నల్లగొండ: నల్లగొండ లోక్‌సభ స్థానానికి రెండో రోజైన శుక్రవారం మరో నలుగురు అభ్యర్థులు నామినేషన్లు దాఖలు చేశారు. మొదటి రోజు నలుగురు అభ్యర్థులు ఆరుసెట్ల నామినేషన్లు దాఖలు చేయగా రెండో రోజు మాత్రం నలుగురు అభ్యర్థులు ఒక్కో సెట్‌ నామినేషన్‌ పత్రాలను సమర్పించారు. దీంతో రెండురోజుల్లో ఎనిమిది మంది అభ్యర్థులు పది సెట్ల నామినేషన్లు దాఖలు చేశారు. రెండో రోజు నామినేషన్లను జిల్లా ఎన్నికల రిటర్నింగ్‌ అధికారి, కలెక్టర్‌ హరిచందన స్వీకరించారు. నామినేషన్లు సమర్పించింది వీరే.. రెండో రోజు స్వతంత్ర అభ్యర్థులుగా ఇద్దరు నామినేషన్‌ పత్రాలు సమర్పించారు. అందులో బండారు నాగరాజు, కిన్నెర యాదయ్య ఉన్నారు. అలాగే ధర్మసమాజ్‌ పార్టీ అభ్యర్థిగా తలారి రాంబాబు నామినేషన్‌ సమర్పించారు. మార్క్సిస్టు కమ్యూనిస్టు పార్టీ ఆఫ్‌ ఇండియా (యునైటెడ్‌) అభ్యర్ధిగా వసుకుల మట్టయ్య నామినేషన్‌ దాఖలు చేశారు. ఇప్పటి వరకు బీజేపీ అభ్యర్థి తరఫున ఒక నామినేషన్‌ సెట్‌ దాఖలు కాగా ముగ్గురు స్వతంత్ర అభ్యర్థుల్లో ఒకరు ఒకటి, ఇద్దరు రెండు సెట్ల చొప్పున, ప్రజావాణి పార్టీ, సోషలిస్టు పార్టీ, ధర్మసమాజ్‌ పార్టీ, మార్క్సిస్టు కమ్యూనిస్టు పార్టీ తరఫున ఒక్కొక్కరు ఒక్కో సెట్‌ నామినేషన్లు దాఖలు చేశారు. భువనగిరి ఎంపీ స్థానానికీ అంతంతే.. సాక్షి, యాదాద్రి: లోక్‌సభ ఎన్నికల నామినేషన్ల ప్రక్రియలో భాగంగా భువనగిరి స్థానానికి రెండో రోజు శుక్రవారం ఐదు నామినేషన్లు దాఖలయ్యాయి. సీపీఎం అభ్యర్థి ఎండీ జహంగీర్‌, బీజేపీ నుంచి బూర నర్సయ్యగౌడ్‌, సోషలిస్ట్‌ పార్టీ (ఇండియా) అభ్యర్థిగా రచ్చ సుభద్రారెడ్డి, స్వతంత్ర అభ్యర్థులుగా మెగావత్‌ చందునాయక్‌, రేకల సైదులు ఒక్కో సెట్‌ చొప్పున నామినేషన్లు దాఖలు చేసినట్లు ఎన్నికల రిటర్నింగ్‌ అధికారి, కలెక్టర్‌ హనుమంతు కే.జెండగే తెలిపారు. మొదటి, రెండో రోజు కలిపి మొత్తం ఎనిమిది మంది అభ్యర్థులు తొమ్మిది సెట్ల నామినేషన్లు వేశారు. అట్టహాసంగా సీపీఎం అభ్యర్థి నామినేషన్‌ సీపీఎం అభ్యర్థి ఎండీ జహంగీర్‌ అట్టహాసంగా నామినేషన్‌ దాఖలు చేశారు. ఈ సందర్భంగా భువనగిరి పట్టణంలో భారీ ర్యాలీ నిర్వహించారు. జహంగీర్‌ వెంట సీపీఎం పోలిట్‌బ్యూరో సభ్యులు బీవీ రాఘవులు, మాజీ ఎమ్మెల్యే జూలకంటి రంగారెడ్డి, సీపీఎం కేంద్ర కమిటీ సభ్యుడు చెరుపల్లి సీతారాములు, రాష్ట్ర కార్యవర్గ సభ్యుడు కొండమడుగు నర్సింహ ఉన్నారు. అలాగే బీజేపీ అభ్యర్థి డాక్టర్‌ బూరనర్సయ్యగౌడ్‌ మొదటి సెట్‌ నామినేషన్‌ దాఖలు చేశారు. అయితే జన సమీకరణ చేయకుండా సాదాసీదాగా వచ్చి నామినేషన్‌ వేశారు. నల్లగొండ లోక్‌సభ స్థానానికి ఎనిమిది నామినేషన్లు రెండు రోజులు నలుగురు అభ్యర్థుల చొప్పున దాఖలు మొత్త పది సెట్ల నామినేషన్‌లు

ఇరవై ఏళ్ల క్రితం ప్రభుత్వం ఇచ్చిన స్థలంలో ఇల్లు కట్టుకుని జీవిస్తున్నాం. నా తండ్రి కాలం చేయడంతో ఆ ఇల్లు వారసత్వంగా నాకు వచ్చింది. ఇరవై ఏళ్లుగా ఇంటి పన్ను కడుతూనే ఉన్నా. కానీ, ఇప్పుడు పెద్ద మనుషులు వచ్చి ఆ స్థలం నీకు ఇవ్వాలంటే రూ.70 వేలు ఇవ్వు అని బెదిరిస్తున్నారు. అధికారులు స్పందించి ప్రభుత్వ భూమిని అమ్మకానికి పెట్టిన చర్యలు తీసుకోవాలి. – తిప్పన క్రిష్ణారెడ్డి (లక్ష్మీపురం) ప్రభుత్వ భూమిని కబ్జా చేస్తే ఉపేక్షించం ప్రభుత్వ భూమి ఆక్రమణకు గురైన విషయం నా దృష్టికి రాలేదు. లక్ష్మీపురం గ్రామంలో సర్వే నంబర్‌ 437లో ఉన్న 4.24 ఎకరాల భూమిలో కొంత భాగాన్ని 20 మంది లబ్ధిదారులకు కేటాయించగా మిగిలిన భూమి ప్రభుత్వ ఆధీనంలోనే ఉంది. అర్హులైన వారిని ఎంపిక చేసి ప్రభుత్వం ద్వారానే ఆ భూమిని పంపిణీ చేస్తాం. కబ్జాలకు పాల్పడితే రెవెన్యూ యాక్ట్‌ ప్రకారం చర్యలు తీసుకుంటాం. – శ్రీనివాస్‌రావు, ఆర్డీఓ, మిర్యాలగూడ

