హిందూపురం అర్బన్‌: రైల్వే ప్రయాణికులకు మౌలిక వసతులు కల్పించడంపై ప్రత్యేక దృష్టి సారించినట్లు రైల్వే సెంట్రల్‌ బోర్డు మెంబర్‌ అనిల్‌కుమార్‌ కండేవాల్‌ పేర్కొన్నారు. గురువారం హిందూపురం రైల్వే స్టేషన్‌ను తనిఖీ చేసి మౌలిక సదుపాయాలపై ఆరాతీశారు. రైల్వే స్టేషన్‌లో ఎక్స్‌ప్రెస్‌ రైళ్ళు వెళ్లే ట్రాక్‌, అక్కడికి చేరుకొనేందుకు ప్రయాణికులు పడుతున్న ఇబ్బందులు, అలాగే రైల్వే ప్లాట్‌ ఫాం డిజిటల్‌ కోచ్‌ స్టాపింగ్‌ బోర్టుల ఏర్పాటు, వాహనాల పార్కింగ్‌ సదుపాయాలు పరిశీలించారు. స్టేసన్‌లో ఎలెక్ట్రిక్‌ డిజిటల్‌ బోర్టు, సిబ్బంది పనితీరుపై ఆరాతీశారు. రూ.15 కోట్లతో చేపడుతున్న రైల్వే ప్రధాన ద్వారం వద్ద, ఇతర చోట్ల చేపడుతున్న ఆధునికీకరణ పనులు పరిశీలించారు. ఈ సందర్భంగా పలువురు ప్రయాణికులు వందే భారత్‌ రైళ్లు హిందూపురంలో ఆపాలని, కొన్ని ఎక్స్‌ప్రెస్‌ వాహనాలు ఇక్కడ ఆపడం లేదని, వాటిని కూడా ఆపేలా చూడాలని, ఆధునికీకరణ పనులు త్వరగా పూర్తి చేయాలని, బెంగళూరు – హిందూపురం ప్యాసింజర్‌ రైలు గుంతకల్లు వరకు నడిచేలా చూడాలని, అడిగారు. త్వరలోనే అవి కార్యరూపం దాల్చేలా చర్యలు తీసుకుంటామని అనిల్‌కుమార్‌ కండేవాల్‌ తెలిపారు. స్టేషన్‌లో రాత్రి వేళ లైట్లు వెలిగేలా చూస్తామన్నారు. రైల్వే అధికారుల విశ్రాంతి భవనం ఆవరణలో సెంట్రల్‌ బోర్డు మెంబర్‌, డీఆర్‌ఎంలు మొక్కలు నాటారు. ఆయన వెంట డీఆర్‌ఎం యోగేష్‌ మోహన్‌, సీనియర్‌ డీసీఎం కృష్ణ ఛైతన్య, సీనియర్‌ డీవైఎం కృష్ణారెడ్డి, స్టేసన్‌ మాస్టర్‌ రామచంద్ర, ఎస్‌డబ్ల్యూ ఆర్‌ఎంయూ నాయకుడు కిరణ్‌, సోమప్ప, ఆనంద్‌ తదితరులు వారి వెంట ఉన్నారు.

