● నిష్పక్షపాతంగా ఓటు హక్కు వినియోగించుకుంటాం ● ప్రలోభాలకు ఎట్టి పరిస్థితుల్లో లొంగం ● పాలకులు మంచి వారైతే రాష్ట్రం, దేశం బాగుపడుతుంది ● తొలిసారిగా ఓటు వేయబోతున్న యువత మనోగతం కర్నూలు(అగ్రికల్చర్‌): మంచి పాలన అందించే వారికే తాము ఓటు వేస్తామని తొలిసారిగా ఓటు హక్కు పొందిన యువతీ, యువకులు చెబుతున్నారు. పాలకులు మంచి వారైతే రాష్ట్రం, దేశం అభివృద్ధి చెందుతుందని, ఇలాంటి వారినే తాము ఎన్నుకుంటామని పేర్కొంటున్నారు. కర్నూలు జిల్లాలో 20.14 లక్షలు, నంద్యాల జిల్లాలో 13.94 లక్షలు.. మొత్తం 34.08 లక్షల మంది ఓటర్లు ఉన్నారు. వీరిలో 18, 19 ఏళ్ల యువత 1,71,215 మంది ఉన్నారు. అయితే ఇందులో 87,285 మంది ఓటర్లుగా నమోదయ్యారు. మే నెల 13న నిర్వహించే శాసనసభ, లోకసభ ఎన్నికల్లో కర్నూలు జిల్లాలో 49,741, నంద్యాల జిల్లాలో 37,844 మంది మొద టి సారిగా ఓటు వేయనున్నారు. ప్రలోభాలకు లొంగకుండా నిష్పక్షపాతంగా ఓటు హక్కును వినియోగించుకుంటామని వీరు స్పష్టం చేస్తున్నారు. ప్రజా సంక్షేమానికి ప్రాధాన్యత ఇచ్చే వారిని, అభివృద్ధి చేసేవారని గెలిపిస్తామని చెబుతున్నారు. ఈ సారి పెరగనున్న ఓటింగ్‌ శాతం.. 18–19 ఏళ్ల యువత ఓటర్లుగా నమోదయ్యేందుకు జిల్లా అధికారులు ప్రత్యేక శ్రద్ధ తీసుకున్నారు. ఇంజినీరింగ్‌, ఇతర వృత్తి విద్యాసంస్థలు, యూనివర్సిటీల్లో ప్రత్యేకంగా అవగాహన కార్యక్రమాలు నిర్వహించారు. ఈ సారి ఎన్నికల్లో ఓటింగ్‌ శాతాన్ని పెంచే విధంగా ఎన్నికల కమిషన్‌ పిలుపు నిస్తోంది. ఇందులో భాగంగా స్వీప్‌ కార్యక్రమాలను అధికారులు పెద్ద ఎత్తున చేపడుతున్నారు. 2019 వరకు జరిగిన ఎన్నికలను పరిశీలిస్తే ఓటింగ్‌కు 50 శాతం వరకు యువత దూరంగా ఉంటోంది. ఈ సారి ఎన్నికల్లో 80 శాతం ఓటింగ్‌ ఉండేలా అధికారులు చర్యలు తీసుకుంటున్నారు. నియోజకవర్గాల వారీగా యువఓటర్ల వివరాలు ఇలా ఉన్నాయి.. నియోజక వర్గం 18–19 ఏళ్ల యువ ఓటర్లు కర్నూలు 6,425 పాణ్యం 8,250 పత్తికొండ 5,678 కోడుమూరు 5,947 ఎమ్మిగనూరు 6,483 మంత్రాలయం 5,429 ఆలూరు 5,749 శ్రీశైలం 8,349 నంద్యాల 6,709 బనగానపల్లె 6,402 ఆదోని 5,510 ఆళ్లగడ్డ 5,247 డోన్‌ 5,488 నందికొట్కూరు 5,609 మొత్తం 87,275

