిక మెజారిటీతో గెలిపించాలని కోరారు. వైఎస్సార్‌సీపీ నెల్లూరు పార్లమెంట్‌ పరిశీలకుడు, మాజీ ఎమ్మెల్యే కాటంరెడ్డి విష్ణువర్ధన్‌రెడ్డి మాట్లాడుతూ వైఎస్సార్‌సీపీ ప్రభుత్వం పరిపాలనలో విప్లవాత్మక మార్పులు తీసుకువచ్చి సంక్షేమ, అభివృద్ధి కార్యక్రమాలను అమలు చేసిందని తెలిపారు. ప్రజలు వేసే ఓటు రానున్న ఐదేళ్లలో వారి భవిష్యత్‌ను నిర్ణయిస్తుందని తెలిపారు.

సాక్షి ప్రతినిధి, నెల్లూరు: కోవూరు నియోజకవర్గంలో టీడీపీ గ్రాఫ్‌ పడిపోతుండడంతో ఆ పార్టీ నేతలు అలజడి సృష్టిస్తున్నారు. ప్రశాంతమైన గ్రామాల్లో రాజకీయ కక్షలకు ఆజ్యం పోస్తున్నారు. ఎన్నికల వేళ టీడీపీ కోవూరు ఎమ్మెల్యే అభ్యర్థి వేమిరెడ్డి ప్రశాంతిరెడ్డి నోట్ల కట్టలతో వలస నేతలను సంతలో సరుకులా కొనుగోలు చేసినా క్షేత్రస్థాయిలో ఓటర్లు మాత్రం అమ్ముడుపోయిన నేతలను ఛీదరించుకుంటూ వైఎస్సార్‌ కాంగ్రెస్‌ పార్టీకే జై కొడుతున్నారు. దీంతో ఓటమి భయం పట్టుకున్న పచ్చనేతలు గ్రామాల్లో అలజడి సృష్టించే ప్రయత్నాలు చేస్తున్నారు. తాజాగా విడవలూరు మండలం పార్లపల్లిలో టీడీపీ నేతలు ముస్లింల మనోభావాలను దెబ్బతీశారు. వారు పవిత్రంగా భావించే మసీదును కూల్చివేసిన ఘటన ఆలస్యంగా వెలుగులోకి వచ్చింది. పార్లపల్లిలో ముస్లింలకు ప్రార్థనా మందిరానికి (మసీదుకు) శాశ్వత భవనం లేక స్థానికంగానే పాకలో ప్రార్థనలు చేసుకుంటున్నారు. ఎన్నికల నోటిఫికేషన్‌ రాకముందు నుంచే శాశ్వత భవనం ఏర్పాటు చేసుకుందామని భావించి స్థానికంగా అందరికీ ఆమోదయోగ్యమైన స్థలంలో మసీదు నిర్మాణానికి పూనుకున్నారు. ముస్లింలతోపాటు కొందరు దాతల సాయంతో నిర్మాణం ప్రారంభించుకున్నారు. ఎన్నికల వేళ ఆ గ్రామంలో ముస్లింలందరూ వైఎస్సార్‌సీపీకి సానుభూతిపరులుగా ఉండడంతో జీర్ణించుకోలేని స్థానిక టీడీపీ నేతలు మసీదు నిర్మాణాన్ని అడ్డుకున్నారు. ప్రభుత్వ స్థలంలో నిర్మించుకుంటున్నారని సాకు చూపి అధికారులను పంపి నిర్మాణాన్ని నిలిపివేసే ప్రయత్నాలు చేశారు. కానీ ముస్లింలందరూ ఏకం కావడంతో అధికారులు మిన్నకుండిపోయారు. టీడీపీ నేతలు పన్నిన కుట్రలు ఫలించకపోవడంతో రాత్రికి రాత్రే నూతన నిర్మాణ భవనాన్ని కూల్చివేశారు. ఎవరో