వజ్రకరూరు: శ్రీరామనవమి ఉత్సవాలను పురస్కరించుకుని వజ్రకరూరు మండలం గూళ్యపాళ్యంలో గురువారం సాయంత్రం సీతారాముల రథోత్సవం అంగరంగ వైభవంగా సాగింది. ఉదయం స్థానిక ధర్మప్ప దేవాలయంలో సీతారాముల విగ్రహాలకు ప్రత్యేక పూజలు నిర్వహించారు. సాయంత్రం ఉత్సవ విగ్రహాలను ఊరేగింపుగా తీసుకువచ్చి ప్రత్యేకంగా అలంకరించిన రథంపై అధిష్టింపజేశారు. అనంతరం రథానికి పూజలు నిర్వహించి... జై శ్రీరామ్‌ అంటూ ఆలయం నుంచి గురుదేవా ఆశ్రమం వరకూ లాగారు. అనంతరం యథాస్థానానికి చేర్చారు.బైక్‌ అదుపుతప్పి.. ఒకరి మృతి పావగడ: అడవిపందుల గుంపు తగిలి బైక్‌ అదుపుతప్పి కిందపడటంతో పావగడ తాలూకా బెళ్లి బట్లు గ్రామానికి చెందిన కాంగ్రెస్‌ నాయకుడు, గ్రామ పంచాయతీ సభ్యుడు బోయ కృష్ణప్ప(40) మృతి చెందారు. వివరాలిలా ఉన్నాయి. బోయ కృష్ణప్ప తన భార్య గుండమ్మతో కలిసి బుధవారం రాత్రి 9 గంటల సమయంలో బంధువుల ఊరు అచ్చమ్మనహళ్లికి బయల్దేరాడు. శైలాపురం – కోటగుడ్డ మధ్య మద్రేనహళ్లి అటవీ ప్రాంతంలో అడవిపందుల గుంపు రోడ్డుకు అడ్డంగా వచ్చి బైకును తోశాయి. అదుపుతప్పి కిందపడటంతో కృష్ణప్ప తలకు తీవ్రగాయమైంది. గ్రామస్తులు గమనించి వెంటనే ఆయన్ని ప్రభుత్వాస్పత్రికి తరలించారు. అయినా ప్రయోజనం లేకపోయింది. పరిస్థితి విషమించి కృష్ణప్ప మృతి చెందారు. ఇదే ప్రమాదంలో భార్య గుండమ్మ స్వల్ప గాయాలతో బయటపడింది.

రొద్దం: టీడీపీ అధినేత చంద్రబాబు మాయమాటలు నమ్మి ప్రజలు మోసపోవద్దని, ఆయన పరిపాలనకు, ముఖ్యమంత్రి వైఎస్‌ జగన్‌మోహన్‌రెడ్డి పరిపాలనకు ఎంత తేడా ఉందో గమనించాలని మంత్రి, వైఎస్సార్‌సీపీ ఎమ్మెల్యే అభ్యర్థి ఉషశ్రీచరణ్‌ అన్నారు. గురువారం మండల పరిధిలోని కంబాలపల్లి, తురకలాపట్నం, ఆర్‌ కుర్లపల్లి, రెడ్డిపల్లి గ్రామాల్లో మంత్రి పర్యటించారు. ఈ సందర్భంగా ఆమె మాట్లాడుతూ ముఖ్యమంత్రి వైఎస్‌ జగన్‌మోహన్‌రెడ్డి ప్రవేశపెట్టిన సంక్షేమ పథకాలు వల్ల ప్రతి ఒక్కరికీ లబ్ధి చేరుకూరిందన్నారు. గత టీడీపీ ప్రభుత్వంలో చంద్రబాబు జన్మభూమి కమిటీలు పెట్టి ఆ పార్టీ నాయకులకే పథకాలు అందించారని విమర్శించారు. పార్టీలకతీతంగా అన్ని వర్గాల ప్రజలకు మేలు చేస్తున్న జగనన్నకు అందరూ మళ్లీ అండగా నిలవాలన్నారు. ఈనెల 25న తన నామినేషన్‌ కార్యక్రమం ఉంటుందని, పార్టీ నాయకులు, కార్యకర్తలు పెద్ద ఎత్తున తరలిరవాలని కోరారు. కార్యక్రమంలో మార్కెట్‌ యార్డ్‌ చైర్మన్‌ శ్రీనివాసులు, స్వచ్ఛాంధ్ర కార్పోరేషన్‌ రాష్ట్ర డైరెక్టర్‌ బి.