బీబీనగర్‌: హైదరాబాద్‌– వరంగల్‌ జాతీయ రహదారిపై గుర్తు తెలియని లారీ ఢీకొని ఓ మహిళ మృతి చెందింది. ఈ సంఘటన శుక్రవారం రాత్రి బీబీనగర్‌లో చోటుచేసుకుంది. ఎస్‌ఐ రమేష్‌ తెలిపిన వివరాల ప్రకారం.. వరంగల్‌ జిల్లాకు చెందిన ప్రశాంత్‌ తన భార్య రాధికతో కలిసి హైదరాబాద్‌లోని చర్లపల్లిలో నివాసముంటున్నారు. దంపతులిద్దరూ తమ ద్విచక్ర వాహనంపై భువనగిరి మండల పరిధిలో గల స్వర్ణగిరి క్షేత్రాన్ని సందర్శించేందుకు వచ్చారు. దర్శనం అనంతరం తిరిగి రాత్రి బైక్‌పై హైదరాబాద్‌కు వెళ్తుండగా బీబీనగర్‌లోని ఎస్‌బీఐ ఎదురుగా వెనుక నుంచి వస్తున్న గుర్తు తెలియని లారీవారిని ఢీకొట్టింది. దీంతో బైక్‌పై వెనుక కూర్చున్న రాధిక(23) అక్కడికక్కడే మృతి చెందింది. ప్రశాంత్‌కు తీవ్రగాయాలు కావడంతో భువనగిరి ఏరియా ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు.

భువనగిరి : భువనగిరి పార్లమెంట్‌ నియోజకవర్గ బీజేపీ ఎంపీ అభ్యర్థి డాక్టర్‌ బూర నర్సయ్యగౌడ్‌ శుక్రవారం నామినేషన్‌ దాఖలు చేశారు. ముందుగా భువనగిరి పట్టణంలోని నల్లగొండ చౌరస్తా సమీపంలో గల శ్రీ సీతారామాంజనేయ స్వామి ఆలయంలో నామినేషన్‌ పత్రాలతో పూజలు చేశారు. అనంతరం సమీపంలో ఉన్న ఛత్రపతి శివాజీ విగ్రహానికి పూలమాల వేసి నివాళులర్పించారు. ఆయన వెంట బీజేపీ జిల్లా అధ్యక్షుడు పాశం భాస్కర్‌, రాష్ట్ర కార్యవర్గ సభ్యుడు పడాల శ్రీనివాస్‌, కిసాన్‌ మోర్చా రాష్ట్ర ప్రధాన కార్యదర్శి పడమటి జగన్మోహన్‌రెడ్డి, పార్టీ పట్టణ అధ్యక్షుడు రత్నపురం పాల్గొన్నారు.

నల్లగొండ: లోక్‌సభ ఎన్నికల వ్యయ పరిశీలకుడిగా నల్లగొండ జిల్లాకు నియమితులైన కళ్యాణ్‌కుమార్‌దాస్‌ శుక్రవారం నల్లగొండలోని పార్లమెంట్‌ నియోజకవర్గ రిటర్నింగ్‌ అధికారి కార్యాలయానికి వచ్చారు. ఈ సందర్భంగా ఆయనకు కలెక్టర్‌, జిల్లా ఎన్నికల అధికారి దాసరి హరిచందన పుష్పగుచ్ఛం అందజేసి స్వాగతం పలికారు. అనంతరం వారు లోక్‌సభ ఎన్నికల నామినేషన్ల ప్రక్రియ, వివిధ రకాల ఫారాలు, డిపాజిట్‌ తదితర అంశాలపై చర్చించారు. వారివెంట అదనపు కలెక్టర్‌ శ్రీనివాస్‌ తదితరులు ఉన్నారు.

