TV
బెంగళూరులో జరిగిన రేవ్‌ పార్టీ కర్ణాటకతో పాటు తెలుగు రాష్ట్రాల్లోనూ కలకలం రేపుతోంది.
టాలీవుడ్‌కు చెందిన సెలబ్రిటీలు ఈ పార్టీలో పాల్గొని డ్రగ్స్‌ తీసుకున్నట్లు వార్తలు వచ్చాయి.
ముఖ్యంగా హేమ పేరు బాగా వినిపించింది.
అయితే తానెక్కడికీ వెళ్లలేదని, హైదరాబాద్‌లోనే ఉన్నట్లు వీడియో రిలీజ్‌ చేసింది.
ఇంట్లో బిర్యానీ వండుతున్న వీడియో కూడా వదిలింది. మరోవైపు పోలీసులు పార్టీకి హాజరైనవారి శాంపిల్స్‌ను పంపించి పరీక్షించగా అందులో హేమ డ్రగ్స్‌ తీసుకున్నట్లు నిర్ధారణ అయింది.
మరోవైపు ఈ పార్టీకి నటి ఆషి రాయ్‌ కూడా హాజరైంది.
కానీ రేవ్‌ పార్టీ అన్న విషయం తనకు తెలియదని ఈమె కూడా ఓ వీడియో రిలీజ్‌ చేసింది. వాసు అన్న బర్త్‌డే పార్టీ అంటే వెళ్లాను.
అక్కడ ఏం జరుగుతుంది? ఏం చేస్తున్నారనేది నాకు తెలీదు. దయచేసి నాకు సాయం చేయండి. నేనొక ఆడపిల్లను.
ఇప్పుడిప్పుడే కష్టపడి ఇండస్ట్రీలోకి వస్తున్నాను. ప్లీజ్‌ దయచేసి సాయం చేయండి అని చెప్పుకొచ్చింది.
కాగా ఈమె వైతరణి రాణా, లాక్‌డౌన్‌, మిస్టరీ ఆఫ్‌ సారిక, కేఎస్‌ 100 వంటి చిత్రాల్లో నటించింది.
