సరిహద్దు రాష్ట్రాల పోలీసుల అలర్ట్‌

Telangana Police On High Alert : Parliament Elections - Sakshi

పార్లమెంట్‌ ఎన్నికల నేపథ్యంలో పటిష్ట చర్యలు

భూపాలపల్లి: పార్లమెంట్‌ ఎన్నికల నేపథ్యంలో మూడు రాష్ట్రాల సరిహద్దు జిల్లాల పోలీసు అధికారులు అలర్ట్‌ అయ్యారు. మావోయిస్టుల కదలికలు, సరిహద్దు ప్రాంతాల్లో తీసుకోవాల్సిన భద్రతా చర్యలపై మహారాష్ట్ర, తెలంగాణ, ఛత్తీస్‌గఢ్‌ పోలీసు ఉన్నతాధికారులు సుదీర్ఘ చర్చలు జరిపారు. మహారాష్ట్రలోని గడ్చిరోలి జిల్లా ఎస్పీ క్యాంప్‌ ఆఫీస్‌లో ఆ జిల్లా డిప్యూటీ ఇన్‌స్పెక్టర్‌ జనరల్‌ ఆఫ్‌ పోలీస్‌ అంకిత్‌ గోయల్, ఐజీ, రామగుండం పోలీస్‌ కమిషనర్‌ ఎం.శ్రీనివాస్‌ ఆధ్వర్యంలో శనివారం ప్రత్యేక సమావేశం నిర్వహించారు.

రాబోయే ఎన్నికల దృష్ట్యా మావోయిస్టుల కదలికలు, సరిహద్దు ప్రాంతాల్లో ఎలాంటి అవాంఛనీయ సంఘటనలు జరగకుండా తీసుకోవాల్సిన ముందస్తు జాగ్రత్తలపై చర్చించుకున్నారు. మావోయిస్టుల కదలికలపై నిరంతరం నిఘా ఉంచి సంబంధిత సమాచారాన్ని పరస్పరం చేరవేర్చుకోవాలని నిర్ణయించారు. దీనివల్ల మావోయిస్టులను కట్టడి చేయడం సులభతరం అవుతుందని భావిస్తున్నారు. మొదటగా రామగుండం పోలీస్‌ కమిషనర్, భూపాలపల్లి ఎస్పీ కిరణ్‌ ఖరే, ఆసిఫాబాద్‌ ఎస్పీ, మంచిర్యాల డీసీపీ రామగుండం నుంచి హెలికాప్టర్‌ ద్వారా గడ్చిరోలికి వెళ్లారు. సమావేశంలో మూడు రాష్ట్రాల సరిహద్దు జిల్లాల ఎస్పీలు, అడిషనల్‌ ఎస్పీలు, ఓఎస్డీలు, డీఎస్పీలు, సీఆర్పీఎఫ్‌ అధికారులు పాల్గొన్నారు.

