రేపల్లె రూరల్‌: రేపల్లెలో ఫ్యాన్‌ గాలి ముందే వీచింది. రాజ్యసభ సభ్యుడు మోపిదేవి వెంకట రమణారావు మద్దతుతో వైఎస్సార్‌ సీపీ నియోజకవర్గ అభ్యర్థిగా డాక్టర్‌ ఈవూరు గణేష్‌ సోమవారం నాయకులు, కార్యకర్తలు, అభిమానుల కేరింతల మధ్య నామినేషన్‌ వేశారు. నాయకులు, కార్యకర్తలు, అభిమానుల ఆధ్వర్యంలో నిర్వహించిన ర్యాలీలో వైఎస్సార్‌ సీపీ జెండాలు రెపరెపలాడాయి. జైజై జగనన్న... జైజై మోపిదేవి.. జైజై గణేష్‌ల అంటూ అభిమాన గళంతో రేపల్లె పట్టణం హోరెత్తింది. నియోజకవర్గంలోని రేపల్లె, రేపల్లె రూరల్‌, నగరం, నిజాంపట్నం, చెరుకుపల్లి మండలాల నుంచి వచ్చిన ప్రజలతో రేపల్లె పట్టణం కిక్కిరిసిపోయింది. తొలుత పట్టణంలోని వైఎస్సార్‌ సీపీ కార్యాలయం నుంచి నామినేషన్‌ దాఖలుకు రాజ్యసభ సభ్యుడు మోపిదేవి వెంకటరమణారావు, అభ్యర్థి డాక్టర్‌ గణేష్‌ బయలుదేరారు. బస్టాండ్‌ సెంటర్‌, రాజ్యలక్ష్మి థియేటర్‌, పద్మావతి థియేటర్ల మీదుగా నెహ్రూ బొమ్మ సెంటర్‌, అంబేడ్కర్‌ విగ్రహం సెంటర్‌ల మీదుగా ఆర్డీవో కార్యాలయానికి చేరుకున్నారు. అడుగడుగునా ఎంపీ మోపిదేవికి, అభ్యర్థి గణేష్‌కు ప్రజలు నీరాజనాలు పలికారు. అనంతరం డాక్టర్‌ గణేష్‌ ఆర్డీవో కార్యాలయంలో ఎన్నికల రిటర్నింగ్‌ అధికారి, ఆర్డీవో హెలా షారోన్‌కు నామినేషన్‌ పత్రాల్ని అందజేశారు. తొలుత తాలూకా సెంటరులోని అంబేడ్కర్‌ విగ్రహానికి పూలమాలలు వేసి నివాళులర్పించారు. రేపల్లెలో వైఎస్సార్‌ సీపీ విజయం ఖాయం: గణేష్‌ ముఖ్యమంత్రి వైఎస్‌ జగన్‌మోహన్‌రెడ్డి సారథ్యంలో ఎంపీ మోపిదేవి వెంకటరమణారావు సహకారంతో రేపల్లె నియోజకవర్గంలో వెఎస్సార్‌ సీపీ విజయం ఖాయమని డాక్టర్‌ ఈవూరు గణేష్‌ ధీమా వ్యక్తం చేశారు. ఆర్డీవో కార్యాలయంలో నామినేషన్‌ పత్రాలు అందజేసిన అనంతరం ఆయన విలేకర్లతో మాట్లాడారు. రేపల్లె గడ్డపై వైఎస్సార్‌ సీపీ విజయ ఢంకా మోగించడం తథ్యమని తెలిపారు. బాపట్ల పార్లమెంటరీ అభ్యర్థిగా నందిగం సురేష్‌, రేపల్లె అసెంబ్లీ అభ్యర్థిగా తనను అఖండ మెజార్టీతో గెలిపించి జగనన్నకు రేపల్లె అసెంబ్లీని కానుకగా అందించాలని కోరారు. రానున్నది వైఎస్సార్‌ సీపీ ప్రజా ప్రభుత్వమే అభివృద్ధి, సంక్షేమాన్ని చూసి ప్రజలు మరోమారు ముఖ్యమంత్రిగా జగనన్న నాయకత్వానికి పట్టం కట్టేందుకు సిద్ధంగా ఉన్నారని రాజ్యసభ సభ్యుడు, వైఎస్సార్‌ సీపీ బాపట్ల జిల్లా అధ్యక్షుడు మోపిదేవి వెంకట రమణారావు అన్నారు. వైఎస్సార్‌ సీపీ నియోజకవర్గ అభ్యర్ధి డాక్టర్‌ ఈవూరు గణేష్‌ నామినేషన్‌ దాఖలు సందర్భంగా సోమవారం విచ్చేసిన అశేష జనవాహినితో తాలూకా సెంటరులో మోపిదేవి మాట్లాడారు. కులరాజకీయాలను వీడి అభివృద్ధి సంక్షేమానికే పట్టం కట్టాలని ఓటర్లను కోరారు. కార్యక్రమంలో బాపట్ల అర్బన్‌ డెవలప్‌మెంట్‌ అథారిటీ చైర్మన్‌ దేవినేని మల్లికార్జునరావు, వైఎస్సార్‌ సీపీ నియోజకవర్గ ఎన్నికల పరిశీలకులు అడపా శేషు, గాదె మధుసూదన్‌రెడ్డి, మున్సిపల్‌ చైర్‌పర్సన్‌ కట్టా మంగ, రేపల్లె, రేపల్లె రూరల్‌, నిజాంపట్నం, చెరుకుపల్లి మండలాల వైఎస్సార్‌ సీపీ కన్వీనర్లు గడ్డం రాధాకృష్ణమూర్తి, గాదె వెంకయ్యబాబు, వీరంకి ముక్తేశ్వరరావు, పయనం ఏడుకొండలు రెడ్డి, ఎంపీపీలు చింతల శ్రీకృష్ణయ్య, మత్తి దివాకర రత్నప్రసాద్‌, మోపిదేవి విజయ నిర్మల హరనాథ్‌బాబు పాల్గొన్నారు. రేపల్లెలో అట్టహాసంగా డాక్టర్‌ గణేష్‌ నామినేషన్‌ దాఖలు అశేష జనవాహినితో తిరునాళ్లను తలపించిన కార్యక్రమం జన సంద్రమైన పట్టణ రహదారులు