యాదగిరిగుట్ట : భువనగిరి పార్లమెంట్‌ నియోజకవర్గ బీఆర్‌ఎస్‌ పార్టీ అభ్యర్థి క్యామ మల్లేశ్‌ గెలుపు కోరుతూ ఆలేరు నియోజకవర్గంలో తిరిగే ఎన్నికల ప్రచార రథాలకు శుక్రవారం యాదాద్రీశుడి వైకుంఠద్వారం వద్ద మాజీ ఎమ్మెల్యే గొంగిడి సునీ తామహేందర్‌రెడ్డి పూజలు చేశారు. ఈ సందర్భంగా ఆమె మాట్లాడుతూ భువనగిరి ఎంపీ స్థానాన్ని బీఆర్‌ఎస్‌ కై వసం చేసుకుంటుందని ధీమా వ్యక్తం చేశారు. కార్యక్రమంలో మార్కెట్‌ కమిటీ మాజీ చైర్మన్‌ గడ్డమీది రవీందర్‌గౌడ్‌, పట్టణ జనరల్‌ సెక్రటరీ పాపట్ల నరహరి, కౌన్సిలర్‌ బూడిద సురేందర్‌, నాయకులు ఆరె యాదగిరిగౌడ్‌, మిట్ట వెంకటయ్యగౌడ్‌, సాయియాదవ్‌, భాస్కర్‌గౌడ్‌, ముక్కెర్ల సతీష్‌, యాకూబ్‌, కల్వకొలను సతీష్‌రాజ్‌, బండి వాసు, అంకం నర్సింహ తదితరులు పాల్గొన్నారు.

సాక్షి యాదాద్రి : జిల్లాలో వరుస దొంగతనాలకు పాల్పడుతున్న దొంగలను ఎట్టకేలకు పోలీసులు పట్టుకున్నారని సమాచారం. రెండు నెలలుగా యాదాద్రిభువనగరి జిల్లాలో 15కు పైగా చైన్‌స్నాచింగ్‌లు జరిగాయి. దీంతో ప్రజలకు కంటిమీద కునుకు లేకుండా చేస్తున్న దొంగలను పట్టుకోవడానికి పోలీసులు గట్టిగా నిఘా పెట్టారు. వలిగొండ మండలం సంగెంకు చెందిన ఇద్దరు యువకులు ఈ వరుస దొంగతనాలకు పాల్పడినట్టు తెలుస్తోంది. గుంటూరు జిల్లాకు చెందిన వీరు బతుకుదెరువు కోసం ఇక్కడికి వచ్చినట్లు తెలిసింది. డీసీసీ రాజేష్‌ చంద్ర ప్రత్యేక నిఘా ఏర్పాటు చేసి దొంగలను పట్టుకున్నట్లు సమాచారం.

చౌటుప్పల్‌, సంస్థాన్‌నారాయణపురం : ఎన్నికల్లో గెలవడానికి బీజేపీ అభ్యర్థి బూర నర్సయ్యగౌడ్‌ కులం, మతం సెంటిమెంట్‌ తీసుకువస్తున్నాడని, ఆయన ప్రయత్నాలు పని చేయవని మునుగోడు ఎమ్మెల్యే కోమటిరెడ్డి రాజగోపాల్‌రెడ్డి పేర్కొన్నారు. చౌటుప్పల్‌ పరిధిలోని తంగడపల్లి రోడ్డులో, సంస్థాన్‌నారాయణపురంలో ఎంపీ అభ్యర్థి చామల కిరణ్‌కుమార్‌రెడ్డితో కలిసి గురువారం ప్రచారం నిర్వహించారు. ఈ సందర్భంగా ఆయన మాట్లాడుతూ కులం పేరిట 2014లో ప్రజలు ఓటేశారని, ఇప్పుడు సిద్ధంగా లేరన్నారు. డాక్టర్‌గా బూర నర్సయ్యకు ఎంతో గౌరవం ఇస్తానని, ఆయనే తనౖపై ఇష్టానుసారంగా మాట్లాడుతున్నారని పేర్కొన్నారు. ఆగస్టు 15లోపు రుణమాఫీ చేస్తామన్నారు. కేసీఆర్‌ కొడుకు, అల్లుడూ జైలుకెళ్లక తప్పదు కేసీఆర్‌ కొడుకు, అల్లుడు కూడా జైలుకు పోతారని రాజగోపాల్‌రెడ్డి జోస్యం చెప్పారు. కారు పూర్తిగా చెడిపోయిందని,స్క్రాప్‌కు వెళ్లడమే మిగిలిందన్నారు. మునుగోడు ప్రజలకు నా జీవితం అంకితమని, ప్రాణత్యాగం చేయడానికై నా సిద్ధమన్నారు. అభ్యర్థి చామల కిరణ్‌కుమార్‌రెడ్డి మాట్లాడుతూ ఎంపీగా గెలిపిస్తే ఇక్కడి సమస్యలపై ఢిల్లీలో పోరాటం చేసి నిధులు తీసుకువస్తానన్నారు. అంతకుముందు చౌటుప్పల్‌లో వివిధ పార్టీల నుంచి కాంగ్రెస్‌లో చేరారు. చౌటుప్పల్‌ రోడ్‌ షోలో మున్సిపల్‌ చైర్మన్‌ వెన్‌రెడ్డి రాజు, ఎంపీపీ తాడూరి వెంకట్‌రెడ్డి, జెడ్పీటీసీ చిలుకూరి ప్రభాకర్‌రెడ్డి, డీసీసీబీ మాజీ డైరెక్టర్‌ పిల్లలమర్రి శ్రీనివాస్‌, బ్లాక్‌, మున్సిపల్‌, మండల కాంగ్రెస్‌ అధ్యక్షులు ఆకుల ఇంద్రసేనారెడ్డి, సుర్వి నర్సింహగౌడ్‌, బోయ దేవేందర్‌, నారాయణపురంలో సీపీఐ నల్లగొండ జిల్లా కార్యదర్శి నెలకంటి సత్యం, కాంగ్రెస్‌ నాయకుడు పున్న కై లాష్‌నేత, ఎంపీపీ గుత్త ఉమాదేవి, జెడ్పీటీసీ వీరమళ్ల భానుమతి, గుత్తా ప్రేమ్‌చందర్‌రెడ్డి, పార్టీ సంస్థాన్‌నారాయణపురం మండల ఆధ్యక్షుడు ఏపూరి సతీష్‌ తదితరులు పాల్గొన్నారు. ఫ కోమటిరెడ్డి రాజగోపాల్‌రెడ్డి

