Just In
Ad - Cinema-Sakshi_Cinema_LeaderBoard_1
Ad - Sakshi_Home_Sticky
-
కల్లు మాఫియా..!
మంగళవారం శ్రీ 23 శ్రీ ఏప్రిల్ శ్రీ 2024వివరాలు 8లో uగద్వాల రూరల్: కల్లుదందాకు గద్వాల పెట్టింది పేరు. అధికారంలో ఎవరుంటే వారు దర్జాగా దందాను కొనసాగిస్తారు. తాజాగా అధికార పార్టీకి చెందిన కొందరు నేతలు ఓ అడుగు ముందుకు వేశారు. తమకున్న అధికార బలంతో ఏకంగా కల్లుదుకాణం స్థానంలో ఎలాంటి అనుమతులు లేకుండా కల్లు డిపోను ఏర్పాటు చేసుకున్నారు. ఈడిపో నుంచి సమీప గ్రామాలకు అక్రమంగా కల్లు తరలిస్తూ రూ.లక్షలు దండుకుంటున్నారు. తమ అక్రమ సంపాదనకు ఎలాంటి అడ్డు రాకుండా అన్ని సెటిల్మెంట్లు చేసుకున్నారు. కల్లు దందాతో ప్రతినెలా సుమారు రూ.35 లక్షలకు పైగా అక్రమార్జనకు పాల్పడుతున్నారు. తమకు సహకరిస్తున్న నియోజకవర్గ ముఖ్యనేత, ఆబ్కారీ శాఖలోని అవినీతి అధికారులకు పెద్ద ఎత్తున ముడుపులు చెల్లిస్తున్నట్లు తెలుస్తోంది. రహస్యంగా కొనసాగిస్తున్న అక్రమ కల్లుడిపో దందాపై ‘సాక్షి’ ప్రత్యేక కథనం. రూ.లక్షలు కొల్లగొట్టేందుకు స్కెచ్.. రూ.6 లక్షలకు లైసెన్స్ ఉన్న కల్లు దుకాణాన్ని దక్కించుకున్న సదరు నాయకులు.. రూ. లక్షలు కొల్లగొట్టేందుకు పెద్ద స్కెచ్ వేశారు. ఆబ్కారీ శాఖ నుంచి ఎలాంటి అనుమతులు లేకుండానే తమకున్న అధికార పలుకుబడితో ఏకంగా కల్లుడిపోను ఏర్పాటుచేసి, అక్రమ దందాకు తెరలేపారు. ఫిబ్రవరి నుంచి అక్రమ కల్లుదందా నిరాటకంగా కొనసాగుతోంది. నిత్యం 250 కేసుల కల్లు తయారీ.. కల్లుడిపోలో నిత్యం 250 కేసుల కల్లును తయారు చేస్తున్నట్లు సమాచారం. అందులో 100 కేసుల కల్లు స్థానికంగా జమ్మిచేడులోనే విక్రయిస్తుండగా.. మిగిలిన 150 కేసుల కల్లును గద్వాల మండలంలోని చుట్టుపక్కల పల్లెలతో పాటు మల్దకల్ మండలంలోని రెండు, మూడు గ్రామాలకు సరఫరా చేస్తున్నట్లు తెలుస్తోంది. కల్లు కేసులను ఎలాంటి అనుమతులు లేని ఓ బొలేరో వాహనంలో దర్జాగా తరలిస్తున్నారు. రోజుకు రూ. 1.25 లక్షల ఆదాయం.. కల్లుడిపో నుంచి విక్రయించే 250 కేసుల కల్లు ద్వారా రోజు సుమారు రూ. 