అద్దంకి: ఈసారి ఎట్టి పరిస్థితుల్లోనూ అద్దంకిలో వైఎస్సార్‌ సీపీ జెండా ఎగురవేస్తామని ఆ పార్టీ బాపట్ల ఎంపీ అభ్యర్థి నందిగం సురేష్‌, అద్దంకి అసెంబ్లీ అభ్యర్థి పానెం చిన హనిమిరెడ్డి పేర్కొన్నారు. సోమవారం అసెంబ్లీ అభ్యర్థి పానెం చిన హనిమిరెడ్డి నామినేషన్‌ వేశారు. ఈ సందర్భంగా ఎంపీ అభ్యర్థి సురేష్‌ మాట్లాడుతూ అద్దంకికి హనిమిరెడ్డి లాంటి మంచి వ్యక్తి వైఎస్సార్‌ సీపీ ఎమ్మెల్యే అభ్యర్థిగా దొరికాడని తెలిపారు. ఆయన్ను గెలిపించుకుంటే నియోజకవర్గాన్ని మరింతగా అభివృద్ధి చేస్తారని చెప్పారు. హనిమిరెడ్డి మాట్లాడుతూ నామినేషన్‌కు స్వచ్ఛందంగా హాజరైన నాయకులు, కార్యకర్తలను చూసి ప్రత్యర్థి గుండెల్లో రైళ్లు పరుగెత్తడం ఖాయమని పేర్కొన్నారు. ఈ అభిమానాన్ని బట్టి ఈసారి అద్దంకిలో భారీ మెజార్టీ సాధిస్తుందని ధీమా వ్యక్తం చేశారు. కార్యక్రమంలో స్థానిక నాయకులు, వివిధ హోదాల్లో ఉన్న నాయకులు, ఐదు మండలాలకు చెందిన నాయకులు కార్యకర్తలు అభిమానులు పాల్గొన్నారు. ఉప్పొంగిన అభిమానం తరంగం అభిమాన తరంగం ఎగసిందా అన్నట్లు ప్రజలు స్వచ్ఛందంగా నామినేషన్‌కు తరలివచ్చారు. భారీ గజమాలతో అభిమాన నేతల్ని సత్కరించారు. నియోజకవర్గంలోని ఐదు మండలాల్లోని నాయకులు, కార్యకర్తలు ఉదయం 10 గంటలకే అద్దంకి భవానీ సెంటర్‌కు చేరుకున్నారు. మోటార్‌ బైకులపై భారీ ర్యాలీ నిర్వహించారు. ఎండను సైతం లెక్కచేయకుండా డ్యాన్స్‌లు చేశారు. నామినేషన్‌కి వచ్చిన జనాన్ని చూస్తే ఈసారి వైఎస్సార్‌ సీపీ భారీ మెజార్టీతో గెలుపొందడం ఖాయమని తెలుస్తోంది. తెలుగుదేశం పార్టీ నాయకుల గుండెల్లో రైళ్లు పరిగెత్తడం ఖాయమని రాజకీయ విశ్లేషకులు భావిస్తున్నారు. అట్టహాసంగా ర్యాలీ శింగరకొండలో తొలుత చిన హనిమిరెడ్డి ప్రత్యేక పూజలు నిర్వహించారు. అనంతరం అట్టహాసంగా పార్టీ కార్యాలయం నుంచి ర్యాలీగా అంబేడ్కర్‌ విగ్రహం వరకు తరలి వెళ్లారు. తరువాత తహసీల్దార్‌ కార్యాలయంలో రిటర్నింగ్‌ అధికారికి నామినేషన్‌ను అందజేశారు. కార్యక్రమంలో నియోజకవర్గ పరిశీలకుడు మారం వెంకారెడ్డి, ఏఎంసీ మాజీ చైర్మన్‌ వై.వి. భద్రారెడ్డి పాల్గొన్నారు. ఇతర రాష్ట్రాలలో ఉంటూ అతిథిగా నియోజకవర్గానికి వచ్చి ప్రలోభాలకు గురిచేసే వ్యక్తుల్ని నమ్మరాదని సూచించారు. నిజాంపట్నానికి వాన్‌పిక్‌ ప్రాజెక్ట్‌ వస్తే తీరప్రాంతంలోని వేలాది మంది యువతకు ఉపాధి అవకాశాలు మెండుగా లభించేవని తెలిపారు. విషపు రాజకీయాలతో వాన్‌పిక్‌ ప్రాజెక్ట్‌ను అడ్డుకున్నది చంద్రబాబేనని, నేడు అది వస్తే ఉద్యోగాలు వచ్చేవంటూ మొసలి కన్నీరు కార్చుతున్నాడని ధ్వజమెత్తారు. ఆ నాడు కేంద్రంలోని సోనియాగాంధీ కాళ్లుపట్టుకుని వాన్‌పిక్‌ ప్రాజెక్ట్‌ను అడ్డుకోవటంతో పాటు జగన్‌మోహన్‌రెడ్డితో పాటు తనపై అక్రమ కేసులు పెట్టిన ప్రధాన కారకరుడు