ఆదోని అర్బన్‌: ఐపీఎల్‌–2024 సందర్భంగా క్రికెట్‌ బెట్టింగ్‌ ఆడుతున్న నలుగురిని అరెస్టు చేసి వారి వద్ద నుంచి రూ.2.50 లక్షలు నగదు, నాలు గు సెల్‌ఫోన్‌లను స్వాధీనం చేసుకున్నట్లు డీఎస్పీ శివనారాయణస్వామి తెలిపారు. సోమవారం సాయంత్రం స్థానిక త్రీటౌన్‌ పోలీస్‌స్టేషన్‌లో వివరాలు వెల్లడించారు. ఆదోని పట్టణం ఎమ్మిగనూరు బైపాస్‌ వద్ద కల్వారి కొండ సమీపంలో ముళ్లకంపల చెట్ల కింద క్రికెట్‌ బెట్టింగ్‌ నిర్వహిస్తుండగా ఆదోని పట్టణం మరాఠీగేరికి చెందిన మహానంది, రమేష్‌, ఎమ్మిగనూరు పట్టణానికి చెందిన షహీద్‌, ఆదోని పట్టణం కార్వన్‌పేటకు చెందిన బెస్త వినోద్‌లను అరెస్ట్‌ చేశామన్నారు. వారి వద్ద నుంచి రూ.2.50 లక్షలు నగదు, నాలుగు సెల్‌ఫోన్‌లను స్వాధీనం చేసుకుని, కేసు నమోదు చేసి రిమాండ్‌కు తరలించినట్లు చెప్పారు. జల్సాల కోసం వీరు క్రికెట్‌ బెట్టింగ్‌కు పాల్పడుతున్నట్లు విచారణలో తేలిందన్నారు. త్రీ టౌన్‌ సీఐ నరసింహరాజు, పోలీసు సిబ్బంది లక్ష్మన్నస్వామి, నరేంద్ర, పరశురామ్‌, పరమేష్‌, గిరిబాబు, నరసింహులు, ఇస్మాయిల్‌లు తదితరులు పాల్గొన్నారు. కారు ఢీకొని వ్యక్తి మృతి ఎమ్మిగనూరురూరల్‌: మండల పరిధిలోని గుడేకల్‌ ఎల్‌ఎల్‌సీ కాలువ సమీపంలో ఆదివారం రాత్రి బైక్‌పై వెళ్తున్న వ్యక్తిని కారు ఢీకొట్టడంతో బోయ లక్ష్మన్న (28) మృతి చెందాడు. రూరల్‌ పోలీసులు తెలిపిన వివరాలు.. గుడేకల్‌కు చెంది న లక్ష్మన్న, భార్య నారాయణమ్మ పుట్టినిళ్లైన పెద్దకడబూరు మండలం హనుమాపురానికి వెళ్లింది. లక్ష్మన్న ఆదివారం రాత్రి టీవీఎస్‌ ఎక్స్‌ఎల్‌పై భార్య వద్దకు వెళ్తుండగా ఆదోని వైపు వెళ్తున్న కారు ఢీకొట్టింది. బైక్‌ రోడ్డు పక్కనున్న ముళ్ల పొదల్లో పడగా లక్ష్మన్న గుంతలో పడిపోయాడు. ఢీకొట్టిన వ్యక్తి కారును వదిలి పారిపోయాడు. సోమవారం ఉదయం ఆ మార్గంలో వెళ్లిన వారు బైక్‌ను గమనించి కుటుంబసభ్యులకు సమాచారం అందించారు. వారు ఘటనా స్థలానికి వెళ్లి చూడగా లక్ష్మన్న మృతదేహం కనిపించింది. మృతుడి భార్య నారాయణమ్మ ఫిర్యాదు మేరకు కేసు నమోదు చేసినట్లు రూరల్‌ పోలీసులు తెలిపారు. పర్యావరణాన్ని విస్మరిస్తే భవిష్యత్‌ అంధకారంకోవెలకుంట్ల: ప్రస్తుత ఆధునిక ప్రపంచంలో వా తావరణ కాలుష్యం నుంచి పర్యావరణాన్ని