భువనగిరిటౌన్‌ : భానుడు నిప్పులు చెరుగుతున్నాడు. గురువారం ఒక ప్రాంతం అని లేకుండా జిల్లా అంతటా ఎండ తీవ్రత కనిపించింది. ఉదయం 11నుంచి సాయంత్రం ఆరు గంటల వరకు మూడొంతుల మండలాల్లో 42.30 నుంచి 45.5 డిగ్రీల ఉష్ణోగ్రతలు నమోదయ్యాయి. అత్యధికంగా అడ్డగూడూరులో 45.5, మోత్కూరు మండలం బుజిలాపురం 45.3, ఆత్మకూర్‌(ఎం), రామన్నపేట మండలం వెల్లంకిలో 45 డిగ్రీల ఎండ కాసింది. మిగతా ప్రాంతాల్లోనూ భానుడు ఠారెత్తించాడు. వేడిగాలులూ తోడవడంతో ప్రజలు విలవిల్లాడారు. అడ్డగూడూరు, మోత్కూరు, ఆత్మకూర్‌(ఎం) మండలాలను రెడ్‌ జోన్‌గా, మిగతా మండలాలను ఆరెంజ్‌ జోన్‌గా వాతావరణ శాఖ ప్రకటించింది. మధ్యాహ్న సమయంలో బయటకు రావద్దని హెచ్చరించింది.ఫ నిప్పులు కురిపిస్తున్న భానుడు ఫ వేడి గాలులకు జనం విలవిల ఉష్ణోగ్రతలు ఇలా.. మండలం ఉష్ణోగ్రత అడ్డగూడూరు 45.5 బుజిలాపురం 45.3 ఆత్మకూర్‌(ఎం) 45.0 వెల్లంకి 45.0 జనగాం 44.6 మోటకొండూరు 44.1 గుండాల 44.1 చౌటుప్పల్‌ 43.8