1.25 లక్షల వరకు సంపాదిస్తున్నారన్నారు. ఈ లెక్కన నెలకు సుమారు రూ. 35 లక్షలకు పైగా వెనకేసుకుంటున్నట్లు తెలుస్తోంది. అందులో ఆబ్కారీ శాఖ అధికారులకు, కల్లుడిపో ఏర్పాటుకు సహకరించిన ముఖ్యనేతకు నెలవారీ మామూళ్ల రూపంలో సుమారు రూ.10లక్షల నుంచి రూ.15లక్షల వరకు అందుతున్నట్లు తెలిసింది. ఈ అక్రమ కల్లుడిపో ఆబ్కారీ శాఖ కార్యాలయానికి కూతవేటు దూరంలో ఉండటం విశేషం. న్యూస్రీల్ముఖ్యనాయకుడితోస్థానికుల మొర.. కల్లుడిపో ద్వారా రూ.లక్షలు సంపాదిస్తూ, తమకు ఏమాత్రం డబ్బులు ఇవ్వకుండా అన్యాయం చేస్తున్నారని జమ్మిచేడుకు చెందిన కొందరు గద్వాల నియోజకవర్గ ముఖ్యనాయకుడితో మొర పెట్టుకోగా.. పరిష్కారం చేస్తానని హామీ ఇచ్చి పంపినట్లు తెలిసింది. అయితే నెలరోజులు గడిచినా సదరు ముఖ్యనాయకుడి నుంచి ఎలాంటి పరిష్కారం కనిపించకపోవడంతో గత ప్రభుత్వ హయాంలో కల్లుసొసైటీ నిర్వాహకుడే మేలని చర్చించుకోవడం కొసమెరుపు. రూ. 6 లక్షలకు సెటిల్మెంట్.. జమ్మిచేడులో రెండు కల్లుదుకాణాలు కొనసాగుతుండటం.. ఆశించిన స్థాయిలో లాభాలు దక్కకపోవడంతో సదరు నాయకులు నిరాశకు గురయ్యారు. దీంతో కల్లుదుకాణాన్ని తమకు అప్పగించాలని లైసెన్స్ ఉన్న కల్లుసొసైటీ నిర్వాహణ దారుడితో బేరసారాలు నెరిపారు. కల్లుదుకాణ సొసైటీ నిర్వాహణ సమయం దసరా పండుగ వరకు ఉందని.. అందుకు సంబంధించిన డబ్బులు కూడా సొసైటీ సభ్యులకు ముందుగానే చెల్లించానని.. మధ్యలో సొసైటీని వదిలేస్తే ఆర్థికంగా నష్టపోతానని సదరు నిర్వాహకుడు పాతపాలెం, గోన్పాడు గ్రామాలకు చెందిన నాయకులతో చెప్పినట్లు సమాచారం. సొసైటీని పూర్తిగా తమకే ఇవ్వాలంటే మీకెంత ఇవ్వాలని ప్రతిపాదించి, పలుమార్లు బేరాలు కొనసాగించగా.. చివరికి రూ.6 లక్షలకు సెటిల్మెంట్ అయినట్లు తెలిసింది. జమ్మిచేడులో కల్లు దుకాణం బదులు డిపో ఏర్పాటు సమీప గ్రామాలకుయథేచ్ఛగా కల్లు సరఫరా దర్జాగా అక్రమ దందాకుతెరలేపిన అధికార పార్టీనాయకులు నియోజకవర్గ ముఖ్యనేత, ఆబ్కారీ శాఖకు పెద్దఎత్తున ముడుపులు? సమాచారం లేదు.. జమ్మిచేడులో కల్లు దుకా ణం నిర్వహించుకునేందుకు మాత్రమే సొసైటీకి అనుమతులు ఇచ్చాం. అక్కడ కల్లు దుకాణం స్థానంలో కల్లుడిపో ఏర్పాటు చేసిన విషయం తెలియదు. దీనిపై విచారించి అవసరమైన చర్యలు తీసుకుంటాం. కల్లుడిపోను తొలగిస్తాం. మాకు ఎలాంటి ముడుపులు ముట్టడం లేదు. – అరుణ్కుమార్, ఆబ్కారీ శాఖ ఈఎస్ -