● పలు రైళ్ల రాకపోకలకు అంతరాయంమిర్యాలగూడ అర్బన్‌: రైలు పట్టాల సమీపంలో మంటలు వ్యాపించడంతో పలు రైళ్ల రాకపోకలకు అంతరాయం కలిగింది. ఈ సంఘటన శుక్రవారం రాత్రి నల్లగొండ జిల్లా మిర్యాలగూడ సమీపంలోని కుక్కడం వద్ద చోటు చేసుకుంది. రైల్వే ఎస్‌ఐ పవన్‌కుమార్‌రెడ్డి తెలిపిన వివరాల ప్రకారం.. కుక్కడం వద్ద రైలు పట్టాల సమీపంలో రైతులు ఎండిపోయిన వరి కొయ్యలకు నిప్పుపెట్టడంతో మంటలు క్రమంగా వ్యాపిస్తూ రైలు పట్టాల వద్దకు వచ్చాయి. దీంతో విషయాన్ని తెలుసుకున్న రైల్వే సిబ్బంది గుంటూరు ఇంటర్‌సిటీ ఎక్స్‌ప్రెస్‌ రైలును మిర్యాలగూడ రైల్వే స్టేషన్‌లో నిలిపివేశారు. మంటలను ఆర్పిన అనంతరం రైలు బయలుదేరి వెళ్లింది. ఈ సంఘటనపై విచారణ జరుపుతున్నట్లు రైల్వే ఎస్‌ఐ పేర్కొన్నారు. నీటి ఎద్దడి రాకుండా చూడాలి కేతేపల్లి: ప్రస్తుత వేసవిలో గ్రామాల్లో నీటి ఎద్దడి రాకుండా అధికారులు ప్రత్యేక చర్యలు తీసుకోవాలని డీఆర్‌డీఓ టి.నాగిరెడ్డి ఆదేశించారు. శుక్రవారం కేతేపల్లిలోని ఎంపీడీఓ కార్యాలయ సమావేశ మందిరంలో కేతేపల్లి, శాలిగౌరారం మండలాలకు చెందిన వివిధ ప్రభుత్వ శాఖల పనితీరుపై అధికారులు, సిబ్బందితో సంయుక్తంగా నిర్వహించిన సమీక్ష సమావేశంలో మాట్లాడారు. తాగునీటి ట్యాంకులను నెలలో మూడు సార్లు శుభ్రం చేయించటంతో పాటు, లీకేజీ అయిన పైప్‌లైన్లను గుర్తించి వెంటనే మరమ్మతులు చేపట్టాలన్నారు. ఐకేపీ, పీఏసీఎస్‌ కేంద్రాల్లో ధాన్యం కొనుగోళ్లను వేగవంతం చేయాలన్నారు. వ్యవసాయ పనులు లేనందున అన్ని గ్రామాల్లో కూలీలకు ఉపాధిహామీ పనులు కల్పించాలన్నారు. ఈ సమావేశంలో జెడ్పీ డిప్యూటీ సీఈఓ శ్రీనివాసరావు, డీఎల్‌పీఓ వెంకటేశ్వర్లు, ఆయా మండలాల ఎంపీడీఓలు బి.శ్రీనివాసరావు, లక్ష్మినారాయణ, ఎంఈఓ నాగయ్య, పీఆర్‌, ఆర్‌డబ్ల్యూఎస్‌ ఏఈలు శ్రీనివాస్‌, మౌనిక, ఐకేపీ ఏపీఎం యాదమ్మ, ఈజీఎస్‌ ఏపీఓ సురేందర్‌, ఆయా శాఖల సిబ్బంది తదితరులు పాల్గొన్నారు. యాదాద్రీశుడికి లక్ష పుష్పార్చనయాదగిరిగుట్ట : ఏకాదశిని పురస్కరించుకొని శుక్రవారం యాదాద్రి శ్రీలక్ష్మీనరసింహస్వామి క్షేత్రంలో లక్ష పుష్పార్చన పూజలు శాస్త్రోక్తంగా నిర్వహించారు. ఈ సందర్భంగా స్వామి, అమ్మవారిని ప్రత్యేకంగా అలంకరించి సహస్రనామ పఠనాలతో అర్చకులు, వేద పండితులు వివిధ రకాల పుష్పాలతో లక్ష పుష్పార్చన చేశారు. ఈ వేడుకలో భక్తులు పాల్గొని మొక్కులు తీర్చుకున్నారు. అదే విధంగా ప్రధానాలయంలో నిత్య కై ంకర్యాలు కొనసాగాయి. వేకువజామున సుప్రభాత సేవ, అభిషేకం, ఆలయ ముఖ మండపం, ప్రథమ ప్రాకార మండపంలో శ్రీసుదర్శన నారసింహహోమం, గజ వాహనసేవ, నిత్య కల్యాణం, బ్రహ్మోత్సవంతో పాటు శ్రీస్వామి, అమ్మవారి సేవలను ఊరేగించారు. వైభవంగా ఊంజలి సేవోత్సవం యాదాద్రి శ్రీలక్ష్మీనరసింహస్వామి ఆలయంలో ఊంజలి సేవ వైభవంగా నిర్వహించారు. సాయంత్రం అమ్మవారిని ప్రత్యేకంగా అలంకరించి ఆలయ తిరు, మాడ వీధుల్లో ఊరేగించారు. అనంతరం అద్దాల మండపంలో అమ్మవారిని అధిష్టించి ఊంజలి సేవోత్సవం చేపట్టారు. ఆ తర్వాత ఆండాళ్‌ అమ్మవారికి ఇష్టమైన నాధ స్వరాన్ని వినిపించారు. అనంతరం హారతినిచ్చారు.