నారాయణరెడ్డి, వైఎస్సార్‌సీపీ మండల కన్వీనర్‌ బి.తిమ్మయ్య, నాయకులు మారుతీరెడ్డి, నరసింహులు, రాజ్‌గోపాల్‌రెడ్డి, అక్కులప్పయాదవ్‌, లక్ష్మినారాయణరెడ్డి, వజీర్‌బాషా, ఎన్‌ నారాయణరెడ్డి, కేపీ శ్రీనివాసులు, రాజారెడ్డి, వినయ్‌రెడ్డి, ఉజ్జినప్ప, సి.నారాయణరెడ్డి, నరేంద్రరెడ్డి, ఎంపీటీసీలు, సర్పంచులు పాల్గొన్నారు. మంత్రి ఉషశ్రీచరణ్‌

పుట్టపర్తి టౌన్‌: అగ్ని విపత్తుల సమయంలో అప్రమత్తంగా వ్యవహరించాలని అగ్ని మాపక అధికారి నాగరాజునాయక్‌ పేర్కొన్నారు. అగ్ని ప్రమాదాల నివారణ వారోత్సవాల్లో భాగంగా గురువారం గుంతపల్లి వద్దున్న నిషా డిజైన్స్‌ ఫ్యాక్టరీలో పని చేస్తున్న కార్మికులకు అవగాహన కలిగించారు. డీఎఫ్‌ఓ నాగరాజునాయక్‌ మాట్లాడుతూ మీరు పనిచేస్తున్న ఫ్యాక్టరీల్లో ప్రమాదాలు జరిగినప్పుడు ఎక్కువ నష్టం వాటిల్లే ప్రమాదం ఉందని, ప్రతి ఒక్కరూ అవగాహణ కలిగి ఉండాలన్నారు. అగ్ని ప్రమాదం జరిగినప్పు ఎలా కాపాడుకోవాలో డెమో ద్వారా వివరించారు. ప్రమాదం జరిగిన వెంటనే సకాలంలో సమాచారం అందిస్తే తగిన చర్యలు తీసుకుంటామన్నారు. కార్యక్రమంలో ఫైర్‌ సిబ్బంది విజయకుమార్‌, నరసింహులు, రామాంజనేయులు, దేవలానాయక్‌, వెంకటరెడ్డి రామాంజనేయులు, దామోదర్‌, తేజేశ్వర్‌రెడ్డి, ఎస్‌ఎస్‌ నాయుడు పాల్గొన్నారు. సజావుగా ప్రీ పీహెచ్‌డీ పరీక్షలు అనంతపురం: శ్రీకృష్ణదేవరాయ విశ్వవిద్యాలయంలో ప్రీ పీహెచ్‌డీ గురువారం ప్రారంభమయ్యాయి. ఎస్కేయూ క్యాంపస్‌లోని పరీక్ష కేంద్రాలను వీసీ డాక్టర్‌ కె.హుస్సేన్‌ రెడ్డి, రిజిస్ట్రార్‌ ప్రొఫెసర్‌ ఎంవీ లక్ష్మయ్య పర్యవేక్షించారు. పరీక్ష కేంద్రాల్లోని వసతులను ఆరా తీశారు. కార్యక్రమంలో ప్రిన్సిపాల్‌ ప్రొఫెసర్‌ ఎ.కృష్ణ కుమారి తదితరులు పాల్గొన్నారు. యువజన విభాగం ‘పురం’ అధ్యక్షుడిగా సల్మాన్‌ఖాన్‌పుట్టపర్తి అర్బన్‌: వైఎస్సార్‌సీపీ అనుబంధ యువజన విభాగం హిందూపురం నియోజకవర్గ అధ్యక్షునిగా సల్మాన్‌ఖాన్‌ నియమితులయ్యారు. ఈ మేరకు పార్టీ జిల్లా అధ్యక్షుడు నవీన్‌నిశ్చల్‌ నియామక పత్రం అందజేశారు. తన మీద నమ్మకం ఉంచి అధ్యక్షునిగా ఎంపిక చేసినందుకు సల్మాన్‌ఖాన్‌ కృతజ్ఞతలు తెలిపారు. కష్టపడి పనిచేసి వైఎస్సార్‌సీపీ గెలుపునకు కృషి చేస్తానని చెప్పారు.

పుట్టపర్తి అర్బన్‌: జిల్లాలో రహదారుల నిర్మాణాలు శరవేగంగా సాగుతున్నాయి. జాతీయరహదారులతో పాటు రోడ్లు, భవనాల శాఖ, పంచాయతీరాజ్‌, పీఎంజీఎస్‌వై, జాతీయ ఉపాధి హామీ పథకం, ఎంపీపీ, జెడ్పీ నిధుల కింద రోడ్ల నిర్మాణాలు చేపట్టారు. ఇందులో చాలా వరకూ పూర్తయ్యాయి. వీటి కోసం ప్రభుత్వం ఏకంగా రూ.6,057 కోట్లు వెచ్చిస్తోంది. జిల్లాలో మొత్తం 1,529 కిలోమీటర్ల మేర రోడ్లు ఏర్పాటు చేసింది. వందేళ్ల నుంచి తారు రోడ్డుకు నోచుకోని గ్రామాలకు సైతం రోడ్డు నిర్మాణాలు చేపట్టడంతో ప్రజలు సంతోషం వ్యక్తం చేస్తున్నారు. రోడ్ల పురోగతి ఇలా... జిల్లా పరిధిలో 250 కిలోమీటర్లకు పైబడి జాతీయ రహదారులు నిర్మిస్తున్నారు. వచ్చే రెండేళ్లలో పూర్తి చేయాలనే సంకల్పంతో పనులు చేస్తున్నారు. ఈ రోడ్లతో బెంగళూరు, హైదరాబాద్‌, కడప, కర్నూలు, చిత్తూరు ప్రాంతాలకు కనెక్టవిటీ పెరుగుతుంది. 80 కిలోమీటర్లు 342వ జాతీయరహదారి నిర్మించేందుకు రూ.1,745 కోట్లు ఖర్చు చేస్తున్నారు. 90.58 కిలోమీటర్లు 716జీ జాతీయ రహదారి నిర్మాణం కోసం రూ.1648.70 కోట్లు వెచ్చిస్తున్నారు. ఇక జిల్లా మీదుగా 75 కిలోమీటర్లు వెళ్లే గ్రీనఫీల్డ్‌ ఎక్స్‌ప్రెస్‌ హైవే కోసం భూ సేకరణ పూర్తయ్యింది. త్వరలో పనులు ప్రారంభం కానున్నాయి. ఇందు కోసం రూ.850 కోట్లు ఖర్చు చేయనున్నారు. ● రోడ్లు, భవనాల శాఖ ఆధ్వర్యంలో జిల్లాలోని 32 మండలాల పరిధిలో 804 కిలోమీటర్ల రోడ్ల నిర్మాణాలకు రూ.366 కోట్లు వెచ్చిస్తున్నారు. పంచాయతీ రాజ్‌ శాఖ ఆధ్వర్యంలో 233 కిలోమీటర్ల రోడ్లు వేసేందుకు రూ.350 కోట్లు ఖర్చు చేస్తున్నారు. ● పీఓంజీఎస్‌వై కింద 131.18 కిలోమీటర్లకు పైగా రోడ్ల నిర్మాణాలకు రూ.52.55 కోట్లు ఖర్చు పెట్టారు. 12.58 కిలోమీటర్ల కదిరి బైపాస్‌ రోడ్డుకు రూ.220.66 కోట్లు, 7.7 కిలోమీటర్ల ముదిగుబ్బ బైపాస్‌కు రూ.116.81 కోట్లు ఖర్చు చేస్తోంది. 20.04 కిలోమీటర్ల హిందూపురం– పరిగి రోడ్డుకు రూ.98.16 కోట్లు, 42.37 కిలోమీటర్ల మడకశిర–శిరరోడ్డుకు రూ.207.79 కోట్లు, 33 కిలోమీటర్ల బత్తలపల్లి–ముదిగుబ్బ రోడ్డుకు రూ.401.72 కోట్లు ఖర్చు చేస్తున్నారు. పరిశ్రమల రాకకు మార్గం సుగమం.. జిల్లాలో అభివృద్ధి కార్యక్రమాలు ఊపందుకున్నాయి. జాతీయ రహదారులతో పాటు పలు పరిశ్రమలు ఒకదానితో ఒకటి పోటీ పడి వస్తున్నాయి. మెరుగైన రవాణా సౌకర్యం, ప్రభుత్వ సహకారం, నీటి వసతి, అనుకూలమైన వాతావరణం ఉండడంతో పరిశ్రమల ఏర్పాటుకు మార్గం సుగమమైంది. ఆంధ్రప్రదేశ్‌ పరిశ్రమల మౌలిక సదుపాయాల సంస్థ (ఏపీఐఐసీ) ఆధ్వర్యంలో 3,257 ఎకరాల భూమి సేకరించి అభివృద్ధి చేయంతో పలు పరిశ్రమలు వస్తున్నాయి. ఇప్పటి వరకు 1,138 యూనిట్ల కోసం భూమిని సిద్ధం చేశారు. 249 యూనిట్లు నెలకొల్పడానికి ప్లాట్లు కేటాయించారు. శరవేగంగా రోడ్ల నిర్మాణం గ్రామీణ నుంచి జాతీయ రహదారుల వరకు అభివృద్ధి అన్ని ప్రాంతాల రాకపోకలకూ మార్గం సుగమం శ్రీసత్యసాయి జిల్లా అభివృద్ధి దిశగా పయనిస్తోంది. గడిచిన ఐదేళ్లలో వైఎస్‌ జగన్‌మోహన్‌రెడ్డి సర్కారు సంక్షేమ పథకాల అమలుతో పాటే అభివృద్ధి పనులపైనా దృష్టి సారించింది. రహదారుల నిర్మాణాలతో జిల్లా రూపురేఖలు పూర్తిగా మారాయి. అన్ని ప్రాంతాలకూ రాకపోకలు, రవాణా సౌకర్యాలు మెరుగయ్యాయి.