కాపాడుకోకపోతే భవిష్యత్‌ అంధకారమంతుందని శ్రీ కృష్ణదేవరాయ యూనివర్సిటీ డీన్‌ (కాలేజ్‌ డెవలప్‌మెంట్‌ కౌన్సిల్‌), భౌతికశాస్త్ర విభాగాధిపతి డాక్టర్‌ రామగోపాల్‌ అన్నారు. స్థానిక వాసవీ బొ మ్మిడాల ప్రభుత్వ డిగ్రీ కళాశాలలో సోమవారం ప్రిన్సిపాల్‌ వేణుగోపాల్‌ అధ్యక్షతన జాతీయ సె మినార్‌ కార్యక్రమం నిర్వహించారు. భౌతికశాస్త్ర విభాగ ఆధ్వర్యంలో ఎన్విరాన్మెంటల్‌ పొల్యూషన్‌, సస్టెయినబుల్‌ మెటీరియల్స్‌ అనే అంశాలపై జరిగిన సెమినార్‌ కార్యక్రమంపై ఆయన విద్యార్థులనుద్ధేశించి ఆయన ప్రసగించారు. పర్యావరణ పరిరక్షణలో ప్రతి ఒక్కరూ భాగస్వాములు కావాలన్నారు. మొక్కలు నాటే కార్యక్రమాన్ని ఉ ద్యమంలా చేపట్టాలని సూచించారు. వాతావరణ కాలుష్యం వల్ల ఓజోన్‌ పొర దెబ్బతిని ప్రజానీకానికి, వ్యవసాయ రంగానికి హాని జరుగుతోందన్నారు. కార్యక్రమంలో నంద్యాల ఆర్‌జీఎం ఇంజనీరింగ్‌ కళాశాల భౌతిక శాస్త్ర అసోసియేట్‌ ప్రొఫె సర్‌ జమాలయ్య, బళ్లారి ప్రభుత్వ డిగ్రీ,పీజీ కళాశాల అసోసియేట్‌ ప్రొఫెసర్‌ నర్సింహులు, కళాశాల అధ్యాపకులు దాసు, రామసుబ్బారెడ్డి, వెంకటేశ్వరరెడ్డి,భాస్కర్‌రెడ్డి,క్రిష్ణశశాంక పాల్గొన్నారు.

ప్రస్తుతం నేను ఎంబీబీఎస్‌ 2వ సంవత్సరం చదువుతున్నాను. ఓటు హక్కును పొందేందుకు దరఖాస్తు చేసుకోవడంతోనే అమోదించి ఓటరుగా నమోదు చేశారు. ఆలూరు నియోజకవర్గంలో నా ఓటు నేను స్వేచ్ఛగా వినియోగించుకుంటాను. పాలకులు మంచివారైతే రాష్ట్రం బాగుపడుతుంది. దేశ, రాష్ట్ర భవిష్యత్తును దృష్టిలో పెట్టుకొని ఓటువేస్తాను. మొదటి సారిగా ఓటు వేయబోతున్నందుకు ఎంతో సంతోషంగా ఉంది. నేను ఓటు వేస్తా... నా స్నేహితులతో కూడా ఓటు వేయిస్తాను. – గుర్రం చేతన లాస్య, చాణుక్యపురి కాలనీ, కర్నూలు

నేను బీటెక్‌ పూర్తి చేసి ప్రస్తుతం బెంగళూరులో సాప్ట్‌వేర్‌ ఇంజినీర్‌గా పని చేస్తున్నాను. ప్రత్యేక ఓటర్ల జాబితా సవరణ కార్యక్రమంలో భాగంగా ఓటరుగా నమోదు అయ్యేందుకు ఆన్‌లైన్‌లో దరఖాస్తు చేశాను. దరఖాస్తును ఆమోదించి ఓటరుగా నమోదు చేశారు. స్మార్ట్‌ ఎపిక్‌ కార్డు కూడా వచ్చింది. కర్నూలు అసెంబ్లీ నియోజకవర్గంలో నాకు ఓటు లభించింది. పోలింగ్‌ రోజు ఎన్ని పనులున్నా.. ఓటు తప్పకుండా వేస్తాను. స్వేచ్ఛగా, నిర్ఛయంగా, నిష్పక్షపాతంగా ఓటు హక్కు వినియోగించుకుంటాను. – పి.లక్ష్మిచేతన రెడ్డి, వీనస్‌ కాలనీ, కర్నూలు ●