No Headline
వనపర్తి సంస్థానం చివరి రాజుగా జనుంపల్లి రాజారామేశ్వర్రావు (1944 సంవత్సరం)లో పట్టాభిషిక్తుడయ్యారు. 21 ఏళ్ల వయసులో రాజ్యపాలన చేపట్టిన ఆయన నిజాం ప్రభువుకు సామంతరాజుగా ఉంటూ పాలన సాగించారు. 1947లో స్వాతంత్య్రం రావడంతో.. వనపర్తి సంస్థానాన్ని ఇండియన్ యూనియన్లో విలీనం చేసేందుకు రామేశ్వర్రావు అప్పటి ప్రధాని నెహ్రూతో ఒప్పందం చేసుకున్నారు. 1949లో ఇండియన్ ఫారిన్ సర్వీస్లో చేరి, పలు ఆఫ్రికన్ దేశాలలో భారత ప్రభుత్వానికి కమిషనర్గా పనిచేశారు. 1957లో దేశవ్యాప్తంగా జరిగిన రెండో సార్వత్రిక ఎన్నికల్లో మహబూబ్నగర్ లోక్సభ స్థానంలో కాంగ్రెస్ పార్టీ నుంచి పోటీచేసి తొలిసారి ఎంపీగా గెలుపొందారు. 1962లో ఉమ్మడి జిల్లాలో రెండు ఎంపీ స్థానాలు ఏర్పాటు చేశారు. అప్పుడు కొత్తగా ఏర్పడిన నాగర్కర్నూల్ పార్లమెంట్ స్థానంలో పోటీ చేసి విజయం సాధించారు. ఆ తర్వాత 1967లో తిరిగి మహబూబ్నగర్లో పోటీ చేసి మూడోసారి ఎంపీగా పార్లమెంట్లో అడుగుపెట్టారు. అనంతరం 1972, 1977లో జరిగిన ఎన్నికల్లోనూ వరుసగా విజయం సాధించారు. 1977లో దేశవ్యాప్తంగా కాంగ్రెస్ పార్టీ ఓటమిపాలైనా నాటి ఉమ్మడి ఆంధ్రప్రదేశ్లోని 42 పార్లమెంట్ స్థానాల్లో 40 స్థానాలు కాంగ్రెస్ గెలిచింది. అందులో మహబూబ్నగర్ ఎంపీగా రాజా రామేశ్వర్రావు విజయకేతనం ఎగురవేశారు. 1977లో కేంద్రంలో ఏర్పడిన జనతా ప్రభుత్వం మూడేళ్లకే పడిపోవడంతో 1980లో మద్యంతర ఎన్నికలు వచ్చాయి. నాడు ఇందిరా కాంగ్రెస్గా పార్టీని వేరుచేసిన ఇందిరాగాంధీ మహబూబ్నగర్ నుంచి పోటీ చేయాలని అనుకున్నారు. కాగా.. ఐదుసార్లు వరుసగా గెలుస్తున్న రామేశ్వర్రావుపై పోటీచేయడం ఎందుకని మెదక్ సిట్టింగ్ ఎంపీ మల్లికార్జున్గౌడ్ను పాలమూరులో పోటీకి నిలబెట్టి.. ఆమె మెదక్లో పోటీ చేసి గెలిచారు. ఆ ఎన్నికల్లో రామేశ్వర్రావుపై మల్లికార్జున్ సంచలన విజయం సాధించారు. -