సాక్షి, యాదాద్రి : భువనగిరి లోకసభ నియోజకవర్గంలో బీజేపీ, కాంగ్రెస్‌ పార్టీల మధ్యనే పోటీ ఉంటుందని బీజేపీ అభ్యర్థి బూరనర్సయ్యగౌడ్‌ పేర్కొన్నారు. గురువారం భువనగిరిలోని వివేరా హోటల్‌లో ఏర్పాటు చేసిన విలేకర్ల సమావేశంలో ఆయన మాట్లాడారు. బీఆర్‌ఎస్‌ గల్లీలో లేదు, కాంగ్రెస్‌ ఢిల్లీలో లేదన్నారు. ఢిల్లీలో మోదీ ఉండాలంటే భువనగిరిలో బీజేపీని గెలిపించాలన్నారు. కాంగ్రెస్‌ అభ్యర్థి చామల కిరణ్‌కుమార్‌రెడ్డి తాను సీఎంకు దగ్గర, అన్నీ మీరే చూసుకోవాలని సొంత పార్టీ ఎమ్మెల్యేలను బ్లాక్‌మెయిల్‌ చేస్తున్నాడని ఆరోపించారు. 30 ఏళ్లుగా ప్రజలకు ఏం సేవ చేశాడో చెప్పాలని.. రాహుల్‌గాంధీ సంతకం ఫోర్జరీ చేయడం, క్యాసినోలు నడపడం, వ్యాపారాలు చేయడమే అయన పనా? అని ప్రశ్నించారు. ప్రజలకు ఏం చేస్తాడో ప్రచారంలో ఎక్కడా చెప్పడం లేదన్నారు. కోమటిరెడ్డి సోదరులను సీఎం రేవంత్‌రెడ్డి మునగచెట్టు ఎక్కించారని, ఒకరిని సీఎం, మరొకరిని హోంమంత్రి అంటూ మభ్యపెట్టారని పేర్కొన్నారు. భువనగిరి ఎంపీగా పని చేసిన కోమటిరెడ్డి రాజగోపాల్‌రెడ్డి ఏచిన్న ప్రాజెక్టు అయినా తెచ్చాడా అని ప్రశ్నించారు. తనను ఎంపీగా గెలిపిస్తే భువనగిరిని యోజకవర్గానికి రూ.9 వేల కోట్ల నిధులు తెచ్చానని గుర్తు చేశారు. దేశాన్ని అప్రతిష్టపాలు చేసింది కాంగ్రెస్సే : కాసం దేశాన్ని అప్రతిష్టపాలు చేసింది కాంగ్రెస్సేనని బీజేపీ రాష్ట్ర ప్రధాన కార్యదర్శి కాసం వెంకటేశ్వర్లు అన్నారు. ఎన్నికల తర్వాత తన పదవి పోతుందన్న భయంతో మోదీ, బీజేపీ, ఆర్‌ఎస్‌ఎస్‌లపై సీఎం రేవంత్‌రెడ్డి విమర్శలు చేస్తున్నారని మండిపడ్డారు. తెలంగాణలో కాంగ్రెస్‌ కంటే బీజేపీకి ఎక్కువ సీట్లు వస్తాయన్నారు. సమావేశంలో బీజేపీ జనగామ, యాదాద్రి జిల్లాల అధ్యక్షులు దేశమంత్‌రెడ్డి, పాశం భాస్కర్‌, నాయకులు చాడ సురేష్‌రెడ్డి, శ్రీరాం శ్రీనివాస్‌, పడాల శ్రీనివాస్‌, కడియం రామచంద్రయ్య, దయానంద్‌గౌడ్‌, మొగులయ్య, బందారపు లింగస్వామి, చందామహేంద్‌ర్‌ గుప్తా పాల్గొన్నారు.ఫ సొంత ఎమ్మెల్యేలను చామల బ్లాక్‌మెయిల్‌ చేస్తుండు ఫ కోమటిరెడ్డి సోదరులను మునగ చెట్టు ఎక్కించిన రేవంత్‌రెడ్డి ఫ బీజేపీ అభ్యర్థి బూర నర్సయ్యగౌడ్‌