చంద్రబాబేనని ఆరోపించారు. రంగా హత్యలో ప్రధాన కారకుడైన చంద్రబాబు పంచన పవన్‌ కల్యాణ్‌ చేరి కాపుల ఆత్మగౌరవాన్ని తాకట్టు పెట్టాడని తెలిపారు. కాపులకు ఆది నుంచి రాజకీయ అవకాశాలు, అండదండలు కల్పించింది ఆ నాడు దివంగత ముఖ్యమంత్రి రాజశేఖరరెడ్డి అయితే, నేడు జగన్‌మోహన్‌రెడ్డి సముచిత స్థానం కల్పించారని వివరించారు. గతంలో దివంగత నేత వైఎస్సార్‌ ముస్లింలకు కల్పించిన మూడు శాతం రిజర్వేషన్‌ను తమ కూటమి అధికారంలోకి వస్తే రద్దు చేస్తామని బీజేపీ రాష్ట్ర అధ్యక్షురాలు పురందేశ్వరి ప్రసంగించటాన్ని ముస్లింలు గమనిస్తూనే ఉన్నారన్నారు. అధికారం కోసమే అపవిత్ర కలయికతో ఎన్నికలకు సిద్ధమైన కూటమి నేతల్ని చిత్తుచిత్తుగా ఓడించాలని పిలుపునిచ్చారు. గతంలో ఎన్నడూ లేనివిధంగా రూ.800కోట్లకుపైగా నిధులతో నియోజకవర్గ రూపురేఖలతో పాటు పట్టణ రూపురేఖలు మార్చింది తమ ప్రభుత్వమేనని పేర్కొన్నారు. అద్దంకిలో అట్టహాసంగా హనిమిరెడ్డి నామినేషన్‌ తరలివచ్చిన అశేష ప్రజలు తొలుత శింగరకొండలో ప్రత్యేక పూజలు పాల్గొన్న ఎంపీ అభ్యర్థి నందిగం సురేష్‌, ఏఎంసీ మాజీ చైర్మన్‌ భద్రారెడ్డి, నియోజకవర్గ పరిశీలకుడు వెంకారెడ్డి ఎమ్మెల్యే అభ్యర్థి పానెం చిన హనిమిరెడ్డి సోమవారం ఆస్తులను ప్రకటించారు. అఫిడవిట్‌లో చూపిన వివరాల ప్రకారం ఆయనది పల్నాడు జిల్లా క్రోసూరు మండలం దొడ్లేరు గ్రామం. తిరుపతిలోని శ్రీ వెంకటేశ్వర యూనిర్సిటీలో ఎంబీఏ చదివారు. ఆయనకు చరాస్తులు రూ.9,61,49,916, భార్యకు రూ.35,57,436 ఉన్నాయి. స్థిరాస్తులు రూ.9,56,77,000 ఉన్నట్లు చూపించారు. దీంతో పాటు వ్యవసాయ, వ్యవసాయేతర భూములు, రెసిడెన్షియల్‌ భవనాల వివరాలు, వాటి విలువ పొందుపరిచారు.

లబ్బీపేట(విజయవాడతూర్పు): గుంటూరు జిల్లా పెనుమాకలోని వైష్ణవ మహా దివ్య క్షేత్రం ప్రాంగణంలో మంగళవారం నుంచి ఏడాది పాటు (365 రోజులు) అఖండ హనుమాన్‌ చాలీసా పారాయణ కార్యక్రమం అత్యంత వైభవంగా నిర్వహించనున్నట్లు క్షేత్రం కార్యదర్శి దూపుగుంట్ల శ్రీనివాసరావు తెలిపారు. లోక కళ్యాణార్థం నిర్వహించే ఈ కార్యక్రమంలో భక్తులు పెద్దఎత్తున పాల్గొనాలని ఆయన కోరారు. విజయవాడ ఎంజీ రోడ్డులోని ఓ హోటల్‌లో సోమవారం నిర్వహించిన మీడియా సమావేశంలో ఆ కార్యక్రమానికి సంబంధించిన పోస్టర్లు ఆవిష్కరించారు. ఈ సందర్భంగా ఆలయ చైర్మన్‌ మాజేటి వెంకట దుర్గాప్రసాద్‌, దూపుగుంట్ల శ్రీనివాసరావు మాట్లాడుతూ ఈ నెల 23 చైత్రమాస పౌర్ణమి నుంచి 365 రోజుల పాటు తమ దివ్యక్షేత్ర ప్రాంగణంలో హనుమాన్‌ చాలీసా పారాయణం జరుగుతుందన్నారు. తొలిరోజు ఉదయం 7 గంటలకు హనుమత్‌ వైభవ శోభాయాత్ర కనుల పండుగగా నిర్వహిస్తామని చెప్పారు. భక్తులు పెద్దఎత్తున పాల్గొని స్వామివారి దివ్య ఆశీస్సులు పొందాలని కోరారు. శ్రీ హనుమత్‌ విగ్రహ స్థాపన, 8.30కు హనుమత్‌ ఇష్టి ఉంటుందని తెలిపారు. వైష్ణవ మహా దివ్య క్షేత్రంలో ప్రథమంగా నిర్వహిస్తున్నామని వెల్లడించారు. కార్యసిద్ది హనుమాన్‌ మందిర నిర్వహణ కమిటీ చైర్మన్‌ తాడికొండ శ్రీనివాసరావు, ఘట్టా ధనప్రసాదరావు, ఉమామహేశ్వరగుప్తా, సూర్యప్రకాశరావు, మురళీరావు, భావన్నారాయణ పాల్గొన్నారు.