టీడీపీ అభ్యర్థి టీజీ భరత్‌ తండ్రి, పారిశ్రామికవేత్త, బీజేపీ నాయకుడు టీజీ వెంకటేష్‌కు సంబంధించిన శ్రీరాయలసీమ ఆల్కాలీస్‌ పరిశ్రమకు చెందిన బ్యాంకు ఖాతా నుంచి xxxxxx680523 నెంబర్‌ గల ఖాతాకు మార్చి 8న రూ.1,500 జమ అయ్యింది.  టీజీ భరత్‌ కుటుంబానికి చెందిన గౌరీగోపాల్‌ హాస్పిటల్‌ ప్రైవేట్‌ లిమిటెడ్‌ బ్యాంకు ఖాతా నుంచి xxx0523నెంబర్‌ గల ఖాతాకు ఏప్రిల్‌ 6న రూ.5 వేలు జమ అయ్యింది.. ఈ రెండే కాదు.. ఎన్నికల వేళ కర్నూలు నియోజకవర్గ టీడీపీ అభ్యర్థి టీజీ భరత్‌ గుట్టుగా డబ్బు పంపిణీ చేస్తూ కుల సంఘాల నాయకులను, ప్రజలను ప్రలోభపెడుతున్నట్ల తెలుస్తోంది. ఓటమి భయంతో డబ్బును ఎరగా చూపి ప్రలోభపెట్టేందుకు ప్రయత్నిస్తున్నాడు. కులాల వారీగా సంఘాల నాయకులను చేరదీసి కొంతమందికి రూ.15 వేల నుంచి రూ.20 వేలు ముట్టజెప్పి మద్దతు కోరుతున్నట్లు రాజకీయ వర్గాల్లో చర్చ జరుగుతోంది. రెండుసార్లు ఓటమి చెందాం.. సాయం చేయండి.. టీజీ భరత్‌ తరపున ఆయన తండ్రి టీజీ వెంకటేష్‌ నగరంలోని ప్రముఖులను పలు రాజకీయ పార్టీల నాయకులు, కులసంఘాలు, ఉద్యోగ సంఘాలు, న్యాయవాదులను పిలిపించి రహస్యంగా మంతనాలు జరుపుతున్నారు. మీరు ఏ పార్టీలో ఉన్నా పర్వాలేదు. రెండుసార్లు ఓడిపోయాం.. ఈసారి కూడా ఓడిపోతే రాజకీయంగా భవిష్యత్తు ఉండదు. ఎలాగైనా సాయం చేయండి.. మీకు ఏ విధమైన సాయం కావాలన్నా చేస్తామంటూ ప్రాధేయపడుతున్నట్లు సమాచారం. వార్డుల్లో ఒకస్థాయి నాయకుడిని కూడా వదలకుండా తన కార్యాలయానికి పిలిపించుకుని అంతో ఇంతో ముట్టజెప్పి తన కొడుకును గట్టెక్కించాలని ప్రాధేయపడుతున్నట్లు రాజకీయ వర్గాల్లో చర్చ జరుగుతోంది. గతంలో టీజీ వెంకటేష్‌ దగ్గర కనీసం 70 మందికి పైగా ముఖ్యమైన వ్యక్తులు ఎళ్లవేళలా కుటుంబాన్ని అంటిపెట్టుకుని ఉండేవారు. టీజీ భరత్‌ వ్యవహారశైలి నచ్చక చాలామంది దూరంగా ఉంటున్నారు. అలాంటి వారందరినీ కూడా టీజీ వెంకటేష్‌ పిలిపించి నచ్చజెప్పే ప్రయత్నం చేస్తున్నప్పటికీ భరత్‌తో కలసి పని చేయడానికి ముందుకు రాని పరిస్థితి నెలకొన్నట్లు తెలుస్తోంది. బర్త్‌డే