సాక్షి,యాదాద్రి : ఎన్నికల్లో సెక్టార్‌ అధికారుల పాత్ర కీలకమని, పోలింగ్‌కు సంబంధించిన ప్రతి ప్రక్రియను పకడ్బందీగా నిర్వహించాలని జిల్లా ఎన్నికల అధికారి, కలెక్టర్‌ హనుమంత్‌ కే.జండగే సూచించారు. గురువారం కలెక్టరేట్‌లో సెక్టోరియల్‌ అధికారులకు పోలింగ్‌ కేంద్రాల్లో వసతులు, పోలింగ్‌ విధులపై పవర్‌ పాయింట్‌ ప్రెజెంటేషన్‌ ఇచ్చారు. భువనగిరి, ఆలేరు అసెంబ్లీ సెగ్మెంట్ల పరిధిలో 72 రూట్లకు 72 మంది సెక్టార్‌ అధికారులను నియమించామని, వీరంతా తమ పరిధిలోని రూట్‌ మ్యాపులపై అవగాహన కలిగి ఉండాలని పేర్కొన్నారు. గత ఎన్నికల్లో శాంతిభద్రతలు తలెత్తిన పోలింగ్‌ కేంద్రాల వద్ద ప్రత్యేక బందోబస్తు చర్యలు తీసుకోవాలని, వెబ్‌ క్యాస్టింగ్‌ చేయాలని కోరారు. పోల్‌ చిట్టీలు వంద శాతం పంపిణీ అయ్యేలా చూడాలని పేర్కొన్నారు. ఈవీఎంలలో సమస్య తలెతినట్లయితే ప్రత్యామ్నాయంగా అదనపు ఈవీఎంలు అందుబాటులో ఉంచాలని స్పష్టం చేశారు. పోలింగుకు 90 నిమిషాల ముందు మాక్‌ పోల్‌ నిర్వహించాలని, నిర్ణీత సమయానికి పోలింగ్‌ ప్రారంభమయ్యేలా చర్యలు తీసుకోవాలన్నారు. ఉదయం 7 గంటలకే డిస్ట్రిబ్యూషన్‌ సెంటర్లకు చేరుకోవాలని కోరారు. కార్యక్రమంలో అసిస్టెంట్‌ రిటర్నింగ్‌ అధికారులు గంగాధర్‌, అమరేందర్‌ పాల్గొన్నారు. ఫ జిల్లా ఎన్నికల అధికారి, కలెక్టర్‌ హనుమంతు కే.జెండగే

సాక్షి,యాదాద్రి : ఓటింగ్‌ శాతం పెంపునకు రాజకీయ పార్టీల ప్రతినిధులు అధికారులకు సహకరించాలని ఎన్నికల అధికారి, కలెక్టర్‌ హనుమంతు కే.జెండగే కోరారు. గురువారం కలెక్టరేట్‌లోని కాన్ఫరెన్స్‌ హాల్‌లో వారితో సమావేశం అయ్యారు. ఓటరు జాబితా, పోల్‌ చిట్టీల పంపిణీ, ఈవీఎంల ర్యాండమైజేషన్‌, పోస్టల్‌ బ్యాలెట్‌, హోం ఓటింగ్‌ తదితర విషయాలను వివరించారు. ఏడు అసెంబ్లీ సెగ్మెంట్లలో 18,80,585 మంది ఓటర్లు ఉన్నారని, అందుకు అనుగుణంగా 2,141 పోలింగ్‌ కేంద్రాలు ఏర్పాటు చేశామని తెలిపారు.ఇంటింటికీ పోల్‌ చిట్టీల పంపిణీ జరుగుతుందని, 8వ తేదీ లోగా పూర్తి చేయనున్నట్లు వెల్లడించారు. 4 తేదీన ఈవీఎంల రెండవ విడత ర్యాండమైజేషన్‌, 5న కమీషనింగ్‌ చేపట్టనున్నట్లు తెలిపారు. 13,213 మంది పోస్టల్‌ బ్యాలెట్‌ ద్వారా ఓటు వినియోగించుకోనున్నారని, 656 మంది సర్వీసు ఓటర్లు ఉన్నారని పేర్కొన్నారు. ఇబ్రహీంపట్నం నియోజకవర్గానికి సంబంధించి 3నుంచి 7వ తేదీ వరకు, మునుగోడు, భువనగిరి 4నుంచి 7, నకిరేకల్‌ 3నుంచి 8, తుంగతుర్తి 4నుంచి 6, ఆలేరు 3 నుంచి 4, జనగామ సంబంధించి 3 నుంచి 5 వ తేదీ వరకు హోం ఓటింగ్‌ నిర్వహించనున్నట్లు వెల్లడించారు. మే 13న పోలింగ్‌ సమయం గంట పాటు పొడిగిస్తూ ఎన్నికల కమిషన్‌ ఉత్తర్వులు జారీ చేసిందని చెప్పారు. ఉదయం 7నుంచి సాయంత్రం 6 గంటల వరకు పోలింగ్‌ కొనసాగుతుందన్నారు. సమావేశంలో అదనపు కలెక్టర్‌ బెన్‌షాలోమ్‌ తదితరులు పాల్గొన్నారు.