ఫ పేదల భూమిపై పెద్దల కన్ను ఫ అనధికారిక కమిటీతో భూ పంపిణీకి కసరత్తు ఫ 73 గజాల ప్లాట్‌కు రూ.70 వేలు ఇవ్వాలని హుకుం జారీ ఫ ఇందిరమ్మ ఇళ్ల లబ్ధిదారుల నుంచి డబ్బులు డిమాండ్‌ ఫ మిర్యాలగూడ మండలం లక్ష్మీపురంలో కొందరి నిర్వాకం మిర్యాలగూడ: పేదల ఇళ్ల స్థలాల కోసం ఇరవై ఏళ్ల క్రితం ప్రభుత్వం పంపిణీ చేసిన భూములను అమ్మకానికి పెట్టారు కొందరు పెద్దలు. గతంలో ఇల్లు కట్టుకోలేకపోయిన వారి స్థలాలతోపాటు ఇల్లు నిర్మించుకొని నివాసముంటున్న వారు కూడా కొంత డబ్బు చెల్లిస్తేనే ఆ స్థలాలు, ఇళ్లు మీకు దక్కుతాయని, లేదంటే వేరే వాళ్లకు కేటాయిస్తామని బెదిరిస్తున్నారు. ఈ తతంగం మిర్యాలగూడ మండలం లక్ష్మీపురం గ్రామంలో ఇటీవల వెలుగులోకి వచ్చింది. అసలు ఏం జరిగిందంటే.. గ్రామంలోని పేదల ఇళ్ల స్థలాల కోసం ఇరవై ఏళ్ల క్రితం స్థానికంగా సర్వేనంబర్‌ 437లో 4.24 ఎకరాల భూమిని ప్రభుత్వం కొనుగోలు చేసింది. అందులో 20 మందికి వంద గజాల చొప్పున పంపిణీ చేసింది. ఇందులో ఐదారుగురు మాత్రమే ఇందిరమ్మ పథకం కింద ఇళ్లు కట్టుకోగా కొందరు బేస్‌మెంట్‌ లెవల్‌, కొందరు కంచె వేసుకొని ఇంటి స్థలాన్ని ఆపుకున్నారు. ఇందులో ఇంకా 3 ఎకరాల భూమి మిగిలి ఉంది. దీనిపై స్థానిక నాయకుల కన్ను పడింది. ఆ భూమిని ఎలాగైనా కాజేయాలని పథకం పన్నారు. దీంతో అనధికారికంగా 14 మంది సభ్యులతో ఒక కమిటీని ఏర్పాటు చేసి గతంలో ప్రభుత్వం పంపణీ చేయగా మిగిలిన భూమిని పేదలకు పంచుతామని ప్రకటించారు. ఈ నెల 23న లబ్ధిదారుల ఎంపిక చేస్తామని, అర్హుల పేర్లు సేకరిస్తూ ఒక్కొక్కరి నుంచి ఎంట్రీ ఫీజుగా రూ.1,500 వసూలు చేశారు. మొత్తం 190 మందికి 73 గజాల చొప్పున ఇస్తామని నిర్ణయించారు. ఇందుకు గ్రామ కమిటీకి గుండుగుత్తగా మొత్తం రూ.70 వేలు ఇవ్వాలని హుకుం జారీ చేశారు. ఈ నేపథ్యంలో గతంలో వంద గజాలు కేటాయించిన 20 మంది లబ్ధిదారుల నుంచి 73గజాలు పోను మిగతా వాటికి డబ్బులు అయినా కట్టండి లేదా భూమినైనా వదిలి పెట్టండని ఒత్తిడి చేస్తున్నట్లు బాధితులు పేర్కొంటున్నారు. ఇదీకాక వైఎస్‌ రాజశేఖరరెడ్డి ముఖ్యమంత్రిగా ఉన్న సమయంలో ఇందిరమ్మ ఇళ్లు కట్టుకున్న లబ్ధిదారులను సైతం డైబ్బెవేల రూపాయలు కట్టాల్సిందే అని డిమాండ్‌ చేస్తున్నారు. దీంతో అప్పటి లబ్ధిదారులు తీవ్ర ఆందోళనకు గురవుతున్నారు. ఇప్పటికై నా జిల్లా అధికారులు స్పందించి నిజమైన లబ్ధిదారులను గుర్తించి మిగిలి ఉన్న ప్రభుత్వ భూమిని కేటాయించాలని గ్రామానికి చెందిన పేదలు కోరుతున్నారు. డబ్బులు ఇస్తేనే ఇల్లు కట్టుకోవాలట.. వైఎస్‌ రాజశేఖరరెడ్డి ప్రభుత్వ హయాంలో నాకు ప్రభుత్వం ఇంటి స్థలం వచ్చింది. అప్పట్లో ఇల్లు కట్టుకోవాలని బేస్మెట్‌ నిర్మాణం చేశాను. కానీ, ఆర్థిక ఇబ్బందులతో ఇల్లు కట్టుకోలేక అలానే వదిలేశాను. అదే బేస్మెట్‌పై నీవు ఇప్పుడు ఇల్లు కట్టుకోవాలంటే రూ.70 వేలు ఇవ్వమని పెద్దమనుషులు డిమాండ్‌ చేస్తున్నారు. వారికి ఎదుకు డబ్బులివ్వాలో అర్థంకావట్లేదు. అధికారులు స్పందించి న్యాయం చేయాలి. – ఆడోతు రవి, లక్ష్మీపురం

నల్లగొండ: ఎన్నికల విధుల నిర్వహణలో సెక్టోరియల్‌ అధికారుల పాత్ర కీలకమని, వారు అప్రమత్తంగా ఉండాలని జిల్లా కలెక్టర్‌, జిల్లా ఎన్నికల అధికారి దాసరి హరిచందన అన్నారు. లోక్‌సభ ఎన్నికల నిర్వహణలో భాగంగా శుక్రవారం ఆమె జిల్లా కలెక్టరేట్‌లోని ఉదయాదిత్య భవన్‌లో సెక్టోరియల్‌ అధికారులతో నిర్వహించిన సమావేశంలో మాట్లాడారు. పీఓలు ఏపీఓలు, ఇతర సిబ్బంది కేటాయించిన విధులను సెక్టోరియల్‌ అధికారులు పర్యవేక్షించాలన్నారు. పోలింగ్‌ కేంద్రాల్లో కనీస సౌకర్యాలను కల్పించాలన్నారు. సెక్టోరియల్‌ అధికారులకు ఇచ్చిన హ్యాండ్‌ బుక్‌ను పూర్తిస్థాయిలో చదవాలని సూచించారు. విధుల పట్ల నిర్లక్ష్యం వహిస్తే ఉద్యోగాలు కోల్పోవాల్సి వస్తుందని ఆమె హెచ్చరించారు. పోస్టల్‌ బ్యాలెట్‌ రాలేదని ఫిర్యాదులు రావొద్దు ఏ ఉద్యోగి తనకు పోస్టల్‌ బ్యాలెట్‌ రాలేదని ఫిర్యాదు చేయకూడదని, ఒకవేళ అలాంటి ఫిర్యాదులు వస్తే సంబంధిత శాఖ అధికారులపై చర్యలు తీసుకుంటామని కలెక్టర్‌, జిల్లా ఎన్నికల అధికారి హరిచందన హెచ్చరించారు. శుక్రవారం జిల్లా కలెక్టరేట్‌లో పోస్టల్‌ బ్యాలెట్‌ విషయమై జిల్లా అధికారులతో నిర్వహించిన సమావేశంలో ఆమె మాట్లాడారు. ఎన్నికల విధులు నిర్వహించే ఉద్యోగులకు ఫారం–12 అందినట్లు సంబంధిత శాఖల అధికారులు ధ్రువీకరణ ఇవ్వాలన్నారు. ఎన్నికల విధులు కేటాయించి శిక్షణ తరగతులకు హాజరుకాని ఉద్యోగులకు షోకాజ్‌ నోటీసులు జారీ చేశామన్నారు. వేర్వేరుగా జరిగిన ఈ సమావేశాల్లో కలెక్టర్‌ జె.శ్రీనివాస్‌, స్పెషల్‌ కలెక్టర్‌ నటరాజ్‌, జిల్లా రెవెన్యూ అధికారి డి.రాజ్యలక్ష్మి, వివిధ శాఖల తదితరులు పాల్గొన్నారు. ఫ కలెక్టర్‌ హరిచందన

నల్లగొండ టౌన్‌: భానుడి తన విశ్వరూపాన్ని ప్రదర్శిస్తూ భగభగ మండిపోతున్నాడు. దీంతో జిల్లాలో 46 డిగ్రీలకుపైగా ఉష్ణోగ్రతలు నమోదవుతున్నాయి. గురువారం హాలియా మండలం ఇబ్రహీంపేటలో 46.6 డిగ్రీల పగటి ఉష్ణోగ్రత నమోదై జిల్లాలో రెండో స్థానంలో నిలిచింది. అలాగే నాంపల్లి మండల కేంద్రంలో 46.4 డిగ్రీలు, మాడుగుపల్లి, కేతేపల్లి, కట్టంగూర్‌ మండల కేంద్రాలు, చందంపేట మండలం తెల్దేవరపల్లి, నల్లగొండ ట్రాన్స్‌కో ఎస్‌ఈ కార్యాలయం, త్రిపురారం మండలం మాటూరు, మునుగోడు మండలం గూడపూర్‌, పెద్దవూర మండలం పులిచర్లలో 46 డిగ్రీలకు పైగా పగటి ఉష్ణోగ్రలు నమోదయ్యాయి. మర్రిగూడ, చింతపల్లి మండలం గొడకొండ్లలో 45 డిగ్రీలు కాగా నల్లగొండ మండలం పి.