ఎన్నికల క్రతువులో ప్రధాన ఘట్టమైన నామినేషన్ల ప్రక్రియ జిల్లాలో సందడిగా సాగుతోంది. సోమవారం అధికార వైఎస్సార్‌ సీపీ అభ్యర్థులు ఇద్దరు నామినేషన్లు వేశారు. ఈ సందర్భంగా నిర్వహించిన ర్యాలీలకు ప్రజాభిమానం వెల్లువెత్తింది. తరలివచ్చిన అశేష జనవాహినితో వైఎస్సార్‌ సీపీ గెలుపు ఖాయమని స్పష్టమైంది. జిల్లాలోని రేపల్లె నియోజకవర్గ వైఎస్సార్‌ సీపీ అసెంబ్లీ అభ్యర్థిగా డాక్టర్‌ ఈపూరు గణేష్‌, అద్దంకి అసెంబ్లీ అభ్యర్థిగా పానెం చిన హనిమిరెడ్డి నామినేషన్లు దాఖలు చేశారు. చీరాల వైఎస్సార్‌ అభ్యర్థి కరణం వెంకటేష్‌ మొదటి సెట్‌ వేశారు.

బాపట్ల టౌన్‌: రాష్ట్ర ప్రభుత్వం సోమవారం విడుదల చేసిన పదో తరగతి పరీక్షల ఫలితాల్లో ప్రభుత్వ స్కూళ్ల విద్యార్థులు సత్తా చాట్టారు. కార్పొరేటుకు దీటుగా పోటీపడ్డారు. జిల్లాలో 336 పాఠశాలల ఉండగా ఆయా పాఠశాలల నుంచి 8497 మంది బాలురు, 8221 మంది బాలికలు కలిపి మొత్తం 16718 పరీక్షలు రాశారు. ఇందులో 7335 మంది బాలురు, 7408 మంది బాలికలు కలిసి మొత్తం 14743 మంది ఉత్తీర్ణత సాధించారు. బాలురు 86.32 శాతం, బాలికలు 90.01 శాతం ఉత్తీర్ణత సాధించారు. జిల్లా వ్యాప్తంగా మొత్తం 88.19 శాతం ఉత్తీర్ణత నమోదైంది. బాపట్ల పట్టణంలోని శ్రీచైతన్య పాఠశాలకు చెందిన షేక్‌ రెహాన్‌ హఫీజ్‌ 595/600 మార్కులు సాధించి జిల్లా ప్రథమ స్థానంలో, పర్చూరులోని ఆక్స్‌ఫర్డ్‌ హైస్కూల్‌కు చెందిన ఒగ్గిశెట్టి ఆక్షయ 594 మార్కులు సాధించి ద్వితీయ స్థానంలో, అద్దంకి హోలిఫెయిత్‌ స్కూల్‌కు చెందిన గాలి యశ్వంత్‌ 593 మార్కులు సాధించి తృతీయ స్థానంలో నిలిచారు. 590 మార్కులుపైగా 30 మంది జిల్లాలో 590 మార్కులు పైగా 30 మంది విద్యార్థులు సాధించారు. వారిలో తొమ్మిది మంది బాలురు ఉండగా, 21 మంది బాలికలే ఉన్నారు. వారిలో బాపట్లకు చెందిన మువ్వల సాయి విష్ణుశశాంక్‌ (593, శ్రీచైతన్య, బాపట్ల), కె. నిఖిత (593, శ్రీచైతన్య, చీరాల), ఎం. శ్రీముఖి(593, డ్రీమ్స్‌ హైస్కూల్‌, పోసపాడు), ఎం. శైలేశ్వరి (592, ఎంఎంఆర్‌ హైస్కూల్‌, ఇంకొల్లు), గుంటూరు వెంకటరామ నాగలక్ష్మి (592,డ్రీమ్స్‌ హస్కూల్‌, పోసపాడు), అక్కల భానుతేజరెడ్డి (592, భాష్యం, అద్దంకి), గవిని శివకుమారి (592, శ్రీచైతన్య, బాపట్ల), షేక్‌ తోహిత్‌ హుస్సేన్‌ (592, అక్షర్‌ విద్యాభవన్‌, బాపట్ల), బుర్ల నాగభువనేశ్వరి (592, శ్రీచైతన్య చీరాల), షేక్‌ నాగూర్‌వలి (591, జడ్పీ హైస్కూల్‌, వల్లపర్ల), వి. హిమజశ్రీ (591, విజ్ఞాన్‌ భారతి, చీరాల), ఎన్‌. నిఖిత (591, ఆక్స్‌ఫర్డ్‌ హైస్కూల్‌, పర్చూరు), కె. వెంకటసాయి విద్యశ్రీ (591, శ్రీచైతన్య, అద్దంకి), షేక్‌ ఫరీద్‌నిదా (591, శ్రీచైతన్య, బాపట్ల), చేబ్రోలు విజయ్‌ (591, రవీంద్రభారతి, బాపట్ల), పులుగు యశ్వంత్‌ (591, విజ్ఞానభారతి, చీరాల), కారంకి తనూజ (591, శ్రీచైతన్య, చీరాల), బి. నందిని (591, బాలయేసు స్కూల్‌, నగరం), శ్యామల తనూజ (590, ఎస్‌ఎఫ్‌ఎస్‌, స్కూల్‌, నాగులపాలెం), కోళ్లపూడి శ్రీహర్షిత (590, ఆక్స్‌ఫర్‌, పర్చూరు), పాలశెట్టి అక్షయశ్రీ (590, లిటిల్‌ ఏంజెల్స్‌, బాపట్ల), పఠాన్‌ షాలేహా (590, సందీప్‌ స్కూల్‌, చీరాల), పి. సాయి హర్షితారెడ్డి (590, చీరాల), డి. కుందన (590, డ్రీమ్స్‌ హైస్కూల్‌, ఇంకొల్లు), తాతా మహేష్‌బాబు (590, డ్రీమ్స్‌ హైస్కూల్‌, ఇంకొల్లు), పి. శ్రీవర్షిణి (590, రాయల్‌ హైస్కూల్‌, మార్చూరు), వి. నందిని (590, శ్రీచైతన్య, మార్టూరు) 61 పాఠశాలల్లో 100 శాతం ఉత్తీర్ణత జిల్లాలో మొత్తం 336 పాఠశాలలు ఉండగా వాటిల్లో 61 పాఠశాలల్లో నూరు శాతం ఉత్తీర్ణత సాధించాయి. వాటిల్లో జిల్లా పరిషత్‌ 19, ప్రైవేటు 37, గురుకుల పాఠశాల 1, ఏపీ ట్రైబల్‌ వెల్ఫేర్‌ 1, ఎయిడెడ్‌ 3 పాఠశాలలు ఉన్నాయి. టెన్త్‌లో 88.19 శాతం ఉత్తీర్ణత 61 పాఠశాలల్లో 100 శాతం 590 పైగా మార్కులు సాధించిన విద్యార్థులు 30 మంది ఇందులో తొమ్మిది మంది బాలురు, 21 మంది బాలికలు కార్పొరేట్‌ పాఠశాలకు దీటుగా మార్కులు సాధించిన ప్రభుత్వ పాఠశాలల విద్యార్థులు

సాక్షి, నరసరావుపేట: ఎన్నికల ప్రచారంలో భాగంగా సీఎం వైఎస్‌ జగన్‌మోహన్‌రెడ్డి శుక్రవారం పల్నాడు జిల్లా పెదకూరపాడు నియోజకవర్గంలోని క్రోసూరు రానున్నారు. పట్టణంలోని ప్రధాన రహదారి (తహసీల్దార్‌ కార్యాలయం వెళ్లే రోడ్డు)లో మధ్యాహ్నం 12 గంటలకు నిర్వహించే బహిరంగసభలో వైఎస్సార్‌ సీపీ శ్రేణులు, అభిమానులు, ప్రజలనుద్దేశించి ప్రసంగించనున్నారు. జిల్లాలో ఇటీవల నిర్వహించిన మేమంతా సిద్ధం బస్సు యాత్ర విజయవంతమైన రీతిలోనే క్రోసూరు సభను సక్సెస్‌ చేసేందుకు పార్టీ శ్రేణులు ఏర్పాట్లు చేస్తున్నారు. ఎన్నికల ముంగిట ముఖ్యమంత్రి జిల్లాలో జరపనున్న పర్యటన వైఎస్సార్‌సీపీ అభిమానుల్లో జోష్‌ నింపనున్నది. మరింత ఉత్సాహంతో పనిచేసేందుకు సమాయత్తం కానున్నారు. ఏర్పాట్లు పరిశీలించిన తలశిల రఘురాం వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి బహిరంగసభ ఏర్పాట్లను గురువారం సీఎం ప్రోగ్రాం కో ఆర్డినేటర్‌, ఎమ్మెల్సీ తలశిల రఘురాం పర్యవేక్షించారు. ఆయనతోపాటు స్థానిక ఎమ్మెల్యే నంబూరు శంకరరావు, యువ నాయకులు నంబూరు కళ్యాణ్‌ చక్రవర్తి క్రోసూరు జిల్లా పరిషత్‌ హైస్కూల్‌లో సీఎం హెలీప్యాడ్‌కు అనువైన స్థలంగా గుర్తించి, తీసుకోవాల్సిన చర్యలపై సిబ్బందికి పలు సూచనలు చేశారు. అనంతరం క్రోసూరు మెయిన్‌ రోడ్డు నుంచి తహసీల్దార్‌ కార్యాలయం వెళ్లే రోడ్డులో బహిరంగసభ జరిగే ప్రాంతాన్ని పరిశీలించారు. కట్టుదిట్ట భద్రత సీఎం పర్యటన నేపథ్యంలో జిల్లా పోలీసులు కట్టుదిట్టభద్రతా ఏర్పాట్లు చేస్తున్నారు. జిల్లా ఎస్పీ బిందుమాధవ్‌ సీఎం హెలీప్యాడ్‌ ఏర్పాటుచేసిన గ్రౌండ్‌, బహిరంగసభ జరిగే ప్రాంతాలను పరిశీలించారు. బారికేడ్లు ఏర్పాటు తదితర విషయాలపై సిబ్బందికి సూచనలు చేశారు. హెలీప్యాడ్‌ నుంచి సభ వరకు సీఎం కాన్వాయ్‌ వెళ్లే మార్గంలో పట్టిష్ట బందోబస్తు చేయనున్నారు. మెయిన్‌ రోడ్డుకు ఇరువైపులా భారీ భవంతులను ఇప్పటికే పోలీసులు తమ ఆధీనంలోకి తీసుకుని భద్రతను పర్యవేక్షిస్తున్నారు. ట్రాఫిక్‌ సమస్య తలెత్తకుండా ఎస్పీ పోలీసు సిబ్బందికి సూచనలు చేశారు. జిల్లా అడిషనల్‌ ఎస్పీలు రాఘవేంద్ర, లక్ష్మీపతి, రామచంద్రరాజు పాల్గొన్నారు. మధ్యాహ్నం 12 గంటలకు బహిరంగ సభ వైఎస్సార్‌సీపీ అభిమానుల జోష్‌ ఏర్పాట్లను పరిశీలించిన సీఎం ప్రోగ్రాం కోఆర్టినేటర్‌ తలశిల రఘురాం, ఎమ్మెల్యే నంబూరు శంకరరావు