గిఫ్ట్‌ పేరుతో ఓటర్లకు వల 2014, 2019 రెండు సార్వత్రిక ఎన్నికల్లో ఓటమి చెందిన టీజీ కుటుంబానికి రానున్న 2024 ఎన్నికలు అత్యంత కీలకం. ఆ ఎన్నికల్లో పరాభవం చెందితే ‘హ్యాట్రిక్‌’ ఓటముల దెబ్బకు రాజకీయాల నుంచి టీజీ ఫ్యామిలీ దూరమయ్యే పరిస్థితి నెలకొంది. దీంతో ఎలాగైనా నియోజకవర్గంలో తనకు బలముంది, ప్రజల మద్దతు ఉందని చూపించేందుకు భరత్‌ తన బర్త్‌డేను వేదికగా చేసుకున్నారు. బర్త్‌డేకు జనం రారని ముందే ఊహించి తన అనుచరులతో ఇంటింటికీ తిరిగి గిఫ్ట్‌ కూపన్లు పంపిణీ చేయించారు. ఏస్టీబీసీ కళాశాల మైదానంలో వచ్చి న వారందరికీ విందుతో పాటు రూ.700 విలువ చేసే గిప్ట్‌లు పంపిణీ చేసి ఎన్నికల్లో సహకరించాలని కోరడం అప్పట్లో చర్చనీయాంశమైంది. – కర్నూలు

ఈ వృద్ధుడి పేరు లక్ష్మన్న, చిప్పగిరి మండలం దౌల్తాపురం గ్రామానికి చెందిన ఈయన పింఛన్‌ డబ్బు కోసం ఉదయాన్నే 6 గంటలకే ఇంటి నుంచి బయలుదేరాడు. కాలి నడకన ఐదు కిలోమీటర్లు ప్రయాణించి ఉదయం 9 గంటలకల్లా చిప్పగిరి చేరుకున్నాడు. ప్రతి నెలా వలంటీర్‌ వచ్చి ఇంటివద్దనే పింఛన్‌ ఇచ్చేవాడని గుర్తు చేశారు. చంద్రాబాబు పింఛన్‌ ఇంటి దగ్గరకు రాకుండా చేశారని, చానా ఇబ్బందులు పడుతున్నామని కన్నీటి పర్యంతమయ్యారు. తమ గ్రామానికి ఎంలాంటి రవాణా సౌకర్యాలు లేవని, సహాయకులు ఎవరూ లేకపోవడంతో ఒంటిరిగా వచ్చినట్లు చెప్పారు. ఓటుతో చంద్రబాబుకు బుద్ధి చెబుతామని హెచ్చరించారు. – చిప్పగిరికాలినడకన ఐదు కిలోమీటర్లు

ఈ ఫొటోలో ఉన్న వృద్ధురాలి పేరు శేఖమ్మ. ఆస్పరికి చెందిన ఈమె పింఛన్‌ డబ్బులు డ్రా చేసుకునేందుకు ఇంటి నుంచి అతి కష్టం మీద ఎస్‌బీఐ సేవా కేంద్రం వద్దకు వచ్చింది. అయితే క్యూలో నిలబడలేక సేవా కేంద్రం ఎదుటే కూర్చుండిపోయింది. తమలాంటి వృద్ధులకు ముఖ్యమంత్రి వైఎస్‌ జగన్‌మోహన్‌రెడ్డి వలంటీర్లు ద్వారా ఇంటి దగ్గరకే వచ్చి పింఛన్‌ డబ్బులు ఇచ్చే వారని, ఏఇబ్బందులు ఉండేవి కాదని ఈమె తెలిపారు. రెండు నెలలు నుంచి పింఛన్‌ డబ్బులు తీసుకునేందుకు తీవ్ర ఇబ్బందులు పడుతున్నామని ఆవేదన వ్యక్తం చేశారు. తమకు కష్టాలు తెచ్చి పెట్టిన టీడీపీ అధినేత చంద్రబాబుకు ఉసురు తగులుతుందని శాపనార్థాలు పెట్టారు. – ఆస్పరినిలబడే శక్తి లేక..