దోమలపల్లి, దేవరకొండ మండలం పడమట్‌పల్లి, చింతపల్లి మండలం నసర్లపల్లి వాటర్‌ప్లాంట్‌, నార్కట్‌పల్లి మండలం నెమ్మానిలో 43 డిగ్రీలకుపైగా ఉష్ణోగ్రతలు నమోదయ్యాయి. జిల్లా అంతటా 43పైగా పగటి ఉష్ణోగ్రతలు నమోదయ్యాయి. దీంతో వడగాలులు వీచడంతో ఉక్కపోతతో ప్రజలు అల్లాడుతున్నారు. ఉదయం 9 గంటలు దాటితే బయటకు వెళ్లలేని పరిస్థితి నెలకొంది. రానున్న రోజుల్లో ఉష్ణోగ్రతలు పెరిగే అవకాశం ఉందని వాతావరణ శాఖ అధికారులు పేర్కొంటుండడంతో ప్రజలు ఆందోళన చెందుతున్నారు. మండుతున్న ఎండలకు వడదెబ్బ బారిన పడకుండా ప్రజలు ముందస్తుగా జాగ్రత్తలను పాటించాలని వైద్యులతో పాటు వైద్య ఆరోగ్యశాఖ అధికారులు సూచిస్తున్నారు. నిడమనూరులో 47 డిగ్రీలు నిడమనూరు: నిడమనూరులో రోజురోజుకూ ఎండ మండిపోతోంది. ఈ వేసవి సీజన్‌లో ఇప్పటికే నాలుగుసార్లు జిల్లాలోనే అధిక ఉష్ణోగ్రతలు నమోదు కాగా గురువారం రికార్డు స్థాయిలో 47 డిగ్రీలు నమోదైంది. బుధవారం 46 డిగ్రీలు నమోదైంది. దీంతో జనం ఉక్కపోతకు ఉక్కిరిబిక్కిరి అవుతున్నారు. ఈ నేపథ్యంలో కొందరు ఫ్యాన్లు, కూలర్లు రిపేరు చేయించుకుంటుండగా మరికొందరు వాటిని కొనుగోలు చేసి తెచ్చుకుంటున్నారు. డిమాండ్‌ పెరగడంతో వాటి ధరలు కూడా అమాంతం పెరిగిపోయాయి. ఫ మండుతున్న ఎండలు ఫ తల్లడిల్లుతున్న జనం

మిర్యాలగూడ : ఉపాధి కూలీలకు చెల్లింపులన్నీ ఆన్‌లైన్‌ అనుసంధానం చేయాలని డీఆర్‌డీఓ నాగిరెడ్డి ఆదేశించారు. గురువారం మిర్యాలగూడ ఎంపీడీఓ కార్యాలయంలో ఏర్పాటు చేసిన సమీక్ష సమావేశంలో ఆయన పాల్గొని మాట్లాడారు. ఆన్‌లైన్‌ ప్రాతిపదికన లేబర్‌ రిపోర్ట్‌ వారీగా పేమెంట్‌ పెరిగితే మెటీరియల్‌ పేమెంట్‌ పనులు పెంచుకోవచ్చన్నారు. రూ.200లు కన్నా తక్కువ పేమెంట్‌ వచ్చినట్లయితే ఎఫ్‌ఏ, టీఏలు, ఏపీఓ, పీఓలపై చర్యలు ఉంటాయన్నారు. రోజుకూలి రూ.250 నుంచి రూ.300 వరకు పడేలా పనులు చేయించాలన్నారు. పని ప్రదేశంలో వసతులు కల్పించడంతోపాటు వేజ్‌ సీకర్ల అకౌంట్‌కు ఆధార్‌ అథెంటికేషన్‌, ఎన్‌పీసీఏ మ్యాపింగ్‌ చేసి మస్టర్లను సమర్పించాలని కోరారు. వన నర్సరీలో 5500 మొక్కలు పెంచి గ్రామసభల ద్వారా ఉపాది పనులు గుర్తించాలన్నారు. కార్యక్రమంలో ఎంపీడీఓ శేషగిరిశర్మ, టీఏలు, ఎఫ్‌ఏలు, సిబ్బంది పాల్గొన్నారు.

