ఐరన్‌ లెగ్‌ నుంచి గోల్డెన్‌ లెగ్‌ దాకా.. (ఫోటోలు)

'హే రామ్'లో బాల నటిగా యాక్ట్‌ చేసింది. హిందీ సినిమా 'లక్'తో హీరోయిన్‌గా మారింది. ఆవిడే లోకనాయకుడు కమల్‌ హాసన్‌ కూతురు శృతి హాసన్‌.

తను కెరీర్ స్టార్ట్ చేసి పదిహేనేళ్ళు పూర్తి అయ్యింది. కమల్ కుమార్తెగా గుర్తింపు ఉన్నా ఆమెకు మొదట్లో విజయాలు రాలేదు.

ఆ తర్వాత వరుస అవకాశాలు, సక్సెస్‌లు కరువయ్యాయి. కొందరు ఆమెను ఐరన్ లెగ్ అన్నారు. కానీ, ఇప్పుడు గోల్డెన్ లెగ్ అయ్యింది.

'లక్' తర్వాత 'అనగనగా ఓ ధీరుడు', ధనుష్ '3', సూర్య '7 ఏఎం అరివు', 'దిల్ తో బచ్చా హై', ఓ మై ఫ్రెండ్' సినిమాలు శృతి హాసన్‌కు పేరు తెచ్చాయి.

కానీ, భారీ విజయాలు ఇవ్వలేదు. ఆ సమయంలో ఆమె మీద ఐరన్ లెగ్ ముద్ర పడింది. నటిగా పేరు వచ్చినా... కలెక్షన్స్‌ రాకపోవడం ఆమెకు మైనస్ అయింది.

ఆ సమయంలో 'గబ్బర్ సింగ్' సినిమాతో గోల్డెన్‌ లెగ్‌ అయ్యారు. నటిగా, కథానాయికగా శృతి హాసన్ ప్రయాణంలో ఫస్ట్ భారీ బ్లాక్ బస్టర్ అంటే 'గబ్బర్ సింగ్' అని చెప్పాలి.

ఇండస్ట్రీలో వారసులకు సులభంగా అవకాశాలు వస్తాయనేది అపోహ అని బలంగా చెప్పడానికి శృతి హాసన్ ఓ ఉదాహరణ.

కమల్ హాసన్ కుమార్తెగా ఆమెకు భారీ, క్రేజీ సినిమాల్లో అవకాశాలు అంత ఈజీగా ఏమీ రాలేదు.

'లక్' ఫ్లాప్ తర్వాత ఆమెకు హిందీ అవకాశాలు ముఖం చాటేశాయి.

తెలుగులోనూ స్టార్ హీరోలతో ప్రతిష్టాత్మక సినిమాలు ఏమీ రాలేదు. 'గబ్బర్ సింగ్' విజయం తర్వాతే ఆమెకు అవకాశాలు క్యూ కట్టాయి.

రవితేజ 'బలుపు', ఎన్టీఆర్ 'రామయ్యా వస్తావయ్యా', అల్లు అర్జున్ 'రేసు గుర్రం', రామ్ చరణ్ 'ఎవడు', మహేష్ బాబు 'శ్రీమంతుడు', నాగ చైతన్య 'ప్రేమమ్'... వరుసగా విజయవంతమైన సినిమాల్లో నటించింది.

అప్పటి నుంచి వెనుదిగిరి చూసుకోవాల్సిన అవసరం రాలేదు. 2022లో ఆవిడ నటించిన ఒక్క సినిమా కూడా విడుదల కాలేదు. అంతకు ముందు (2021)లో తెలుగు సినిమాలు 'క్రాక్', 'వకీల్ సాబ్' విజయాలు సాధించినా సరే...

తమిళ సినిమా 'లాభం' ఫ్లాప్ కాగా, హిందీలో 'ది పవర్' సైతం సేమ్ రిజల్ట్ అందుకుంది.

ఆ సమయంలో సంక్రాంతికి విడుదలైన 'వాల్తేరు వీరయ్య', 'వీర సింహా రెడ్డి' విజయాలు సాధించాయి.

ఆ తర్వాత 'హాయ్ నాన్న'లో శృతి హాసన్ స్పెషల్ సాంగ్ హిట్ అయ్యింది. 'సలార్' పాన్ ఇండియా బాక్సాఫీస్ దగ్గర సెన్సేషన్ క్రియేట్ చేసింది. ఆ ఏడాది నాలుగు విజయాలు అందుకున్నది ఒక్క శృతి హాసనే.

కెరీర్ స్టార్టింగ్‌లో ఐరన్ లెగ్ అని విమర్శలు పలువురి నుంచి ఎదుర్కొన శృతి హాసన్... ఇప్పుడు పాన్ ఇండియా సినిమాలకు గోల్డెన్ లెగ్ అయ్యింది.

ఇప్పుడు ఆమె చేతిలో 'సలార్ 2' ఉంది. అది కాకుండా అడివి శేష్ సరసన పాన్ ఇండియా సినిమా 'డెకాయిట్'లో హీరోతో పాటు సమానమైన రోల్ చేస్తోంది.

సూపర్ స్టార్ రజనీకాంత్ హీరోగా లోకేష్ కనగరాజ్ దర్శకత్వం వహిస్తున్న 'కూలీ'లో కీలకమైన క్యారెక్టర్ చేస్తోంది.

'కేజీఎఫ్' తర్వాత రాకింగ్ స్టార్ యశ్ హీరోగా నటిస్తున్న 'టాక్సిక్'లో సైతం శృతి హాసన్ హీరోయిన్. ప్రజెంట్ శృతి హాసన్ జోరు చూస్తుంటే... ఇండస్ట్రీలో మరో పదిహేనేళ్ళు విజయాలతో కంటిన్యూ అయ్యేలా ఉంది.

ప్రతిభ ఉంటే విజయాలు వస్తాయని, ఓపికతో వెయిట్‌ చేయాలని చెప్పడానికి ఆవిడే ఒక ఉదాహరణ. ఇతర కథానాయికలకు ఆ విషయంలో స్ఫూర్తి కూడా!