ప్రతి నెలా ఒకటో తేదీనే వృద్ధులు, దివ్యాంగులు, వితంతువులకు పండుగ వచ్చేది. ఇంటి వద్దకే వలంటీర్లు వచ్చి ఠంచన్‌గా పింఛన్‌ అందజేసేవారు. అవ్వాతాతల ముఖాల్లో ఆనందం వెల్లివిరిసేది. మందులకు, ఇతర ఖర్చులకు నెలంతా ఎవరి దగ్గర చేయిచాపాల్సిన అవసరం ఉండేది కాదు. అయితే ఇప్పుడు ఒకటో తేదీ వచ్చిందంటే పింఛన్‌ లబ్ధిదారుల్లో ఆందోళన మొదలవుతోంది. గత నెలలో సచివాలయాలకు.. ఈ నెల బ్యాంకులకు వెళ్లలేక తీవ్ర ఇబ్బందులు ఎదుర్కొన్నారు. తమను కష్టాలు తెచ్చిపెట్టిన టీడీపీ అధినేత చంద్రబాబుపై లబ్ధిదారులు ఆగ్రహం వ్యక్తం చేస్తున్నారు. ఎన్నికల్లో బుద్ధిచెబుతామని హెచ్చరిస్తున్నారు.● చంద్రబాబూ మాపై మీకెందుకు పగ ● వలంటీర్‌ వ్యవస్థను రద్దు చేసి కష్టాలు తెచ్చిపెట్టావు ● నెలనెలా ఇంటి వద్దే పింఛన్‌ తీసుకునే వెసలుబాటు రద్దు చేయించావు ● నీవూ వద్దు.. నీ మోసపూరిత హామీలూ వద్దు ● మండిపడుతున్న పింఛన్‌ లబ్ధిదారులు

కర్నూలు(సెంట్రల్‌): బ్యాలెట్‌ పేపర్ల ప్రింటింగ్‌ను త్వరగా పూర్తి చేసేందుకు చర్యలు తీసుకోవాలని జిల్లా ఎన్నికల అధికారి/కలెక్టర్‌ డాక్టర్‌ జి.సృజన అధికారులను ఆదేశించారు. గురువారం ఆమె కర్నూలు ప్రాంతీయ ముద్రణాలయాన్ని సందర్శించి అక్కడ జరుగుతున్న ప్రింటింగ్‌ ప్రక్రియను పరిశీలించారు. ఈ సందర్భంగా ఆమె మాట్లాడుతూ..రాష్ట్ర ఎన్నికల ప్రధాన అధికారి ఆదేశాల మేరకు రాష్ట్రంలోని అన్ని అసెంబ్లీ, పార్లమెంట్‌ నియోజకవర్గాలకు ఈవీఎంలపై అతికించే బ్యాలెట్‌ పేపర్లను కర్నూలులోనే ముద్రిస్తున్నట్లు చెప్పారు. మొదట అసెంబ్లీ నియోజకవర్గాలకు సంబంధించి బ్యాలెట్‌ పేపర్లను ముద్రించి డిస్పాచ్‌ చేయాలన్నారు. 16 మంది కంటే ఎక్కువ మంది పోటీలో ఉంటే రెండో బ్యాలెట్‌ యూనిట్‌ను ఏర్పాటు చేయాల్సిన పార్లమెంట్‌ నియోజకవర్గాలు ఏవైతే ఉన్నాయో వాటిని అసెంబ్లీల బ్యాలెట్‌ ముద్రించిన తరువాత ముద్రించాలన్నారు. అనంతరం ఏఏ నియోజకవర్గాల బ్యాలెట్‌పేపర్ల పూర్తి అయింది, ఎన్ని నియోజకవర్గాలకు బ్యాలెట్‌ పేపర్లను పంపారనే విషయాలను ప్రింటింగ్‌ ప్రెస్‌ , డిప్యూటీ జనరల్‌ మేనేజర్‌ ఎల్‌.