వస్తున్నాం.. లింగమయ్యా
అచ్చంపేట/అమ్రాబాద్: తెలంగాణ అమరనాథ్ యాత్రగా ప్రసిద్ధిగాంచిన సలేశ్వరం లింగమయ్య ఉత్సవాలు సోమవారం వైభవంగా ప్రారంభయ్యాయి. పున్నమికి ముందురోజు మదినిండా లింగమయ్యను స్మరించుకుంటూ వేలాది మంది భక్తులు నల్లమల బాటపట్టారు. ‘వస్తున్నాం.. లింగమయ్యా..’ అంటూ దట్టమైన అడవిలో లోయలు, గుట్టలు దాటుకుంటూ సాహస యాత్రలో ఉత్సాహంగా ముందుకు కదిలారు. గతంతో పోల్చితే సోమవారం భక్తుల తాకిడి పెద్దగా కనిపించలేదు. భగభగమండుతున్న ఎండల్లో పగటి వేళ ప్రయాణం చేయలేకపోవడం ఒకటైతే.. అటవీ శాఖ రాత్రివేళ భక్తులను అనుంతిచకపోవడం మరో కారణంగా చెప్పవచ్చు. మరోవైపు అటవీశాఖ ఐదురోజుల జాతరను మూడురోజులకు కుదించడం, రాత్రి సమయంలో భక్తులను అనుమతించకపోవడంతో సలేశ్వరం లింగమయ్యను దర్శించుకొనేందుకు భక్తులు పగలే బారులుతీరారు. చెంచు పూజారులు లింగమయ్యకు గిరిజన సంప్రదాయబద్ధంగా ప్రత్యేక పూజలు చేశారు. ఇరుకై న కొండ, కోనల్లో నడక సాగిస్తూ సలేశ్వరం జలపాతం వద్ద పర్యాటకులు స్నానాలు ఆచరించి.. లింగమయ్యను దర్శించుకొని తరించారు. బారులుతీరిన వాహనాలు ఫర్హాబాద్ నుంచి రాంపూర్ చెంచుపెంట వరకు వాహనాలు బారులుదీరాయి. మరోమార్గమైన అప్పాయిపల్లి– గిరిజన గుండాల వద్ద జన సందోహం నిండుగా కనిపించింది. రెండు తెలుగు రాష్ట్రాలతోపాటు కర్ణాటక, మహారాష్ట్రల నుంచి భక్తులు అధిక సంఖ్యలో తరలివచ్చారు. లోయలో పైనుంచి జాలువారుతున్న నీటి ధారలో యువకులు కేరింతలు కొడుతూ సేదతీరారు. లింగమయ్యను దర్శించుకునే క్రమంలో అలసిపోయిన భక్తులు పొంచి ఉన్న ప్రమాదాలను లెక్క చేయకుండా చెట్లు, పుట్టలు, గుట్టల నడుమ సేదతీరుతున్నారు. ఆలయం, జలపాతం వద్ద భక్తులకు ఎలాంటి ఇబ్బందులు, ప్రమాదాలు తలెత్తకుండా వలంటీర్లు సహకారం అందిస్తున్నారు. అన్నదానం.. తాగునీటి వసతి సలేశ్వరం వచ్చే భక్తుల కోసం మోకాళ్ల కురువ, అప్పాయిపల్లి మార్గంలోని గిరిజన గుండాల వద్ద స్వచ్ఛంద సంస్థలు, దాతలు ఏర్పాటు చేసిన అన్నదానం, చలివేంద్రాలు భక్తులను ఆదుకుంటున్నాయి. అల్పాహారం మొదలుకొని