16లోగా పరీక్ష ఫీజు చెల్లించాలి

భూపాలపల్లి అర్బన్‌: పదవ తరగతి సప్లిమెంటరీ పరీక్ష ఫీజు అపరాధ రుసుము లేకుండా ఈ నెల 16వ తేదీలోగా సంబంధిత పాఠశాలల ప్రధానోపాధ్యాయులకు చెల్లించాలని జిల్లా ఇన్‌చార్జ్‌ విద్యాశాఖ అధికారి ఎన్‌.రాంకుమార్‌ గురువారం ఒక ప్రకటనలో పేర్కొన్నారు. రూ.50 అపరాధ రుసుముతో జూన్‌ 1వ తేదీలోగా చెల్లించవచ్చని తెలిపారు. పరీక్షలు జూన్‌ 3 నుంచి 13వ తేదీ వరకు నిర్వహించనున్నట్లు తెలిపారు. జిల్లాలో ఫెయిల్‌ అయిన విద్యార్థులు సంబంధిత పాఠశాలల ప్రధానోపాధ్యాయులకు పరీక్ష ఫీజు చెల్లించి పరీక్షలు హాజరు కావాలని కోరారు. రీ కౌంటింగ్‌కు రూ.500, రీ వెరిఫికేషన్‌కు రూ.1000తో బ్యాంక్‌ చలాన తీసి మెమో, హాల్‌టికెట్‌ జతచేసి ప్రధానోపాధ్యాయుల సంతకంతో కూడిన అప్లికేషన్‌ను 15వ తేదీలోపు జిల్లా విద్యాశాఖ అధికారి కార్యాలయంలో అందజేయాలని తెలిపారు. క్రికెట్‌ శిక్షణ శిబిరం పరిశీలన భూపాలపల్లి అర్బన్‌: హైదరాబాద్‌ క్రికెట్‌ అసోసియేషన్‌ ఆధ్వర్యంలో జిల్లాకేంద్రంలోని అంబేడ్కర్‌ స్టేడియంలో నిర్వహిస్తున్న ఉచిత వేసవి క్రికెట్‌ శిబిరాన్ని గురువారం అసోసియేషన్‌ ఉమ్మడి వరంగల్‌ జిల్లా అధ్యక్షుడు పెద్ది ప్రవీణ్‌గౌడ్‌, కార్యదర్శి చాగంటి శ్రీనివాస్‌ పరిశీలించారు. జంబో క్రికెట్‌ కిట్స్‌, అస్టో ట్రర్ఫ్‌ వికెట్‌, ప్రతిరోజూ పౌష్టికరమైన అల్పాహారాన్ని అందిస్తూ అన్ని రకాల క్రీడా వసతి సౌకర్యాలు, కోచింగ్‌ నైపుణ్యాలను పరిశీలించి పూర్తి సంతృప్తి వ్యక్తంచేశారు. 12 రోజులుగా సుమారు 100మంది యువ క్రీడాకారులకు నిపుణులైన కోచ్‌ల వద్ద బ్యాటింగ్‌, బౌలింగ్‌, ఫీల్డింగ్‌ విభాగాల్లో శిక్షణ పొందుతున్నారు. జిల్లాకేంద్రంలో అంతర్‌ జిల్లాల క్రికెట్‌ క్రీడాపోటీలు నిర్వస్తామని వారు తెలిపారు. ఈ కార్యక్రమంలో జిల్లా క్రికెట్‌ అసోసియేషన్‌ ఉపాధ్యక్షుడు రఘురాం, కార్యవర్గ సభ్యులు అభినవ వినయ్‌, సిరిమల్లె శ్రీనివాస్‌, కోచ్‌ కరుణాకర్‌, క్రీడాకారులు పాల్గొన్నారు. మళ్లీ గెలిస్తే రాజ్యాంగానికి ప్రమాదం కాటారం: దేశంలో రాజ్యాంగాన్ని కాపాడుకోవాలంటే ఓటుతో బీజేపీకి బుద్ధి చెప్పాలని సీపీఎం జిల్లా కార్యదర్శి బందు సాయిలు అన్నారు. కాటారం మండలకేంద్రంలో గురువారం ఏర్పాటుచేసిన విలేకర్ల సమావేశంలో ఆయన మాట్లాడారు. కార్పొరేట్‌, మతతత్వాన్ని ప్రొత్సహించే బీజేపీకి రానున్న పార్లమెంట్‌ ఎన్నికల్లో ప్రజలు బుద్ధిచెప్పాలని అన్నారు. పదేళ్ల పాలనలో బీజేపీ ప్రజాధనం కార్పొరేట్లకు కూడబెట్టిందే తప్ప ప్రజలకు ఏమీ చేయలేదని ఆరోపించారు. అభివృద్ధిలో ఇతర దేశాలు పోటీ పడుతుంటే మన దేశం ఆకలి కోసం అలమటిస్తున్న దేశాల జాబితాలో ఉందని అన్నారు. దేశంలో రాజ్యాంగాన్ని కాపాడుకోవాలంటే ఓటుతో బీజేపీకి బుద్ధి చెప్పాలని తెలిపారు. ఇండియా కూటమి అభ్యర్థి గడ్డం వంశీకి ఓటు వేసి అత్యధిక మెజార్టీతో గెలిపించాలని కోరారు. ఈ సమావేశంలో జిల్లా కార్యదర్శివర్గ సభ్యులు పోలం రాజేందర్‌, మండల కార్యదర్శి ఆత్మకూరు శ్రీకాంత్‌, నాయకులు చిన్న రాజేందర్‌, మల్లేశ్వరీ, తరుణ్‌, సాగర్‌ పాల్గొన్నారు. వాహనాల తనిఖీ వాజేడు: మండల పరిధిలోని చెరుకూరు వద్ద జాతీయ రహదారిపై పోలీసులు గురువారం వాహనాల తనిఖీ చేపట్టారు. ఎస్సై వెంకటేశ్వరరావు ఆధ్వర్యంలో ప్రతీ వాహనాన్ని క్షుణ్ణంగా తనిఖీ చేయడంతో పాటు అందులోని బ్యాగులు, లగేజీని పరిశీలించారు. ఛత్తీస్‌గఢ్‌ నుంచి వస్తున్న వాహనాలతో పాటు తెలంగాణ నుంచి ఛత్తీస్‌గఢ్‌కు వెళ్తున్న వాహనాలను ప్రత్యేకంగా తనిఖీ చేశారు. ప్రయాణికులు వివరాలను అడిగి తెలుసుకోవడంతో పాటు కొత్త వ్యక్తులు, అపరిచితులు, అనుమానితులు తారస పడితే సమాచారం ఇవ్వాలని వాహన దారులను ఆదేశించారు. నగదు తరలింపుపై ప్రత్యేక దృష్టి సారించారు.

Trending News:

test beta article

test beta article

sakshiNew_skin_Left

sakshiNew_skin_right