గుర్తుతెలియని దుండగలు చేసినట్లుగా కట్టుకథ అల్లారు. ఈ ఘటనకు సంబంధించి తమ మనోభావాలను దెబ్బతీసిన టీడీపీ నేతలపై ముస్లింలు ఆగ్రహం వ్యక్తం చేసి విడవలూరు పోలీసులకు ఫిర్యాదు చేశారు. స్థానికంగా ఉన్న ఓ టీడీపీ నేతపై అనుమానం ఉందని పోలీసులకు ఇచ్చిన ఫిర్యాదులో పేర్కొన్నారు. రంగంలోకి దిగిన వేమిరెడ్డి పార్లపల్లిలో జరిగిన ఘటన వెలుగులోకి వస్తే జిల్లాలో పెద్ద అలజడి రేగుతుందని భావించిన వేమిరెడ్డి ప్రశాంతిరెడ్డి తన అనుచరుల ద్వారా ముస్లింలతో రాయబారాలు నడిపినట్లు తెలిసింది. ఎన్నికల తర్వాత మసీదు నిర్మాణం చేయిస్తానంటూ వారిని ఒప్పించేందుకు విశ్వప్రయత్నాలు చేశారు. పోలీసులకు ఫిర్యాదు చేసినా కేసు నమోదు చేయకపోవడమే ఇందుకు నిదర్శనం. కోవూరులో రెచ్చిపోతున్న పచ్చ మూకలు విడవలూరు మండలం పార్లపల్లిలో ముస్లింల మనోభావాలపై దాడి నూతనంగా నిర్మించుకుంటున్న మసీదును కూల్చేసిన దుండగులు టీడీపీ నేతల తీరుపై ఆగ్రహం వ్యక్తం చేసిన మైనారిటీలు

● అడిషనల్‌ డీఎంహెచ్‌ఓ ఖాదర్‌వలి పొదలకూరు: క్షయ వ్యాధిగ్రస్తులను గుర్తించాలని అడిషనల్‌ డీఎంహెచ్‌ఓ డాక్టర్‌ ఖాదర్‌వలి సిబ్బందిని ఆదేశించారు. ఆయన గురువారం పొదలకూరులోని సీహెచ్‌సీని, మహ్మదాపురం పీహెచ్‌సీని తనిఖీ చేశారు. ఈ సందర్భంగా ఆయన మాట్లాడుతూ మండలంలో ఉన్న 22 హెల్త్‌ వెల్నెస్‌ సెంటర్లలో సిబ్బంది అందరూ క్షయ వ్యాధిగ్రస్తుల గుర్తింపుపై ప్రత్యేక శ్రద్ధ తీసుకోవాలని సూచించారు. రెండు వారాలకు మించి దగ్గు వస్తుంటే వెంటనే వారికి క్షయ పరీక్షలు నిర్వహించాలన్నారు. పెద్దలకు టీబీ వ్యాధి రాకుండా బీసీజీ వ్యాక్సిన్‌ ఈ నెల 16వ తేదీ నుంచి వేయనున్నట్లు తెలిపారు. గ్రామాల్లో కుష్టువ్యాధిపై ఇంటింటి సర్వే నిర్వహించాలని తెలిపారు. విరువూరు, తాటిపర్తి హెల్త్‌ వెల్నెస్‌ సెంటర్లను డాక్టర్‌ ఖాదర్‌వలి ఆకస్మికంగా తనిఖీ చేశారు. వైద్యులు, సిబ్బంది సమయపాలన పాటించాలని, రోగులకు సకాలంలో వైద్యసేవలు అందించాలని సూచించారు. ఆయన వెంట పీహెచ్‌సీ వైద్యాధికారి నరసింహారావు, డాక్టర్‌ స్రవంతి, డాక్టర్‌ ప్రసాద్‌, డాక్టర్‌ పద్మావతి, ఆరోగ్య పర్యవేక్షకులు శ్రీనివాసులు, శబరీనాథ్‌ తదితరులు ఉన్నారు.