మధ్యాహ్నం, రాత్రి సమయంలో భోజనాలు, రాగి అంబలి, మజ్జిగ, తాగునీటి సౌకర్యాలు కల్పిస్తున్నారు. అలాగే ఆర్డబ్ల్యూఎస్ శాఖ ఆధ్వర్యంలో తాగునీటి ఏర్పాట్లు చేశారు. ఫర్హాబాద్ చెక్పోస్టు, పుల్లాయిపల్లి బేస్ క్యాంపు, రాంపూర్ పెంట, మోకాళ్ల కుర్వు (సలేశ్వరం), లింగాల మండలం అప్పాయిపల్లి, గిరిజన గుండాల వద్ద 5 వేల లీటర్ల వాటర్ ట్యాంకులు, చలివేంద్రాలు ఏర్పాటు చేశారు. అదేవిధంగా దాతలు ఏర్పాటు చేసిన ఉచిత భోజనశాలలతో పాటు 20 ట్యాంకర్లతో నీరు సరఫరా చేస్తున్నారు. మూడు రోజులపాటు తాగునీరు అందుబాటులో ఉండేలా చర్యలు తీసుకున్నట్లు డీఈ హేమలత తెలిపారు. నిరంతర పర్యవేక్షణ పోలీస్, అటవీ, ఆర్డబ్ల్యూఎస్, పంచాయతీ రాజ్ శాఖలు భక్తులకు ఎలాంటి ఇబ్బందులు కలగకుండా చర్యలు చేపట్టాయి. సీసీ, ట్రాప్ కెమెరాల ద్వారా అడవి మార్గంలో నిరంతర పర్యవేక్షణ చేసేలా ఏర్పాట్లు చేశారు. ఫర్హాబాద్– రాంపూర్– సలేశ్వరం క్షేత్రం వరకు పోలీసులు ప్రత్యేక బందోబస్తు కల్పిస్తున్నారు. డీఎస్పీ శ్రీనివాసులు ఆధ్వర్యంలో సీఐలు, ఎస్ఐలు బందోబస్తు పర్యవేక్షిస్తున్నారు. పుల్లాయిపల్లి వరకే బస్సులు సలేశ్వరం జాతరకు ఆర్టీసీ ప్రత్యేక బస్సులు నడిపిస్తోంది. అయితే పుల్లాయిపల్లి పెంట వరకు మాత్రమే బస్సులు వెళ్తున్నాయి. అక్కడి నుంచి మోకాళ్ల కురువ చేరుకునేందుకు 50 ఆటోలు అందుబాటులో ఉంచారు. రాంపూర్ వరకు ఉన్న రోడ్డు పరిస్థితి, వర్షం పడితే కలిగే ఇబ్బందులను దృష్టిలో ఉంచుకుని ఈసారి ముందుస్తుగా పుల్లాయిపల్లి వరకు బస్సులను అనుమతించారు. 20 నిమిషాలు ఒక బస్సు చొప్పున ప్రయాణికులకు వీలుగా నడిపిస్తున్నారు. సోమవారం అచ్చంపేట డిపో నుంచి 16, నాగర్కర్నూల్ 23, కొల్లాపూర్ 4, కల్వకుర్తి 4 బస్సుల చొప్పున మొదటి రోజు పుల్లాయిపల్లి వరకు బస్సులు నడిపించారు. వైభవంగా ప్రారంభమైన సలేశ్వరం ఉత్సవాలు మొదటిరోజు వేలాదిగా తరలివచ్చిన భక్తులు పగటిపూట అనుమతి, ఎండల తీవ్రతతో అవస్థల పాలు తెలంగాణ అమరనాథ్ సాహస యాత్రకు క్యూకట్టిన జనం నట్టడవిలో మార్మోగుతున్న లింగమయ్యనామస్మరణ -
జమ్మిచేడులో వాస్తవ పరిస్థితి ఇదీ..