నల్లచెరువు: ‘‘ప్రతి నెలా 1వ తేదీ ఇంటికే వచ్చే పింఛన్‌ రాకుండా చేశారు. మేమిప్పుడు ఎర్రటి ఎండలో పడరానిపాట్లు పడుతుంటే.. మమ్మల్ని వచ్చి ఓటు అడుగుతున్నారు. మీకు మనసన్నదే లేదా..ఏ ముఖం పెట్టుకుని వచ్చారు’’ అంటూ టీడీపీ నేతలపై పింఛన్‌దారులు ఆగ్రహం వ్యక్తం చేశారు. గురువారం నల్లచెరువులో టీడీపీ నాయకులు ఎన్నికల ప్రచారం నిర్వహించారు. ప్రచారంలో భాగంగా బ్యాంకు వీధిలో పింఛన్‌ కోసం ఎర్రటి ఎండలో నిరీక్షిస్తున్న వృద్ధుల వద్దకు వెళ్లి చంద్రబాబుకు ఓటు వేయాలని కోరారు. దీంతో పలువురు వృద్ధులు, దివ్యాంగులు టీడీపీ నాయకులపై తీవ్ర ఆగ్రహం వ్యక్తం చేశారు. ‘సీఎం వైఎస్‌ జగన్‌మోహన్‌రెడ్డి మా ఇంటి పెద్దకొడుకులా ప్రతి నెలా 1వ తేదీ ఉదయమే వలంటీర్‌ను ఇంటికే పంపి పింఛన్‌ సొమ్ము అందేలా చూశారు. కానీ మీ చంద్రబాబు తన స్వార్థ రాజకీయాల కోసం వలంటీర్ల సేవలు ప్రజలకు అందకుండా చేశారు. చంద్రబాబు ఘనకార్యం వల్లే మేమంతా మండుటెండలో పింఛన్‌ కోసం బ్యాంకుల ఎదుట నిలబడాల్సి వచ్చింది’ అని మండిపడ్డారు. తమను ఇంతలా ఇబ్బంది పెడుతున్న చంద్రబాబుకు ఓటు వేయాలని ఎలా అడుగుతున్నారంటూ నిలదీశారు. దీంతో టీడీపీ నాయకులు అక్కడి నుంచి మెల్లగా జారుకున్నారు. చంద్రబాబు నిర్వాకం వల్లే మాకు అవస్థలు టీడీపీ నాయకులపై పింఛన్‌దారుల ఆగ్రహం

● సోషల్‌ మీడియాలో విద్యార్హత పత్రాలు చక్కర్లు ● అందులో ఓసీగా పేర్కొన్న వైనం ధర్మవరం: తనను తాను యాదవ్‌గా చెప్పుకున్న సత్యకుమార్‌ బీసీ సామాజిక వర్గానికి చెందిన వాడినంటూ ఇన్నాళ్లూ ధర్మవరం ప్రజలను మోసం చేశారు. రాజకీయ లబ్ధి కోసం బీసీలను వంచించారు. కానీ సత్యకుమార్‌ చదువుకున్న సమయంలో ఓసీ అని పేర్కొన్న సర్టిఫికెట్లు ఇప్పుడు సోషల్‌ మీడియాలో వైరల్‌ అవుతున్నాయి. బీసీ ఓట్ల కోసం గాలం.. ధర్మవరం బీజేపీ అభ్యర్థి సత్యకుమార్‌ తాను బీసీనంటూ ఆర్భాటంగా ప్రకటనలు చేసుకున్నారు. బీసీ సంఘాలతో ఆత్మీయ సమావేశాలు పెట్టి బీసీల మద్దతు కూడగట్టే ప్రయత్నం చేశారు. అలాగే తాను యాదవుడినని చెబుతూ ఆ సామాజికవర్గం ఓట్ల కోసం వల వేశారు. ఎన్నికల సంఘానికి ఇచ్చిన అఫిడవిట్‌లో సైతం క్యాస్ట్‌ కాలంలో బీసీ అని