హాలియా: హామీల అమలులో విఫలమైన కాంగ్రెస్‌ ప్రభుత్వానికి లోక్‌సభ ఎన్నికల్లో తగిన గుణపాఠం చెప్పాలని మాజీ మంత్రి గుంటకండ్ల జగదీష్‌రెడ్డి పిలుపునిచ్చారు. లోక్‌సభ ఎన్నికల ప్రచారంలో భాగంగా గురువారం రాత్రి హాలియా పట్టణంలో మాజీ ఎంపీ బడుగుల లింగయ్య యాదవ్‌, ఎమ్మెల్సీ కోటిరెడ్డి, మాజీ ఎమ్మెల్యే నోముల భగత్‌, బీఆర్‌ఎస్‌ నల్లగొండ ఎంపీ అభ్యర్థి కంచర్ల కృష్ణారెడ్డితో కలిసి నిర్వహించిన రోడ్‌ షోలో ఆయన పాల్గొని మాట్లాడారు. జానారెడ్డి లాంటి పెద్ద మనిషి సూర్యాపేట, తుంగతుర్తిలో ఏమీ అభివృద్ధి జరగలేదని మాట్లాడటం సరికాదన్నారు. 17 ఏళ్లు మీరు మంత్రిగా చేశారని, తాను పదేళ్లు మంత్రిగా పనిచేశానని, ఉమ్మడి జిల్లాలో ఏ నియోజకవర్గంలో ఎవరి హయాంలో ఎంత అభివృద్ధి జరిగిందో బహిరంగంగా చర్చించేందుకు సిద్ధమా అని జానారెడ్డికి సవాల్‌ విసిరారు. బీఆర్‌ఎస్‌ పార్టీ అధికారంలోకి వచ్చిన తర్వాతే హాలియా, నందికొండ మున్సిపాలిటీలుగా చేయడంతో పాటు ప్రజలందరికీ తాగు, సాగునీరు, 24 గంటల కరెంట్‌, హాలియాకు ప్రభుత్వ డిగ్రీ కళాశాల, నెల్లికల్లు లిఫ్ట్‌ తీసుకొచ్చామన్నారు. మోసపూరిత వాగ్దానాలతో అధికారంలోకి వచ్చిన కాంగ్రెస్‌ ప్రభుత్వానికి రోజులు దగ్గర పడ్డాయన్నారు. ఈ ఎన్నికల్లో బీఆర్‌ఎస్‌ పార్టీ ఎంపీ అభ్యర్ధి కంచర్ల కృష్ణారెడ్డిని భారీ మెజార్టీతో గెలిపించాలని కోరారు. కార్యక్రమంలో జెడ్పీ చైర్మన్‌ బండా నరేందర్‌రెడ్డి, ట్రైకార్‌ మాజీ చైర్మన్‌ ఇస్లావత్‌ రాంచందర్‌నాయక్‌, ఆప్కాబ్‌ మాజీ చైర్మన్‌ యడవెల్లి విజయేందర్‌రెడ్డి, బీఆర్‌ఎస్‌ పార్టీ జిల్లా నాయకులు కడారి అంజయ్య యాదవ్‌, వివిధ మండలాల అధ్యక్షులు, కార్యకర్తలు పాల్గొన్నారు. ఫ మాజీ మంత్రి గుంటకండ్ల జగదీష్‌రెడ్డి

సాక్షి ప్రతినిధి, నల్లగొండ: లోక్‌సభ ఎన్నికల సమయం దగ్గర పడుతుండటంతో ప్రచారం ఊపందుకుంది. అన్ని రాజకీయ పార్టీలు ప్రచారాన్ని వేగవంతం చేయడంతో పాటు విమర్శలు, ప్రతి విమర్శలు చేస్తూ ఓటర్లను ఆకట్టుకునే ప్రయత్నం చేస్తున్నాయి. ప్రధాన పార్టీలైన కాంగ్రెస్‌, బీఆర్‌ఎస్‌, బీజేపీ తమ ప్రచారాలకు మరింత పదును పెట్టాయి. ఆయా పార్టీల అధినేతలు కూడా ప్రచారానికి వస్తున్నారు. బీర్‌ఎస్‌ అధినేత, మాజీ సీఎం కేసీఆర్‌ లోక్‌సభ ఎన్నిల ప్రచారంలో భాగంగా చేపట్టిన బస్సుయాత్రను ఉమ్మడి నల్లగొండ జిల్లా నుంచే ప్రారంభించారు. ఇటీవలే రెండు రోజులు రోడ్‌షో నిర్వహించారు. మాజీ మంత్రి హరీష్‌రావు శుక్రవారం నల్లగొండ పట్టణం, చండూరులో జరిగే రోడ్‌షోలలో పాల్గొంటారు. ఇప్పటికే బీజేపీ రాష్ట్ర స్థాయి నాయకులు జిల్లాలో ప్రచార కార్యక్రమాల్లో పాల్గొంటుండటగా, జాతీయ స్థాయి అగ్రనేతలు రంగంలోకి దిగుతున్నారు. బీజేపీ జాతీయ అధ్యక్షుడు జేపీ నడ్డా కూడా ఈ నెల 6న నల్లగొండలో నిర్వహించే సభలో పాల్గొననున్నారు. అసెంబ్లీ నియోజకవర్గ స్థాయిలో సమావేశాలు కాంగ్రెస్‌ పార్టీ ఇప్పటికే పార్లమెంట్‌ నియోజకవర్గ పరిధిలోని అసెంబ్లీ సెగ్మెంట్లలో సమావేశాలను నిర్వహించింది. వివిధ సామాజికవర్గాల వారితో సమావేశాలకు సిద్ధమవుతోంది. మంత్రులు ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డి ఆయా నియోజకవర్గాల్లో భారీ ఎత్తున సమావేశాలు నిర్వహిస్తున్నారు. సాగర్‌, దేవరకొండ, మిర్యాలగూడ, హుజూర్‌నగర్‌, సూర్యాపేట, నల్లగొండ నియోజకవర్గాల్లో యువత, అడ్వకేట్స్‌, వివిధ సామాజికవర్గాల వారితో సమావేశాల నిర్వహణకు నిర్ణయించింది. మాజీ మంత్రి జానారెడ్డి తనయుడు ఎంపీ అభ్యర్ధి కందూరు రఘువీర్‌రెడ్డి గెలుపు బాధ్యతను ముఖ్యమంత్రి రేవంత్‌రెడ్డి ఉత్తమ్‌కు అప్పగించారు. జానారెడ్డి కూడా ప్రతి నియోజకవర్గం తిరుగుతూ సామాజికవర్గాల వారీగా జనాలను కలుస్తున్నారు. సభలు, సమావేశాల్లో బీజేపీ బీజేపీ అభ్యర్థి శానంపుడి సైదిరెడ్డి తరఫున ప్రచారం చేసేందుకు అగ్రనేతలు రంగంలోకి దిగుతున్నారు. బీజేపీ రాష్ట్ర అధ్యక్షుడు జేపీ నడ్డా కూడా 6వ తేదీ రాబోతున్నారు. ఇప్పటికే బీజేపీ అభ్యర్థి గెలుపు కోసం నియోజకవర్గాల వారీగా సమావేశాలు నిర్వహిస్తున్నారు. ఎంపీ అభ్యర్థి సైదిరెడ్డి సుడిగాలి పర్యటన చేస్తూ రోడ్‌షోలు, సమావేశాలు నిర్వహిస్తున్నారు. మొత్తానికి నల్లగొండ నియోజకవర్గంలో త్రిముఖ పోటీ నెలకొంది. కాంగ్రెస్‌ పార్టీ సిట్టింగ్‌ స్థానం నిలబెట్టుకునేందుకు సర్వశక్తులు ఒడ్డుతుండగా, బీఆర్‌ఎస్‌ ఈసారైనా విజయం సాధించాలన్న ఉద్దేశంతో అధికార పార్టీపై అస్త్రాలు సందిస్తోంది. బీజేపీ మాత్రం రాష్ట్రంలో గత ప్రభుత్వం, ప్రస్తుత ప్రభుత్వం వైఫల్యాలు, నరేంద్రమోడీ చర్మిషాను నమ్ముకొని నల్లగొండలో పాగా వేయాలని ముందుకు సాగుతోంది.ఉమ్మడి జిల్లాకు క్యూ కడుతున్న అగ్రనేతలు ఫ సామాజిక సమీకరణలపైనా పార్టీల దృష్టి ఫ ఇప్పటికే ఆ దిశగా చర్యలు చేపట్టిన బీజేపీ ఫ సమావేశలకు ప్లాన్‌ చేస్తున్న కాంగ్రెస్‌, బీఆర్‌ఎస్‌గెలుపు బాధ్యత జగదీష్‌రెడ్డిపై! బీఆర్‌ఎస్‌ పార్టీ అభ్యర్థి కంచర్ల కృష్ణారెడ్డి గెలుపు బాధ్యతను మాజీ మంత్రి జగదీష్‌రెడ్డి తీసుకున్నారు. ఇప్పటికే నల్లగొండ, సూర్యాపేటతో పాటు మిగిలిన నియోజకవర్గాల్లో నియోజక వర్గ సమావేశాలు, రోడ్‌ షోలు నిర్వహించారు. బీర్‌ఎస్‌ అధినేత కేసీఆర్‌ ఎండిన పంటల పరిశీలన, బస్సు యాత్ర మిర్యాలగూడ, సూర్యాపేట నియోజకవర్గాల్లో నిర్వహించారు. దీంతో బీఆర్‌ఎస్‌ శ్రేణుల్లో ఊపు వచ్చింది. కాంగ్రెస్‌ వచ్చిన తర్వాత కరువు వచ్చిందని, కరెంటు పోతోందని, 5 ఎకరాల వారికి రైతు బంధు ఇవ్వడం లేదంటూ, రూ. 2 లక్షల రుణమాఫీ డిసెంబరు 9న ఎందుకు ఇవ్వలేదంటూ బీఆర్‌ఎస్‌ విమర్శిస్తోంది. ఆరు గ్యారంటీల అమలులో కాంగ్రెస్‌ విఫలమైందని, కరువు కాంగ్రెస్‌తో వచ్చిందంటూ నేతలు విమర్శిస్తూ ఓటర్లను ఆకట్టుకునే విధంగా ప్రచారం కొనసాగిస్తున్నారు. బీఆర్‌ఎస్‌ కూడా సామాజికవర్గాల వారీగా ఓటర్లను కలుస్తూ సమావేశాల నిర్వహణకు కసరత్తు చేస్తోంది.