చీరాల టౌన్‌: ‘మరో పది రోజుల్లో జరగనున్న సార్వత్రిక ఎన్నికల్లో ప్రణాళికాబద్ధంగా పనిచేసి, అధిక శాతం పోలింగ్‌ చేయించేలా కృషి చేయండి.. ఎలాంటి ఒత్తిడికి లోను కావద్దు.. విజయం మనదే’నంటూ రాజ్యసభ సభ్యుడు, పార్టీ రీజినల్‌ కోఆర్డినేటర్‌ ఆళ్ల అయోధ్య రామిరెడ్డి సూచించారు. మండలంలోని రామకృష్ణాపురంలోని ఎమ్మెల్యే క్యాంపు కార్యాలయంలో గురువారం చీరాల ఎమ్మెల్యే కరణం బలరామకృష్ణమూర్తి, అసెంబ్లీ అభ్యర్థి కరణం వెంకటేష్‌లను ఆయన మర్యాదపూర్వకంగా కలిశారు. చీరాల నియోజకవర్గంలో పార్టీ పరిస్థితులు, ఎన్నికల్లో తీసుకుంటున్న ప్రణాళికలు, పలు అంశాలపై ఎంపీ అయోధ్య రామిరెడ్డి చర్చించారు. నియోజకవర్గంలోని చీరాల, వేటపాలెం మండలాలతో పాటు చీరాల మున్సిపాలిటీలో గత ఐదేళ్లుగా వైఎస్సార్‌ సీపీ ప్రభుత్వం పలు అభివృద్ధి పనులు చేసిందని తెలిపారు. అర్హులైన ప్రతి ఒక్కరికీ సీఎం జగన్‌మోహన్‌రెడ్డి సంక్షేమ పథకాలు అందించినట్లు చెప్పారు. ప్రతి ఓటర్‌ను కలిసి, మంచి చేసిన జగనన్నకు అండగా నిలవాలని ఓట్లు అభ్యర్థించాలని సూచించారు. ఓటర్లంతా ఫ్యాన్‌ గుర్తుపై ఓట్లు వేసేలా ప్రచారం చేయాలని చెప్పారు. పార్టీ కార్యకర్తలంతా సమర్థంగా పని చేసి, చీరాల్లో వైఎస్సార్‌ సీపీ జెండా ఎగరేయాలని ఆయన పిలుపునిచ్చారు. కరణం వెంకటేష్‌ ఎమ్మెల్యేగా విజయం సాధించడంతో పాటుగా సీఎంగా మళ్లీ జగన్‌ మోహన్‌రెడ్డి అధికారం చేపట్టనున్నారని ఆయన ధీమా వ్యక్తం చేశారు. కార్యక్రమంలో మాజీ ఎంపీ మోదుగుల వేణుగోపాలరెడ్డి, అద్దంకి అసెంబ్లీ అభ్యర్థి పానెం చినహనిమిరెడ్డి, పార్టీ నాయకులు, కార్యకర్తలు పాల్గొన్నారు. వైఎస్సార్‌ సీపీ అభ్యర్థి కరణంతో రీజినల్‌ కోఆర్డినేటర్‌, ఎంపీ ఆళ్ల అయోధ్య రామిరెడ్డి

జే.పంగులూరు: సార్వత్రిక ఎన్నికల్లో వైఎస్సార్‌ సీపీ ప్రభంజనం ఖాయమని అద్దంకి వైఎస్సార్‌ సీపీ ఎమ్మెల్యే అభ్యర్థి పానెం చిన హనిమిరెడ్డి స్పష్టం చేశారు. మండల పరిధిలోని జాగర్లమూడివారిపాలెంలో గురువారం ఆయన ఎన్నికల ప్రచారం నిర్వహించారు. గ్రామస్తులు బ్రహ్మరథం పట్టారు. గ్రామంలో ప్రతి ఇంటికీ వెళ్లి సమస్యలు తెలుసుకున్నారు. వైఎస్సార్‌ సీపీ ప్రభుత్వంలో అందిన సంక్షేమ పథకాల కరపత్రాల్ని పంపిణీ చేశారు. ఫ్యాన్‌ గుర్తుకి ఓటు వేయాలని అభ్యర్థించారు. ఈ సందర్భంగా గ్రామస్తులు మాట్లాడుతూ చంద్రబాబు మేనిఫెస్టో నమ్మే విధంగా లేదని తేల్చి చెప్పారు. ఇచ్చిన వాగ్దానాలు నిలబెట్టుకున్న వైఎస్సార్‌ సీపీ వెంటే తాము నడుస్తామని స్పష్టం చేశారు. అనంతరం హనిమిరెడ్డి మాట్లాడుతూ జగనన్న నేతృత్వంలోని వైఎస్సార్‌ సీపీ ఎంత బలంగా ఉందో చంద్రబాబుకు తెలుసని, అందుకే జనసేన, బీజేపీతో పొత్తు పెట్టుకున్నారని విమర్శించారు. అంతర్గతంగా కాంగ్రెసుతో లాలూచీ అంతర్గతంగా చంద్రబాబు కాంగ్రెసుతోనూ లాలూచీ పడ్డాడని చిన హనిమిరెడ్డి ఆరోపించారు. అయినా లాభం