మాత్రమే పొందుపరిచారు. తన సామాజికవర్గానికి సంబంధించిన వివరాలు వెల్లడించకపోవడంతో అందరికీ అనుమానాలు తలెత్తాయి. బండారం బట్టబయలు.. సత్యకుమార్‌ బండారం సోషల్‌ మీడియా వేదికగా బట్టబయలైంది. సత్యకుమార్‌ విద్యాభ్యాసం చేసిన ప్రొద్దుటూరు, మదనపల్లెలో చదివిన విద్యా సంస్థల్లో ఆయన సర్టిఫికెట్లలో ఇండియన్‌ మరాఠా (ఓసీ)గా పేర్కొన్నారు. ఆ ధ్రువీకరణ పత్రాలు ఇప్పుడు సోషల్‌ మీడియాలో వైరల్‌ అయ్యాయి. దీంతో ధర్మవరం వాసులు విస్తుపోతున్నారు. అసలు పేరు సత్యనారాయణరావు.. వాస్తవానికి మహారాష్ట్ర మరాఠా కుటుంబానికి చెందిన సత్యకుమార్‌ అసలు పేరు సత్యనారాయణరావు, ఆయన తండ్రిపేరు నాగరాజరావు. వీరు ఓసీలు. ఈ విషయం ఆయన విద్యార్హత ధ్రువీకరణ పత్రాల్లో ఉంది. ఇవన్నీ ప్రజలకు తెలియవన్నట్లుగా ఆయన బీసీగా చెబుతూ రాజకీయ లబ్ధి పొందాలని చూడటం విస్మయాన్ని కల్గిస్తోంది.

పుట్టపర్తి అర్బన్‌: మరో పది రోజుల్లో సార్వత్రిక ఎన్నికల కీలక ఘట్టం మొదలు కానుంది. ఈ నెల 13న పోలింగ్‌ ప్రక్రియను అత్యంత ప్రతిష్టాత్మకంగా నిర్వహించేందుకు జిల్లా ఎన్నికల అధికారి అరుణ్‌బాబు అన్ని ఏర్పాట్లూ పూర్తి చేశారు. జిల్లాలో నూతన ఓటర్లుగా 26,026 మందికి పైగా దరఖాస్తు చేసుకోగా, వీటిని అధికారులు ఆమోదించారు. అలాగే ఓటరు జాబితాలో మార్పులు, చేర్పులకు సంబంధాఇంచి ఫారం–7 కు 27,705, ఫారం–8కు 12,166 మంది దరఖాస్తు చేసుకున్నారు. వీటిని క్షేత్రస్థాయిలో పరిశీలించి, ఆమోదించారు. జిల్లాలోని ఏడు అసెంబ్లీ నియోజకవర్గాల పరిధిలో మొత్తం 16,56,775 మంది ఓటర్లు ఉండగా, వీరిలో పురుషులు 7,11,048 మంది, మహిళలు 8,32,651 మంది, ఇతరులు 76 మంది ఉన్నారు. 1,852 పోలింగ్‌ కేంద్రాలను అధికారులు ఏర్పాటు చేసి, 256 రూట్లుగా విభజించారు. పోస్టల్‌ బ్యాలెట్లు సిద్దం.. జిల్లాలో ఎన్నికల విధులకు హాజరయ్యే అధికారులు, సిబ్బంది, అత్యవసర సేవలు అందించే వారు ఓటు హక్కు వినియోగించుకునేలా పోస్టల్‌ బ్యాలెట్లను అధికారులు సిద్ధం చేశారు. ఈసారి కొత్తగా దివ్యాంగులు, 85 సంవత్సరాల వయస్సు పైబడిన వారికి హోం ఓటింగ్‌ సౌకర్యం కల్పించారు. ఈ క్రమంలో ఇతర జిల్లాలకు చెందిన పోస్టల్‌ బ్యాలెట్లు 3,560 ఉండగా, జిల్లాకు చెంది మరో 15,500 మందికి పైగా తమకు పోస్టల్‌ బ్యాలెట్‌ సౌకర్యం కల్పించాలని దరఖాస్తు చేసుకున్నారు. 