అధిక ప్రసవాలు.. నల్లగొండ టౌన్‌: ప్రభుత్వ ఆస్పత్రుల్లో ప్రసవాల సంఖ్య నానాటికీ పెరుగుతోంది. గతంలో ప్రభుత్వాస్పత్రుల్లో కాన్పులు చేయించుకోవడానికి వెళ్లాలంటే గర్భిణులు భయపడేవారు. కానీ, ప్రస్తుతం ప్రభుత్వం ఆస్పత్రులను ఆధునీకరించి అత్యాధునిక పరికరాలు అందుబాటులో ఉంచుతూ మౌలిక వసతులు కల్పిస్తూ.. అన్నిరకాల పరీక్షలు చేస్తూ మెరుగైన వైద్యం అందిస్తోంది. ఈ నేపథ్యంలో గర్భిణులు ప్రభుత్వాస్పత్రుల్లో ప్రసవాలు చేయించుకునేందుకు పెద్ద సంఖ్యలో తరలివస్తున్నారు. గతంలో ప్రైవేట్‌ ఆస్పత్రుల్లో 65 శాతం కాన్పులు జరిగితే ప్రభుత్వ ఆస్పత్రుల్లో 35 శాతం మాత్రమే జరిగేవి. ఆ పరిస్థితి ఉల్టా పల్టా అయ్యి ప్రస్తుతం ప్రభుత్వాస్పత్రుల్లో 60 శాతం కాన్పులు జరుగుతుండగా ప్రైవేట్‌ ఆస్పత్రుల్లో 40 శాతం మాత్రమే జరుగుతున్నాయని వైద్య ఆరోగ్య శాఖ లెక్కలు చెబుతున్నాయి. సరిపడా సిబ్బంది ఉండడంతో.. మండల కేంద్రాల్లో ఉండే ప్రాథమిక ఆరోగ్య కేంద్రాల నుంచి 24 గంటల పాటు పనిచేసే పీహెచ్‌సీలు, సీహెచ్‌సీలు, ఏరియా ఆస్పత్రులు, జిల్లా కేంద్రంలోని ప్రభుత్వ జనరల్‌ ఆస్పత్రి(జీజీహెచ్‌)లో ప్రసవాల సంఖ్య పెంచాలని గతంలోనే ప్రభుత్వం ఆదేశాలు జారీ చేసింది. ఇందుకు ఆయా ఆస్పత్రుల్లో అవసరమైన గైనకాలజిస్టులు, స్టాఫ్‌ నర్సులు, ఇతర సిబ్బందిని సరిపడా నియమించింది. దీంతో జిల్లా కేంద్రంలోని ప్రభుత్వ జనరల్‌ ఆస్పత్రితో పాటు మిర్యాలగూడ, నాగార్జునసాగర్‌, దేవరకొండ ఏరియా ఆస్పత్రులు, నకిరేకల్‌, మర్రిగూడ సీహెచ్‌సీలు జిల్లాలోని అన్ని ప్రాథమిక ఆరోగ్య కేంద్రాల్లో కాన్పుల కోసం వస్తున్న వారి సంఖ్య గణనీయంగా పెరిగింది. పీహెచ్‌సీ స్థాయిలోనే గర్భిణుల పేర్లు నమోదు చేసుకోవడం మూడు నెలలు నిండిన తర్వాత చెకప్‌ కోసం ఆశా వర్కర్లు, ఏఎన్‌ఎంలు, నెలనెలా ప్రభుత్వాస్పత్రులకు తీసుకొచ్చి పరీక్షలు చేయిస్తుండడంతో కాన్పుల సంఖ్య పెరుగుతోంది. ప్రభుత్వ జనరల్‌ ఆస్పత్రిలో రికార్డు స్థాయిలో కాన్పులు జరుగుతున్నాయి. ముఖ్యంగా ప్రభుత్వ ఆస్పత్రుల్లోని వైద్యులు సాధారణ ప్రసవాలకే అధిక ప్రాధాన్యమిస్తున్నారు. ఫలితంగా ప్రభుత్వ ఆస్పత్రుల్లో ఆపరేషన్ల సంఖ్య తగ్గిపోతోంది. ఎంసీహెచ్‌, న్యూట్రిషియన్‌ కిట్ల పంపిణీ రాష్ట్ర ప్రభుత్వం ఎంసీహెచ్‌ కిట్టుతో పాటు న్యూట్రిషియన్‌ కిట్లను కూడా అందిస్తుండడం వల్ల ప్రభుత్వాస్పత్రులకు కాన్పుల కోసం వచ్చే వారి సంఖ్య పెరుగుతోంది. దీంతో పాటు ఆడపిల్ల పుడితే రూ.13 వేలు, మగపిల్లవాడు పుడితే రూ.12 వేలు తల్లి ఖాతాల్లో ప్రభుత్వం జమ చేస్తుండడంతో ప్రభుత్వ ఆస్పత్రుల్లో ప్రసవాల సంఖ్య పెరిగింది.ఫ తరలి వస్తున్న గర్భిణులు ఫ వసతుల కల్పనకుతోడు ఎంసీహెచ్‌ కిట్లు ఇస్తుండడమే కారణం ఫ సాధారణ కాన్పులకు ప్రాధాన్యమిస్తున్న వైద్యులు మెరుగైన వైద్యం అందిస్తున్నాం.. అన్ని ప్రభుత్వ ఆస్పత్రుల్లో ప్రభుత్వం మౌలిక సదుపాయాలను కల్పించడంతో మెరుగైన వైద్యాన్ని అందిస్తున్నాం. పీహెచ్‌సీ స్థాయిలోనే గర్భిణుల పేర్ల నమోదు చేసి నెలనెలా ఆశా వర్కర్లు, ఏఎన్‌ఎంలు చెకప్‌ చేయిస్తున్నారు. దగ్గరుండి వారిని ప్రభుత్వ వాహనాల్లో జీజీహెచ్‌ లేదా ఏరియా ఆస్పత్రులకు తీసుకుపోయి కాన్పులు చేయిస్తున్నారు. దీంతో ప్రజల్లో ప్రభుత్వ ఆస్పత్రుల పట్ల విశ్వాసం పెరిగి ప్రసవాల కోసం బారులుదీరుతున్నారు. – డాక్టర్‌ కొండల్‌రావు, డీఎంహెచ్‌ఓ, నల్లగొండ గతేడాది ఏప్రిల్‌ నుంచి ఇప్పటి వరకు కాన్పులు ఆస్పత్రులు కాన్పులు సాధారణ సిజేరియన్‌ ప్రభుత్వ 13,073 6,426 6,647 ప్రైవేట్‌ 9,703 1,813 7,890