లేదని మేనిఫెస్టోలో సాధ్యంకాని హామీలు గుప్పించి ప్రజల్ని మోసం చేసేందుకు వస్తున్నారన్నారు. ప్రజలు దానిని సైతం తిప్పికొడుతున్నారని తెలిపారు. విశ్వసనీయత ఉన్న వైఎస్సార్‌ సీపీ వెంటే ప్రజలు ఉన్నారని, ఎన్నికల్లో జగనన్న మరో ప్రభంజనం సృష్టించడం తథ్యం అని స్పష్టం చేశారు. అద్దంకి నుంచి వైఎస్సార్‌ సీపీ తరఫున తనను, ఎంపీ అభ్యర్థి నందిగం సురేష్‌ను అత్యధిక ఓట్లతో గెలిపించాలని కోరారు. కార్యక్రమంలో మండల కన్వీనర్‌ స్వయంపు హనుమంతరావు, వైఎస్సార్‌ సీపీ మండల ఇన్‌చార్జి బిజ్జం శ్రీనివాసరెడ్డి, ఏఎంసీ మాజీ చైర్మన్‌ పులికం కోటిరెడ్డి, జంపాని రవిబాబు, బట్రాజుల సంఘం రాష్ట్ర కార్పొరేషన్‌ డైరెక్టర్‌ చక్రవరం జ్యోతి, వడ్డెర సంఘం రాష్ట్ర కార్పొరేషన్‌ డైరెక్టర్‌ పల్లపు రాము, సర్పంచ్‌ జాగర్లమూడి వెంకటరత్నం, గ్రామ నాయకులు జాగర్లమూడి యల్లమందరావు, ఉప సర్పంచ్‌ జరుగుల యల్లమందరావు పాల్గొన్నారు. వైఎస్సార్‌ సీపీ ప్రభంజనం ఖాయం ఒక్కసారే మోసపోతాం.. మళ్లీ మళ్లీ కాదంటున్న జనం ఎన్నికల ప్రచారంలో అద్దంకి అసెంబ్లీ అభ్యర్థి పానెం చిన హనిమిరెడ్డి

చంద్రబాబు నిర్వాకం కష్టాలు తెచ్చి పెట్టాడు వలంటీర్‌ ఒకటో తేదీ తెల్లవారు జామునే నిద్రలేపి పింఛన్‌ సొమ్ము ఇచ్చేవాడు. చంద్రబాబు పుణ్యామా అంటూ రెండు నెలలుగా సొమ్ము సకాలంలో అందడం లేదు. పనులు మానుకుని పడిగాపులు కాస్తున్నాం. ఈ కష్టాలు మరో నెల భరించాలి. అయ్యా బాబు మేమేం పాపం చేశాం. నీ రాజకీయాలకు మేం బలయ్యాం. – వల్లెపు నాంచారమ్మ, కొప్పరపాడు, బల్లికురవ మండలం చంద్రబాబు నిర్వాకం వల్ల పండుటాకులకు ఈనెలా పింఛన్‌ కష్టాలు తప్పలేదు. బ్యాంకుల వద్ద పడిగాపులు పడ్డారు. మండుటెండలో మలమల మాడిపోయారు. జగనన్న పాలనలో తెలతెలవారగనే తలుపు తట్టి వలంటీర్లు నగదు చేతిలో పెట్టేవారు. ఒకటి కాదు రెండు నెలలు కాదు.. గత ఐదేళ్లుగా పువ్వుల్లా నగదు చేతిలో పెట్టడంతో వృద్ధులు సంబర పడిపోయారు. జగనన్న పాలనకు జేజేలు పలికారు. ఇది చంద్రబాబుకు కన్ను కుట్టింది. ఎన్నికల్లో ఓడిపోతానని భయం పట్టుకుంది. బృహన్నలలా నిమ్మగడ్డను అడ్డం పెట్టుకుని వలంటీర్ల ద్వారా పింఛన్ల పంపిణీకి అడ్డుకట్ట వేశాడు. జీవిత చరమాకంలో ఉన్న వృద్ధులు బాబు ఉక్రోషంతో గత నెల పింఛన్‌ తీసుకోవడానికి నరకయాతన అనుభవించారు. బతుకు జీవుడా అనుకున్నారు. అయితే, ఈనెల కూడా వారికి యాతన తప్పలేదు. అధికారులు పింఛన్‌ సొమ్మును ఖాతాల్లో జమ చేయడంతో వృద్ధులు బ్యాంకుల వద్ద మండుటెండలో పడిగాపులు పడుతున్నారు. బాబు నిర్వాకం వల్లే తామంతా రోడ్డున పడ్డామని శాపనార్థాలు పెడుతున్నారు. ఎన్నికల్లో జగనన్నకు ఓటేసి రుణాన్ని తీర్చుకుంటామని చెబుతున్నారు. – సాక్షి నెట్‌వర్క్‌●పింఛన్‌ టెన్షన్‌