500 మంది వయో వృద్ధులు, 526 మంది దివ్యాంగులకూ హోం ఓటింగ్‌ సౌకర్యం కల్పించనున్నారు. పోటీలో 104 మంది అభ్యర్థులు.. వివిధ రాజకీయ పార్టీల అభ్యర్థులతో పాటు పలువురు స్వతంత్రలు ఈ ఎన్నికల్లో నామినేషన్లు దాఖలు చేశారు. హిందూపురం పార్లమెంట్‌ స్థానానికి 40 నామినేషన్లు దాఖలు కాగా, పరిశీలన, ఉపసంహరణ ప్రక్రియ ముగిసి చివరకు 13 మంది అభ్యర్థులు బరిలో నిలిచారు. అలాగే జిల్లాలోని ఏడు అసెంబ్లీ నియోజకవర్గాలకు 231 నామినేషన్లు దాఖలు కాగా, చివరకు 91 మంది బరిలో మిగిలారు. కౌంటింగ్‌ కేంద్రాలు సిద్ధం.. అత్యంత భద్రత మధ్య ఓట్ల లెక్కింపు ప్రక్రియను చేపట్టేలా అధికారులు ఏర్పాట్లు చేశారు. పుట్టపర్తి, ధర్మవరం నియోజకవర్గాల ఓట్ల లెక్కింపునకు లేపాక్షి సమీపంలోని గురుకుల పాఠశాలను ఎంపిక చేశారు. అలాగే మడకశిర, హిందూపురం, పెనుకొండ, కదిరి నియోజకవర్గాల ఓట్ల లెక్కింపునకు హిందూపురం మండలం మలుగూరు సమీపంలోని బీఐటీ కళాశాలను సిద్ధం చేశారు. రాప్తాడు నియోజకవర్గానికి సంబంధించిన ఓట్ల లెక్కింపును అనంతపురంలోని జేఎన్‌టీయూ కళాశాలలో చేపట్టనున్నారు. ఓటింగ్‌కు ఏర్పాట్లు పూర్తి చేసిన అధికారులు బరిలో అసెంబ్లీ స్థానానికి 91 మంది, పార్లమెంట్‌కు 13 మంది

నాటు సారా స్థావరంపై దాడులు కంబదూరు: మండలంలోని పాళ్లూరు గ్రామ పొలాల్లో ఉన్న నాటు సారా తయారీ స్థావరంపై పోలీసులు గురువారం దాడి చేశారు. 1000 లీటర్ల నాటుసారా ఊటను ధ్వంసం చేశారు. తయారీ దారుడి నుంచి 50 లీటర్ల నాటుసారాను స్వాధీనం చేసుకున్నట్లు ఎస్‌ఐ ఆంజనేయులు తెలిపారు. రోబోటిక్‌ సర్జరీపై వైద్య విద్యార్థులకు అవగాహన అనంతపురం మెడికల్‌: ప్రభుత్వ వైద్య కళాశాలలో గురువారం రోబోటిక్‌ సర్జరీపై వైద్య విద్యార్థులకు అవగాహన కార్యక్రమాన్ని నిర్వహించారు. ప్రముఖ రోబోటిక్‌ సర్జన్‌ డాక్టర్‌ మహమ్మద్‌ షాహిద్‌ రోబోటిక్‌ సర్జరీ ద్వారా కలిగే ప్రయోజనాలను విపులంగా తెలియజేశారు. శస్త్రచికిత్సలు ఎంత సులభంగా చేయవచ్చో పవర్‌పాయింట్‌ ప్రసెంటేషన్‌ ద్వారా వివరించారు. వెన్నెముక, యురాలజీ, గైనకాలజీ, అన్ని రకాల కేన్సర్లుకు రోబోటిక్‌ పద్ధతి ఎంతగానో ఉపయోగపడుతుందని తెలిపారు. ప్రిన్సిపాల్‌ డాక్టర్‌ మాణిక్య రావు మాట్లాడుతూ.. డాక్టర్‌ షాహిద్‌ వైద్య కళాశాల 2కే8 బ్యాచ్‌కు చెందిన విద్యార్థి అని, నారాయణ హృదయాలయలో జనరల్‌ సర్జరీ, హైదరాబాద్‌లోని ఏషియన్‌ గ్యాస్ట్రోఎంటరాలజీలో గ్యాస్ట్రోఎంటరాలజీ పూర్తి చేశారన్నారు. బిరియాట్రిక్‌ సర్జరీ, రోబోటిక్‌ సర్జరీలపై ఫెలోషిప్‌ పొంది విద్యనభ్యసించిన కళాశాలలోనే గెస్ట్‌ లెక్చర్‌ ఇవ్వడం స్పూర్తిదాయకమన్నారు. సూపరింటెండెంట్‌ డాక్టర్‌ వెంకటేశ్వర రావు, ఎమర్జెన్సీ మెడిసిన్‌ ప్రధాన విభాగాధిపతి డాక్టర్‌ వేముల శ్రీనివాసులు, వైస్‌ ప్రిన్సిపాళ్లు డాక్టర్‌ షారోన్‌ సోనియా, డాక్టర్‌ షంషాద్‌బేగం, డాక్టర్‌ నవీన్‌, ప్రొఫెసర్లు డాక్టర్‌ భీమసేనాచార్‌, డాక్టర్‌ రామస్వామి, డాక్టర్‌ శివశంకర్‌ నాయక్‌, డాక్టర్‌ సుచిత్రశౌరి, పలువురు వైద్యులు పాల్గొన్నారు.

మడకశిర రూరల్‌: గ్రామీణ ప్రజలు వ్యాధుల బారిన పడకుండా ప్రత్యేక దృష్టి సారించాలని జిల్లా వైద్య ఆరోగ్యశాఖ అధికారి డాక్టర్‌ పీఎస్‌ మంజువాణి సూచించారు. గురువారం ఆమె నీలకంఠాపురం ప్రాథమిక ఆరోగ్య కేంద్రాన్ని తనిఖీ చేసి, రికార్డులు పరిశీలించారు. ఆనంతరం నియోజకవర్గంలోని ప్రభుత్వ ప్రాథమిక ఆరోగ్య కేంద్రాల డాక్టర్లుతో సమావేశమై మాట్లాడారు. వైద్య చికిత్సల నిర్వహణ, ఫ్యామిలీ డాక్టర్‌ సేవలు, ఆరోగ్య సురక్ష తదితర అంశాలపై మండలాల వారీగా సమీక్షించారు. చికిత్స కోసం పీహెచ్‌సీలకు వస్తున్న వారికి సకాలంలో నాణ్యమైన వైద్య సేవలు అందించాలన్నారు. పీహెచ్‌సీ పరిధిలోని గ్రామాల్లో పర్యటించి ఎవరైనా వ్యాధులతో బాధపడుతుంటే చికిత్స అందజేయాలన్నారు. ముఖ్యంగా ఎండ తీవ్రత ఎక్కువగా ఉన్న ప్రస్తుత రోజుల్లో బాలింతలు, వృద్ధులు, చిన్న పిల్లలు 11 గంటల తర్వాత బయటికి రాకుండా అవగాహన కల్పించాలన్నారు. వడదెబ్బ బారిన పడకుండా తీసుకోవాల్సిన జాగ్రత్తలపై ప్రజల్లో చైతన్యం తీసుకురావాలన్నారు. క్షేత్రస్థాయిలో పర్యటించి చికిత్సలు అందించండి డీఎంహెచ్‌ఓ డాక్టర్‌ మంజువాణి