జిల్లా కేంద్రానికి సుమారు 3 కిలోమీటర్ల దూరంలో ఉన్న జమ్మిచేడులో ఓ కల్లు దుకాణానికి ఆబ్కారీ శాఖ నుంచి లైసెన్స్ ఉంది. ఈసొసైటీలో సుమారు 180 నుంచి 200 మంది వరకు సభ్యులుగా ఉండగా.. కల్లు దుకాణాన్ని మార్కెట్ కమిటీ మాజీ చైర్మన్ నిర్వహించేవారు. ఈదుకాణం ద్వారా జమ్మిచేడుతో పాటు, జమ్ములమ్మ జాతరలో కూడా కల్లు విక్రయాలు కొనసాగుతుండేవి. రాష్ట్రంలో కాంగ్రెస్ ప్రభుత్వం వచ్చాక, అధికార పార్టీకి చెందిన కొందరి చూపు కల్లు దుకాణంపై పడింది. కల్లు దుకాణం ఏర్పాటు కోసం పోటీకి దిగారు. జమ్మిచేడులో అప్పటికే లైసెన్స్ ద్వారా కొనసాగుతున్న కల్లు దుకాణానికి పోటీగా ఎలాంటి అనుమతులు లేకుండా మరో కల్లుదుకాణం ఏర్పాటు చేశారు. అందులో ప్రధానంగా పాతపాలెం, గోన్పాడ్ గ్రామాలకు చెందిన అధికార పార్టీ ద్వితీయ శ్రేణి నాయకులు కీలకపాత్ర పోషించారనే ప్రచారం జోరుగా ఉంది. -
ముగిసిన బండారు ఉత్సవం
ధరూరులో మూడు రోజులుగా నిర్వహిస్తున్న బండారు మహోత్సవం సోమవారంతో ముగిసింది. మూడు రాష్ట్రాలకు చెందిన కురువ కులస్తుల్లోని ఆదిగొండ గోత్రం వారు బండారు మహోత్సవానికి పెద్దఎత్తున తరలిరావడంతో స్థానిక పెద్ద చెరువు జనసంద్రంగా మారింది. ముందుగా బీరలింగేశ్వర స్వామికి ప్రత్యేక పూజలు చేశారు. అనంతరం దేవుడి పట్టం కట్టడం, బండారు (పసుపు) చల్లడం వంటి కార్యక్రమాలు నిర్వహించారు. గద్వాల ఎమ్మెల్యే బండ్ల కృష్ణమోహన్రెడ్డి, కాంగ్రెస్ నాయకుడు బండ్ల చంద్రశేఖర్రెడ్డి హాజరై ప్రత్యేక పూజలు చేశారు. – ధరూరు
Pagination
Tuesdays and Fridays Movie: వెబ్ ఫ్లిక్స్.. మూడు షరతులు
Shankar-Ram Charan Movie: సరికొత్త పాత్రలో చెర్రీ
Chekc 1234 off the field
Test article qid_23456x4
రిటైర్మెంట్ ప్రకటించిన స్టార్ క్రికెటర్.. 17 ఏళ్ల కెరీర్కు గుడ్ బై
ఎవరేశారో తెలుసుకోకుండా దోశలు తినేయడమేనా!!
స్టోయినిష్ అరుదైన రికార్డు.. 17 ఏళ్ల ఐపీఎల్ చరిత్రలోనే తొలి క్రికెటర్గా
విశ్వసనీయత లేని ప్రతిపక్షాన్ని తిరస్కరించాలి!
అభివృద్ధి బటన్ నొక్కిన సీఎం జగన్
దిక్కుతోచని కుటుంబం దిశ మారింది..!
సారా.. నారా అండతో దోపిడీకి C/O సీఎం రమేష్
ఛాంపియన్ దేశం
Bullet List Block
- rabri devi: రబ్రీ దేవి ఇంటికి సీబీఐ బృందం
- Actress Sreeleela: శ్రీలీల బ్యూటిఫుల్ ఫొటోలు
- Sree Lakshmi Reddy: కలహాలు లేని కాపురం ఉండబోదు.. అంతమాత్రాన
- PR Sreejesh: ఆవును అమ్మి.. కొడుకు కలను సాకారం చేసి
- Bellamkonda Sreenivas: మరో సూపర్ హిట్ రీమేక్తో వస్తోన్న బెల్లంకొండ
- Andhra Pradesh SSC Exam 2021: పరీక్షల్లో ‘తెలుగు’ తప్పనిసరి
- Telangana Lok Sabha Election 2019