ఎస్పీ వకుల్‌ జిందాల్‌ బాపట్ల టౌన్‌: ఎన్నికల విధుల్లో నిష్పక్షపాతంగా, నిబద్ధతతో వ్యవహరించాలని జిల్లా ఎస్పీ వకుల్‌ జిందాల్‌ తెలిపారు. జిల్లాకు కేటాయించిన మూడు టీఎస్‌ఎస్‌పీ, రెండు బీఎస్‌ఎఫ్‌ బెటాలియన్‌ల సాయుధ బలగాల అధికారులతో గురువారం తన కార్యాలయంలో సమావేశమయ్యారు. ఎస్పీ మాట్లాడుతూ స్వేచ్ఛగా ఓటుహక్కు వినియోగించుకునేలా ప్రజల్లో ఆత్మవిశ్వాసాన్ని పెంపొందించాలని సూచించారు. సమస్యాత్మక గ్రామాల్లో ఫ్లాగ్‌ మార్చ్‌లు నిర్వహించి ప్రజలకు పోలీస్‌ శాఖ అండగా ఉందనే భరోసాను కల్పించాలని తెలిపారు. ఈవీఎంలు, వీవీప్యాట్లు భద్రపరిచే స్ట్రాంగ్‌ రూముల వద్ద పటిష్ట బందోబస్తుతో 24 గంటల పాటు అప్రమత్తంగా విధులు నిర్వహించాలని చెప్పారు. సమావేశంలో బీఎస్‌ఎఫ్‌ అసిస్టెంట్‌ కమాండెంట్లు ఆర్‌.కె.భారతి, జి.డి.సంజయ్‌, తెలంగాణ స్పెషల్‌ పోలీస్‌ అసిస్టెంట్‌ కమాండెంట్లు టి.కాశీదాస్‌, సీతారాం, ఎం.శ్రీనివాసరావు, బాపట్ల ఏఆర్‌ డీఎస్పీ ఎస్‌.చంద్రమోహన్‌ పాల్గొన్నారు. వైఎస్సార్‌ పింఛన్‌ కానుక 95.74 శాతం పంపిణీ నరసరావుపేట: జిల్లాలో వైఎస్సార్‌ పింఛన్‌ కానుక గురువారం రాత్రి 8గంటలకు 95.74 శాతం పంపిణీ చేశారు. మొత్తం 2,81,240మందికి రూ.84.01కోట్లు పంపిణీ చేయాల్సి ఉండగా 2,69,252మందికి రూ.80.48 కోట్లు పంపిణీ చేశారు. డీఆర్‌డీఎ పీడీ బాలూనాయక్‌ నరసరావుపేట మండలం యల్లమంద, శావల్యాపురం, వినుకొండ, బొల్లాపల్లి ప్రాంతాల్లోని పలు బ్యాంకుల్లో లబ్ధిదారుల ఖాతాలకు పింఛన్ల జమ అయిన విధానం పరిశీలించారు. బ్యాంకు ఖాతాల నుంచి పింఛన్‌దారులు నగదు విత్‌డ్రా చేసుకునేందుకు ఏర్పాట్లు చేశారు. మద్యం అక్రమాలపై దృష్టి సారించండి నరసరావుపేట టౌన్‌: మద్యం ప్రభావం ఎన్నికల మీద చూపకుండా ముందస్తు చర్యలు తీసుకోవాలని స్పెషల్‌ ఎన్‌ఫోర్స్‌బ్యూరో డిప్యూటీ కమిషనర్‌ కె.హేమంత్‌నాగరాజు ఆదేశించారు. గురువారం ఎస్‌ఈబీ కార్యాలయాన్ని సందర్శించిన ఆయన అధికారులనుఉద్దేశించి మాట్లాడారు. అనుమానిత ప్రదేశాల్లో దాడులు నిర్వహించాలన్నారు. అనధికార మద్యం విక్రయాలు, అక్రమ మద్యంపై ఎప్పటికప్పుడు అప్రమత్తంగా ఉండి పూర్తి నివారణకు చర్యలు తీసుకోవాలన్నారు. మద్యం కేసుల్లో నిందితులపై బైండోవర్‌ కేసులు నమోదు చేయాలని చెప్పారు. కార్యక్రమంలో ఈ.ఎస్‌.ఖాజామోహిద్దిన్‌, సీఐ నయనతార, సిబ్బంది పాల్గొన్నారు. జాతీయ అథ్లెటిక్స్‌లో రేష్మీకి బంగారు పతకంగుంటూరు వెస్ట్‌ (క్రీడలు): ఇటీవల బెంగళూరులో జరిగిన ఇండియన్‌ గ్రాండ్‌ ప్రిక్స్‌–1 జాతీయ అథ్లెటిక్‌ పోటీల్లో భాగంగా జావెలిన్‌ త్రో విభాగంలో గుంటూరు అథ్లెట్‌ రేష్మి బంగారు పతకం సాధించిందని అథ్లెటిక్‌ అసోసియేషన్‌ ఆఫ్‌ గుంటూరు జిల్లా కార్యదర్శి జీవీఎస్‌ ప్రసాద్‌ గురువారం ఒక ప్రకటనలో తెలిపారు. 53.77 మీటర్లు దూరం జావెలిన్‌ విసిరి తనకు ఎదురులేరని నిరూపించిందన్నారు. గతంలో కూడా రేష్మి పలు జాతీయ పోటీల్లో పాల్గొందన్నారు. ప్రస్తుతం ఆమె సౌత్‌ సెంట్రల్‌ రైల్వే టికెట్‌ కలెక్టర్‌గా పని చేస్తుందని తెలిపారు. ఈ సందర్భంగా రేష్మిని అసోసియేషన్‌ చైర్మన్‌ జి.శేషయ్య, రేమండ్స్‌ అధినేత టి.అరుణ్‌ కుమార్‌, డాక్టర్‌ ఎం.శివకుమార్‌, అంకాల సుబ్బారావు అభినందించారని పేర్కొన్నారు. నిమ్మకాయల ధరలు తెనాలి: గుంటూరు జిల్లా తెనాలి మార్కెట్‌ యార్డులో గురువారం క్వింటా నిమ్మకాయలు కనిష్ట ధర రూ.4500, గరిష్ట ధర రూ.6800, మోడల్‌ ధర రూ.5400 వరకు పలికింది.