మోహన్‌కుమార్‌ను అడిగి తెలుసుకున్నారు. కాగా, బ్యాలెట్‌ పేపర్లను పటిష్ట బందోబస్తు మధ్య సంబంధిత నియోజకవర్గాలకు పంపేందుకు చర్యలు తీసుకోవాలన్నారు. కార్యక్రమంలో కర్నూలు ఆర్వో భార్గవ్‌తేజ, ట్రైనీ కలెక్టర్‌ చల్లా కళ్యాణి పాల్గొన్నారు. పటిష్ట బందోబస్తు మధ్య సంబంధిత నియోజకవర్గాలకు పంపాలి

కర్నూలు(అగ్రికల్చర్‌): ఉమ్మడి జిల్లాలో నిప్పుల వర్షం కురుస్తోంది. గురువారం భానుడు మరింత ఉగ్రరూపం దాల్చాడు. నంద్యాల జిల్లాలో 29 మండలాలు ఉండగా.. ఏకంగా 22 మండలాల్లో హీట్‌వేవ్‌ నమోదైంది. కర్నూలు జిల్లాలో గూడూరు, కౌతాళం మండలాల్లో హీట్‌ వేవ్‌ నమోదు కావడం గమనార్హం. వడగాడ్పుల తీవ్రతకు వృద్ధులు, బాలింతలు, గర్భిణిలు, చిన్న పిల్లలు, రోగులు అల్లాడుతున్నారు. నంద్యాల జిల్లాలోని 8 మండలాల్లో 46 డిగ్రీలపైన, 10 మండలాల్లో 45 డిగ్రీలకుపైన, 4 మండలాల్లో 44 డిగ్రీలకుపైన ఉష్ణోగ్రతలు నమోదయ్యాయి. బనగానపల్లి, డోన్‌లలో 46.7, ఆళ్లగడ్డలో 46.6, మహానందిలో 46.4, నందికొట్కూరు, సంజామలలో 46.3, దొర్నిపాడు, కోవెలకుంట్లలో 46.1, పాణ్యంలో 45.9, మిడుతూరులో 45.9, బండిఆత్మకూరులో 45.7, శ్రీశైలంలో 45.6, రుద్రవరంలో 45.5, పగిడ్యాలలో 45.3, ఆత్మకూరు, చాగలమర్రిలో 45.2, కొత్తపల్లిలో 45.1, శిరువెళ్లలో 45, గడివేములలో 44.9, పాములపాడు, అవుకులో 44.7, నంద్యాలలో 44.6 డిగ్రీల ప్రకారం ఉష్ణోగ్రతలు నమోదయ్యాయి. ఈ మండలాల్లో హీట్‌వేవ్‌ నమోదైనట్లు రాష్ట్ర విపత్తుల నిర్వహణ సంస్థ అధికారులు వెల్లడించారు. కర్నూలు జిల్లా గూడూరు, కర్నూలులో 45.3, కౌతాళంలో 44.9, ఎమ్మిగనూరులో 44.5, కోడుమూరులో 44.4 సి..బెళగల్‌లో 44.1 డిగ్రీల ప్రకారం ఉష్ణోగ్రతలు నమోదయ్యాయి. బనగానపల్లి, డోన్‌లలో 46.7 డిగ్రీలు కర్నూలు, గూడూరుల్లో 45.3 డిగ్రీల ఉష్ణోగ్రత